Uzi maalum wa kupeana Likes: Comment chochote upate "Like"

Mtumiaji anapovuta msokoto wa bangi, huanza kufanya kazi baada ya dakika chache na mvutaji huanza kuhisi mapigo ya moyo yakienda mbio, mapokeo ya uhalisia huanza kubadilika na kuona vitu visivyo katika uhalisia (ndoto za mchana/maruweruwe).Matokeo haya ya muda mfupi baada kuvuta moshi wa bangi, huweza kudumu kwa muda wa saa mbili hadi nne au kuendelea kwa muda mrefu zaidi ikitegemea na kiasi cha THC kilichovutwa na ukali wake.
 
Mara nyingi wavutaji wa bangi huvuta moshi kwa nguvu ndani ya mapafu na kuushikilia kwa muda mrefu ili kuongeza ufanyaji kazi wa THC ukilinganisha na anayevuta sigara na hii husababisha madhara makubwa katika mapafu ya mvutaji. Mbali na maudhi kama kukohoa na koo kuwasha, imeonekana kuwa uvutaji wa aina hii wa moshi unamweka mvutaji katika hatari mara tano zaidi ya kupata saratani ukilinganisha na mvutaji sigara.
 
Matatizo ya ubongo yanayopelekea kuathiri afya ya akili ni ugonjwa mbaya uwapatao wavutaji wa bangi. Anayevuta bangi huwa na uwezo mdogo wa kumbukumbu na pia humuondolea uwezo wa asili wa kufanya maamuzi yaliyo sahihi ukilinganisha na mtu asiyevuta bangi.
 
Uraibu wa dawa za kulevya ni ugonjwa wa ubongo ambao husababishwa na utumiaji dawa hizo, na hubadili mfumo wa umeme wa ufanyaji kazi wa ubongo na kupelekea kubadili tabia ya binadamu anayezitumia. Mtu anapokuwa mraibu, mabadiliko haya kwenye ubongo, huathiri jinsi mtu anavyofanya maamuzi, na hupelekea mtu kuwa na kiu/hamu ya kuendelea kutumia dawa hizo na huzitafuta kwa hali na mali ili aweze kukidhi haja yake.
 
Uraibu na madhara yake huenda mbali zaidi na hata husababisha magonjwa mengine yaliyo hatari kama magonjwa ya moyo, mishipa ya damu, kiharusi, saratani, hepatitis, magonjwa ya mapafu na HIV/AIDS. Kati ya magonjwa hayo hutokea endapo mtumiaji atatumia dozi kubwa au ni mtumiaji wa
muda mrefu, lakini pia magonjwa mengine hutokea hata pale mtumiaji atakua ametumia kwa mara ya kwanza.
 
Mraibu siyo tu atadhoofisha kinga ya mwili, lakini pia anajiweka katika tabia hatarishi ya matumizi ya kujidunga sindano na kufanya ngono isiyo salama. Mchanganyiko huu wa tabia huongeza maradufu hatari ya kuambukizwa HIV, virusi vya hepatitis na magonjwa mengine mengi.
 
Heroin ni mojawapo ya dawa za kulevya ambayo humweka mtumiaji katika hatari ya kuambukizwa magonjwa kutokana na ushiriki wa sindano moja kudunga watu wengi. Lakini uvutaji wa pua na uvutaji wa moshi hautaondoa hatari ya kuambukizwa virusi vya hepatitis na HIV kwa sababu mtumiaji anapolewa dawa hii hushiri ngono isiyo salama.
 
Matumizi ya Heroin kwa mjamzito yatapelekea mtoto na mama kuwa tegemezi kwa dawa hiyo ya kulevya kwa kuwa dawa hii humfikia mtoto aliye tumboni kupitia placenta. Dalili kwa mtoto aliyeathirika na dawa hii ya kulevya ni mtoto kulia sana, homa, kukakamaa kama mtu mwenye kifafa, kuongezeka uzito taratibu, kuhara, kutetemeka na pengine hata kifo.
 
Watoto hawa huitaji kulazwa hospitali kwa ajili ya uangalizi wa karibu pamoja na kupewa matibabu ya dawa kama morphine kutibu dalili hizo, na matumizi ya dawa hii huanza kupunguzwa taratibu hadi pale mtoto atakapomudu kuishi bila kutegemea dawa hii. Dawa aina ya methadone huendelea kutolewa kuhakikisha kuwa mtoto na mama wanaondokana na uraibu wa Heroin.
 
Dozi kubwa ya heroin huathiri moyo na mtumiaji hushindwa kupumua vizuri kiasi kwamba mtumiaji hawezi kupona bila matibabu. Naloxone (kitaalam hujulikana kama opiods receptor antagonist) ni dawa ambayo hutumika kutibu mtu aliyeathirika na dozi kubwa.
 
Matibabu ya heroin yamegawanyika katika makundi makuu mawili, nayo ni matibabu ya ushauri nasaha kuhakikisha mtumiaji anabadili tabia na pili ni matumizi ya dawa ambazo hutibu dalili za ugonjwa pamoja na kumwezesha mtumiaji kuachana na matumizi ya dawa hii hatari. Mfano wa dawa hizi ni kama Morphine, Methadone, Naltrexone na Buprenorphine.
 
Endapo wewe ni mtumiaji au una ndugu mtumiaji wa dawa hii ni vyema ukawasiliana na daktari au mfamasia katika kituo cha afya kilicho karibu nawe kwa ushauri zaidi.Ni vyema kuwahi mapema ili kuepuka madhara apatayo mtu baada ya matumizi ya muda mrefu.
 
[emoji125] [emoji125] [emoji125] [emoji125] [emoji125] [emoji125] [emoji23] [emoji23] [emoji23] [emoji23] [emoji23] shemeji buaanaa[emoji23] [emoji23] [emoji23] ndoa imevunjika lakini wewe bado wadai mahari? Ngoja nifukunyue kwenye vitabu vya uhasibu nijue hiyo akaunti inaitwaje
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…