Uzi maalum wa kupeana Likes: Comment chochote upate "Like"

Andres Iniesta amezima tetesi zote zilizokuwa zikiuzingira mustakabali wake kwa kusaini mkataba mpya Barcelona.
Iniesta, 33, angekuwa mchezaji huru majira ya joto 2018, kwani mkataba wake ulikuwa unakwisha Cam Nou.
Sintofahamu ya muda mrefu iliyodumu Katalunya ilizipa klabu nyingine fursa ya kuanza kuzungumza na mchezaji huyo.
Hata hivyo Iniesta alitoa habari njema mwishoni mwa mwezi Septemba kuwa mazungumzo yalikuwa yakiendelea baina yake na klabu.
 
Barcelona sasa wametangaza kuwa makubaliano yamefikiwa taarifa kutoka tovuti rasmi ya klabu ikisomeka: "Andres Iniesta amesaini mkataba wa maisha na FC Barcelona Ijumaa, dili litakalomweka klabuni hapo kipindi chote cha soka lake.
"Kiungo huyo wa Hispania, ambaye amecheza mechi 639 Barca, ni mchezaji wa pili kucheza mechi nyingi wa muda wote klabuni hapo.
 
Amefunga magoli 55 kwenye timu ya kwanza, tangu alipoanza kucheza Oktoba 29, 2002.
"Tangu 2015 Iniesta amekuwa nahodha wa kikosi cha kwanza na ni miongoni mwa wachezaji ambao ni kama nembo ya klabu.
"Kiungo huyo mwenye umri wa miaka 33 alijiunga na klabu Septemba 1996, akiwa na miaka 12.
"Iniesta na Leo Messi wana rekodi moja ya kutwaa mataji mengi zaidi katika historia ya Barce, 30."
 
PSG wapo tayari kumsajili mshambuliaji wa Arsenal Alexis Sanchez, baada ya Neymar kuomba aongezwe kwenye orodha ya wachezaji wanaotakiwa kusaijiliwa na klabu hiyo, kwa mujibu wa Le Parisien .
 
Southampton wapo tayari kutoa paundi milioni 15 kumsajili mshambuliaji wa Arsenal Theo Walcott Januari, kwa mujibu wa Daily Express .
Walcott pia yumo kwenye rada za Everton, West Ham na Inter, lakini Southampton wanaamini watafanikiwa kumshawishi Muingereza huyo kurejea St Mary's baada ya muongo mmoja tangu ajiunge na Arsenal.
 
Fenerbahce inafikiria kumsajili mchezaji wa kimataifa wa Uholanzi Daley Blind kutoka Manchester United kwa mujibu wa habari kutoka Hurriyet, via Talksport .
Blind anaweza kucheza kama beki wa kati, beki wa kushoto na hata kiungo mkabaji, lakini hana uhakika katika kikso cha Jose Mourinho.
 
Jupp Heynckes baada ya kustaafu atarejea tena kuinoa Bayern Munich mwisho wa msimu huu kwa mujibu wa Bild .
Heynckes mwenye umri wa miaka 72 alishinda mataji matatu akiwa na mabingwa hao wa Ujerumani kabla ya kuwasili kwa Pep Guardiola 2013, na atachukua nafasi ya Willy Sagnol anayeiongoza klabu hiyo kwa muda baada ya Ancelotti kutupiwa virago.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…