Kidole tumbo au appendix: Hii ni ogani mfano wa pochi ambayo imekaa mwishoni mwa utumbo mkubwa unapoungana na ule mdogo. Ina urefu wa sentimeta 9 hadi 20. Dk William Parker na Randy Bollinger wa Chuo Kikuu cha Duke mwaka 2007 walisema kuwa kidole tumbo kina wajibu wa kutunza bakteria rafiki ili wapambane na maradhi kwenye utumbo mdogo na mkubwa.
Daktari Bingwa wa Afya ya Familia na Vijana, Ali Mzige anasema mfumo wa chakula una umuhimu mkubwa na endapo tutautumia vibaya tutapata maradhi au hata kifo.
Anatoa rai kuacha kula vyakula vyenye pilipili nyingi, kujizoesha kutumia dawa za maumivu (aspirin, diclofenac) bila utaratibu maalum na kupunguza utumiaji wa pombe.
Lakini pia Dk Mzige anasema kuna vyakula vina asili ya sumu kama mihogo. Anasema mihogo ina sumu ya Synod, ambayo huingia mwilini taratibu na kuleta madhara baadaye.
“Hii sumu ya afflatoxin ni vigumu kuitoa mwilini, inapatikana zaidi kwenye nafaka ambazo zimekaa kwa muda mrefu au kwenye mazao ya wanyama waliokula nafaka hizo,” anasema.