tpaul
Platinum Member
- Feb 3, 2008
- 27,843
- 29,350
Mbinu zilizotumika kwenye "uchaguzi" wa mwaka 2020 ndizo walizopanga kuzitumia pia mwaka 2025. Lakini safari hii liliwakuta jambo ikabidi wabadili gea angani.
Mwaka 2020 wasimamizi wa vituo waliletewa matokeo ya bandia na ARO Kata wakati upigaji wa kura halali ukiendelea. Hizo kura za mchongo ndizo ambazo wasimamizi walielekezwa kuziingiza kwenye karatasi ya mwisho ya matokeo ambayo hubandikwa kwenye kituo cha kupigia kura. Haijalishi kama kura hizo zitatofautiana na kura halali zilizopigwa kwa kiasi gani. Cha muhimu tu hizo kura zisizidi idadi ya wapigakura waliojiandikisha.
Swali: je, mgombea wa chama cha upinzani akiamua kwenda mahakamani kudai kura zilizotangazwa sio halali itakuwaje? Jibu ni kwamba baada ya zoezi la kupiga kura kutamatika, Mkurugenzi wa halmashauri, ambaye ni kada maarufu wa CCM, huwakusanya makada wa CCM na mamluki wengine na kuwafungia mahali ambapo huwapigisha kura ili kufikisha idadi ya kura zilizochakachuliwa. Kwa mfano, kama kwenye kituo A kura halali zilizopigwa ni 23 lakini zilichakachuliwa na kuandikwa 400, basi watu hao watapewa makaratasi ya kura na kutiki kura 377 na kisha kuziingiza kwenye masanduku. Ile rakili iliyofungwa siku ya kupiga kura hukatwa na kufungwa rakili mpya. Hapa hata mtu ukienda mahakamani, kura zikahesabiwa upya bado huwezi kufua dafu. Hii ilikuwa drama ya mwaka 2020.
Sasa tugeukie wizi wa 2025. Wizi wa safari hii ulikuwa tofauti kwa sababu ya tishio la maandamano na kususia upigaji kura. Msimamizi mmoja wa kituo cha uchaguzi aliniambia kuwa idadi ya watu waliopiga kura kwa kila kituo haikuzidi 50. Kwa mfano, katika kituo alichosimamia, chenye idadi ya wapiga kura 500 waliojiandikisha, ni watu 98 (19.6%) tu waliofika kupiga kura. Lakini kwenye karatasi ya kuingiza matokeo ya jumla ambayo aliiwasilisha kwa mkurugenzi (RO) aliongeza namba 4 mwanzoni na kupelekea matokeo kusoma 498 (99.66%). Hivi ndivyo kura zilivyokuzwa safari hii baada ya kuwa mbinu iliyotumika mwaka 2020 imegunduliwa na viongozi wa upinzani. Ile haikutumika tena safari hii. Na haya maelekezo ya kuandika namba nyuma ya matokeo halali ili kuongeza kura na idadi ya waliopiga kura, yalitolewa siku chache kabla ya siku ya uchaguzi. Tukumbuke wasimamizi hawa ni watumishi wa halmashauri na mkurugenzi ndiye bosi wao. Hivyo, hawawezi kukataa kutii maelekezo ya bosi.
Ukweli ni kwamba baada ya wapinzani wa kweli (CHADEMA) kujitoa kwenye kinyang'anyiro hiki, ilikuwa lazima CCM washinde hata bila kuchakachua kura kwa sababu hata mgombea akiamua kuchukua ukoo wake wa watu 30 wakaenda kumpigia kura, lazima tu ataibuka mshindi. Kwa utaratibu wa uchaguzi wa Tanzania, anayepata kura nyingi ndiye mshindi. Haijalishi umepigiwa kura na watu wangapi.
Kwa bahati mbaya, CCM kwa kutaka sifa pamoja na kuwakomoa wasusiaji, wakaamua kuwaelekeza wasimamizi wa vituo kukuza kura ili kuuhadaa umma wa kimataifa na pia kujihadaa wao wenyewe kwamba wapigakura walijitokeza kwa wingi kwenye vituo vya kupigia kura na kuonyesha kuwa mama anaupiga mwingi.
Nchi ya ovyo kabisa. Wapinzani wa kweli wamekuwaachieni ulingo upigane na wewe mwenyewe lakini bado unakuza matokeo! Hii ni aibu kubwa sana kwa Samia na genge lake. Ipo siku Mungu atawahukumu sawasawa na matendo yao maovu.
Mwaka 2020 wasimamizi wa vituo waliletewa matokeo ya bandia na ARO Kata wakati upigaji wa kura halali ukiendelea. Hizo kura za mchongo ndizo ambazo wasimamizi walielekezwa kuziingiza kwenye karatasi ya mwisho ya matokeo ambayo hubandikwa kwenye kituo cha kupigia kura. Haijalishi kama kura hizo zitatofautiana na kura halali zilizopigwa kwa kiasi gani. Cha muhimu tu hizo kura zisizidi idadi ya wapigakura waliojiandikisha.
Swali: je, mgombea wa chama cha upinzani akiamua kwenda mahakamani kudai kura zilizotangazwa sio halali itakuwaje? Jibu ni kwamba baada ya zoezi la kupiga kura kutamatika, Mkurugenzi wa halmashauri, ambaye ni kada maarufu wa CCM, huwakusanya makada wa CCM na mamluki wengine na kuwafungia mahali ambapo huwapigisha kura ili kufikisha idadi ya kura zilizochakachuliwa. Kwa mfano, kama kwenye kituo A kura halali zilizopigwa ni 23 lakini zilichakachuliwa na kuandikwa 400, basi watu hao watapewa makaratasi ya kura na kutiki kura 377 na kisha kuziingiza kwenye masanduku. Ile rakili iliyofungwa siku ya kupiga kura hukatwa na kufungwa rakili mpya. Hapa hata mtu ukienda mahakamani, kura zikahesabiwa upya bado huwezi kufua dafu. Hii ilikuwa drama ya mwaka 2020.
Sasa tugeukie wizi wa 2025. Wizi wa safari hii ulikuwa tofauti kwa sababu ya tishio la maandamano na kususia upigaji kura. Msimamizi mmoja wa kituo cha uchaguzi aliniambia kuwa idadi ya watu waliopiga kura kwa kila kituo haikuzidi 50. Kwa mfano, katika kituo alichosimamia, chenye idadi ya wapiga kura 500 waliojiandikisha, ni watu 98 (19.6%) tu waliofika kupiga kura. Lakini kwenye karatasi ya kuingiza matokeo ya jumla ambayo aliiwasilisha kwa mkurugenzi (RO) aliongeza namba 4 mwanzoni na kupelekea matokeo kusoma 498 (99.66%). Hivi ndivyo kura zilivyokuzwa safari hii baada ya kuwa mbinu iliyotumika mwaka 2020 imegunduliwa na viongozi wa upinzani. Ile haikutumika tena safari hii. Na haya maelekezo ya kuandika namba nyuma ya matokeo halali ili kuongeza kura na idadi ya waliopiga kura, yalitolewa siku chache kabla ya siku ya uchaguzi. Tukumbuke wasimamizi hawa ni watumishi wa halmashauri na mkurugenzi ndiye bosi wao. Hivyo, hawawezi kukataa kutii maelekezo ya bosi.
Ukweli ni kwamba baada ya wapinzani wa kweli (CHADEMA) kujitoa kwenye kinyang'anyiro hiki, ilikuwa lazima CCM washinde hata bila kuchakachua kura kwa sababu hata mgombea akiamua kuchukua ukoo wake wa watu 30 wakaenda kumpigia kura, lazima tu ataibuka mshindi. Kwa utaratibu wa uchaguzi wa Tanzania, anayepata kura nyingi ndiye mshindi. Haijalishi umepigiwa kura na watu wangapi.
Kwa bahati mbaya, CCM kwa kutaka sifa pamoja na kuwakomoa wasusiaji, wakaamua kuwaelekeza wasimamizi wa vituo kukuza kura ili kuuhadaa umma wa kimataifa na pia kujihadaa wao wenyewe kwamba wapigakura walijitokeza kwa wingi kwenye vituo vya kupigia kura na kuonyesha kuwa mama anaupiga mwingi.
Nchi ya ovyo kabisa. Wapinzani wa kweli wamekuwaachieni ulingo upigane na wewe mwenyewe lakini bado unakuza matokeo! Hii ni aibu kubwa sana kwa Samia na genge lake. Ipo siku Mungu atawahukumu sawasawa na matendo yao maovu.
