Uzi maalum wa kupeana Likes: Comment chochote upate "Like"

Kwa jinsi jamaa huyu alivyokuwa akifanya kazi, watu walimwita Bwana Kazinyingi. Hakuwa na muda wa kukaa na kuongea na mkewe na watoto wake. Ingawa alikuwa na nyumba nzuri, fanicha bora na vifaa vya kisasa kama vile televisheni, video na vinginevyo, kamwe hakuwa na muda wa kuvifaidi.
 
Kwa jinsi alivyojifanya alikuwa mtumwa wa kazi, hakuwa na amani wala furaha. Baada ya muda alisumbuliwa na maradhi kadha wa kadha kama shinikizo la damu, msongo wa mawazo, vidonda vya tumbo na mwisho alipata kiarusi akapooza na hakuweza kuendelea na kazi zake alizozizoea.
 
Hili ni moja kati ya matatizo yanayowakabili watu wengi katika maisha. Huwa hawafikiri kuwa kupumzika ni jambo muhimu kwa binadamu. Kuna mtaalamu mmoja alifanya utafiti katika baadhi ya nchi zinazoendelea. Aliwahoji watu wengi ili kujua kama katika maisha yao huwa wanapumzika.
 
Asilimia 90 walionyesha suala la kupumzika halikuwa kabisa limegusa fikira zao. Wengi walimwambia kuwa siyo rahisi kwa wao kupata muda wa kupumzika kwa sababu maisha ni magumu.
 
Kweli kabisa bro
 
Kuna baadhi walisema labda wanaweza kuanza kupumzika wakati watoto wao watakapokua wakubwa na kuanza maisha yao wenyewe. Kuna wengine, hususan wafanyakazi walisema huenda watapumzika watakapostaafu. Bado kuna wale waliosisitiza kuwa kupumzika ni kustarehe, hivyo watapumzika tu watakapokuwa wamepata yale yote wanayoyatarajia katika maisha yao kama vile kujenga nyumba, kuwa na shamba au kununua vitu muhimu katika maisha kama gari, fanicha na vitu vinginevyo muhimu.
 
Niliona moja kwa Oprah inafanana na hii.

 
Tulio wengi tunaishi kama kwamba tuna mkataba wa kutekeleza kila jambo linalotukabili. Tunachelewa kulala, tunaamka mapema, tunakosa muda wa kujiburudisha na kustarehe na familia zetu tukiamini siku moja shughuli zitakwisha. Jambo hili halitatokea daima kwa sababu kila tunapokamilisha jambo moja linatokea jingine badala yake.
 
Aidha, tukumbuke kuwa lengo la kuishi siyo kutumia wakati wetu wote katika shughulikia maisha bila kuhakikisha tunaishi kwa furaha, amani na utulivu. Ni dhahiri kuwa tunawajibika kuwa na hali ya kufanikiwa na kufanya kazi kwa juhudi zote, lakini tukifanikiwa kuziliwaza mbongo na kuburudisha miili yetu, tutaweza kuzifanya fikira zetu ziwe makini zaidi na kupata matokeo bora zaidi. Tukijizoeza kupumzika walau kidogo kila siku, tutastaajabu jinsi tutakavyoweza kufanya kazi kwa makini zaidi na kwa kiwango kikubwa bila kuchoka.
 
Kwanza, tuwaonye wale wanaofikiri kuwa katika maisha kuna wakati unaofaa kupumzika, kwa kuwa kupumzika ni sehemu ya maisha. Pia inabidi tukumbuke kuwa muda wa kupumzika hauji wenyewe ila ni sisi tunaowajibika kutafuta wasaa wa kupumzika walau kidogo kila siku. Siyo vyema kuijaza kila siku kwa kazi nyingi kama yule rafiki yangu Bwana kazi nyingi.
 
Mwisho tufahamu kuwa kupumzika ni pamoja na kupata usingizi wa kutosha. Wataalamu husema binadamu anahitaji muda usiopungua saa nane za kulala kila siku. Ili kuwa na utaratibu mzuri wa kuishi kwanza hakikisha una afya nzuri na boresha uwezo wa kufanya kazi wa mwili wako kwa na mapumziko na kufanya mazoezi.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…