Na yeye aliye juu aliamua ya kuwa wakati, muda na masaa, vyote viwe miliki ya uamuzi wake. Akanena kuwaambia mariisii na madiisii: 'Wakamateni wanipingao, wadhalilisheni wanishaurio, na wawekeni korokoroni wote wanielekezao. Munayo masaa arubaini na manane na hiyo ni ruhusa nawapeni. Nanyi mujuwe ruhusa ya kutoka juu huwa amri.' Nao mariisii na madiisii wakaitika huku wakitikisa mikia: 'Ndio mtukufu jalali. Tumesikia na tunatekeleza!' Basi wakati jua linakwenda machweoni katika siku yake ya pili madhabahuni, akainua bakuli la sadaka kuwataka waamini waingize wenyewe mapato yao. Na huko kwenye mataifa, majela yakajaa, yakafurika na vifua vya waja vikashika mimba za ghadhabu." Amri 23: 1-10