Uzi maalum wa kupeana Likes: Comment chochote upate "Like"

[Numbisa]

Kuweka tarehe halisi au kamili ya kuzaliwa kwenye mitandao ya kijamii kunaweza kutoa mwanya kwa wahalifu kupata taarifa zako muhimu na hata kufungua au kuingilia akaunti zako zinazotumia tarehe yako ya kuzaliwa.

 

[Midekoo]

 

[Numbisa]

Mambo ya kufanya:

Ficha au ondoa tarehe yako halisi ya kuzaliwa

 

[Rutashubanyuma]

 

[Numbisa]

Unaweza kuweka taarifa halisi nusu badala ya kuweka taarifa zote kamili. Mf. Kama umezaliwa 20/10/1990 ukaweka tarehe 20/10/1970 au 20/05/1820 nk.

 

[Rutashubanyuma]

 

[Numbisa]

Eneo ulipo kwa wakati husika

Kuna uwezekano unapoweka chapisho (post) mtandaoni likaonyesha pia eneo ulilopo; hii linategemeana na mpangilio wako wa faragha. Pia watu wenyewe wamekuwa wakionyesha wako maeneo gani katika machapisho (post) zao mbalimbali.

 

[Numbisa]

Hiki si kitu kizuri kwani kinawajulisha watu wabaya ulipo; hivyo wanaweza kwenda kukuibia nyumbani, au ofisini au hata kukuteka kwani wanajua eneo ulilopo. Hivyo ni vyema kubadili mpangilio wako wa faragana (privacy settings), pia kutokuchapisha eneo ulilopo kwa ajili ya usalama wako.

 

[Numbisa]

Picha za watoto wako au wa jirani

Watu wengi hupenda kuweka picha za watoto kwenye mitandao tena wakiwatagi hata majina. Kwa hakika huwezi kujua ni nani ataziona hizo picha na atazitumiaje. Ulishiwahi kufikiri kama akaunti ya rafiki itaibiwa na mtu mbaya? Piacha unazoziona leo zikitumika katika matangazo, hata yale mabaya si zote zimenunuliwa;

 

[Numbisa]

nyingine zimechukuliwa tu kwenye mitandao. Je ungependa piacha za mtoto wako au wa jirani zitumike vibaya? Hivyo basi, ondoa picha za watoto kwenye mitandao, au kama utaweka basi hakuna haja ya kuwatagi majina.

 

[Numbisa]

Anwani ya mahali unapoishi

Kama ilivyo kwa eneo ulipo kwa wakati husika, si vyema kuonyesha anwani kamili ya mahali unapoishi. Je unajua akaunti yako itaonwa na nani? Inawezekana wahalifu wakakufwatilia kwa kutumia taarifa ulizoweka kwenye akaunti yako. Hatari huzidi kwa wale watu wanaopenda kuonyesha wanaishi maisha ya kifahari nyumbani wakiwa na vitu vya thamani kubwa.

 

[Numbisa]

Namba yako ya simu

Kama nilivyotangulia kusema katika dondoo zilizotangulia kuwa huwezi kujua taarifa zako zinaonwa na kutumiwa na nani. Epuka kuweka namba yako ya simu kwenye mitandao kwani inaweza kutumia na watu wabaya kufanya uhalifu au hata kukufwatilia.

 

[Numbisa]

Je ulishawahi kufikiri nini kitatokea ikiwa wezi watamwibia mtu pesa kwa kutumia namba inayofanana na ya kwako? Jibu ni kuwa utafikishwa katika mikono ya sheria kwani namba yako imeonekana katika tukio zima la uhalfu.

 

[Numbisa]

Mahusiano

Watu wengi hupenda kuonesha hali za mahusiano yako kwenye mitandao ya kijamii. Hebu fikiri umeonyesha kuwa uko kwenye mahusiano na mtu ambaye amemwacha mpenzi wake; ni dhahiri kuwa kuna uwezekano huyo mpenzi wa awali akataka kufanya kitu kibaya juu yenu. Hivyo epuka kuweka maswala yako ya mahusiano kwenye mitandao kwani hujui anayeona ni nani na atafanya nini kutokana na taarifa hizo.

 

[Rutashubanyuma]

 

[Numbisa]

Safari au mapumziko

Unapoandika kuwa umesafiri au uko kwenye mapumziko, kwa ufupi umesema “Sipo nyumbani au ofisini hivyo mnaweza kufanya chochote”. Kumbuka taarifa kama hizi zitatoa mianya kwa wahalifu watakapoziona. Jitahidi kuweka picha au taarifa kama hizi baada ya safari au mapumziko ili kulinda usalama wako.

 

[Rutashubanyuma]

 

[Numbisa]

Vitu ambavyo usingependa watu wengine wavione

Kuchapisha kitu kwenye mtandao wa kijamii na kukifuta haina maana kuwa hakijaonwa au hata kupigwa picha na mtu mwingine. Nimeshuhudia watu wakilia kwa kujikuta kwa bahati mbaya waajiri,

 

[Rutashubanyuma]

 

[Numbisa]

wafanyakazi wenza au wanafamilia wakiona taarifa zao ua vitu ambayo wasingepaswa kuviona. Kumbuka taarifa katika mitandao ya kijamii husambaa kwa kasi sana; hivyo ni rahisi kuonwa na watu wengi hata wasiokusudiwa.