Jitu la kienyeji
JF-Expert Member
- Dec 13, 2014
- 4,445
- 7,987
Watu wengi wanafikiri umaskini unatokana na udogo wa mshahara, lakini ukweli mchungu ni kwamba unatokana na mlolongo wa makosa ya kifedha unaoyafanya kila tarehe Mosi. Unapokea fedha, unalipia kila mtu mwingine kwanza, kisha unalia huna akiba pindi mwezi unapoisha.
Kama alivyowahi kusema bilionea na tajiri mzee Warren Buffett: "Usihifadhi kile kilichobaki baada ya kutumia, bali tumia kile kilichobaki baada ya kuhifadhi."
Sentensi hii moja ndiyo siri kuu inayotofautisha watu wanaojenga mafanikio ya kudumu na wale wanaobaki kwenye mtego wa kuishi kwa ajili ya kulipa bili kila mwezi:
Tabia ya kusema utaweka akiba au kuwekeza kile kitakachobaki mwisho wa mwezi ni mtego wa kisaikolojia. Hamna pesa inayowahi kubaki. Saikolojia ya mwanadamu inalazimisha matumizi kuongezeka ili kuenea kwenye kiasi chochote cha fedha kilichopo mkononi. Usipotenga akiba yako sekunde ile ile pesa inapoingia, utajikuta umeinunulia vitu visivyo na msingi, na mwisho wa mwezi utabaki ukiwa huna hata mia.
Mshahara au faida ya biashara ikingia, mtu wa kwanza anayepaswa kulipwa si mwenye nyumba, si duka la nguo, wala si mwenye baa ni baadaye yako. Tenga asilimia 10 hadi 20 ya kipato chako mara moja na uiipeleke kwenye uwekezaji au akaunti ya akiba kabla hujagusa senti moja kwa ajili ya matumizi mengine. Hiyo ndiyo pesa inayokufanyia kazi ya kukununulia uhuru wako wa baadaye.
Watu wengi wanatumia kanuni ya kimasikini: Kipato - Matumizi = Akiba.
Wanaofanikiwa wanatumia kanuni ya kitajiri: Kipato - Akiba = Matumizi.
Ukishaondoa fungu la uwekezaji kwanza, unalazimisha akili yako kuishi na kubana matumizi kwenye kile kiasi kilichobaki, bila kuhatarisha hatima yako ya kifedha.
Mafanikio hayajengwi na kiasi cha fedha unachotengeneza, bali unajengwa na nidhamu ya kiasi unachokilinda. Acha kuilisha dunia nzima huku ukijiacha mwenyewe ukiwa mikono tupu.
Anza kujilipa mwenyewe kwanza kuanzia leo!
Kama alivyowahi kusema bilionea na tajiri mzee Warren Buffett: "Usihifadhi kile kilichobaki baada ya kutumia, bali tumia kile kilichobaki baada ya kuhifadhi."
Sentensi hii moja ndiyo siri kuu inayotofautisha watu wanaojenga mafanikio ya kudumu na wale wanaobaki kwenye mtego wa kuishi kwa ajili ya kulipa bili kila mwezi:
Tabia ya kusema utaweka akiba au kuwekeza kile kitakachobaki mwisho wa mwezi ni mtego wa kisaikolojia. Hamna pesa inayowahi kubaki. Saikolojia ya mwanadamu inalazimisha matumizi kuongezeka ili kuenea kwenye kiasi chochote cha fedha kilichopo mkononi. Usipotenga akiba yako sekunde ile ile pesa inapoingia, utajikuta umeinunulia vitu visivyo na msingi, na mwisho wa mwezi utabaki ukiwa huna hata mia.
Mshahara au faida ya biashara ikingia, mtu wa kwanza anayepaswa kulipwa si mwenye nyumba, si duka la nguo, wala si mwenye baa ni baadaye yako. Tenga asilimia 10 hadi 20 ya kipato chako mara moja na uiipeleke kwenye uwekezaji au akaunti ya akiba kabla hujagusa senti moja kwa ajili ya matumizi mengine. Hiyo ndiyo pesa inayokufanyia kazi ya kukununulia uhuru wako wa baadaye.
Watu wengi wanatumia kanuni ya kimasikini: Kipato - Matumizi = Akiba.
Wanaofanikiwa wanatumia kanuni ya kitajiri: Kipato - Akiba = Matumizi.
Ukishaondoa fungu la uwekezaji kwanza, unalazimisha akili yako kuishi na kubana matumizi kwenye kile kiasi kilichobaki, bila kuhatarisha hatima yako ya kifedha.
Mafanikio hayajengwi na kiasi cha fedha unachotengeneza, bali unajengwa na nidhamu ya kiasi unachokilinda. Acha kuilisha dunia nzima huku ukijiacha mwenyewe ukiwa mikono tupu.
Anza kujilipa mwenyewe kwanza kuanzia leo!