Uzi maalum wa kupeana Likes: Comment chochote upate "Like"

[Numbisa]

Anasema siku iliyofuata ilikuwa Jumapili ambayo waganga hao walimfuata kijiweni kwake na kumuulizia iwapo anawafahamu vijana waliokuwa nao siku iliyotangulia.

 

[Numbisa]

Unajua ni nini kilitokea? Waganga walikamatwa na Polisi kwa sababu fedha walizopewa na wateja wao zilikuwa bandia,” anasimulia Juma huku akicheka.

 

[Numbisa]

Anasema kafara zinazohusisha kuchinja mbuzi, kondoo, kuku na kuvunja nazi ni matukio ya kawaida ambayo amekuwa akiyashuhudia.

 

[Numbisa]

Changamoto za kazi

Kibinja anasema miaka kadhaa iliyopita aliwahi kupata homa kali akichimba kaburi akiwa chini ya ardhi futi sita.

 

[Numbisa]

Kulikuwa na walimu wangu wa kazi hiyo ambao walinifundisha na walinielekeza nikipatwa na hali kama hiyo nifanye nini. Pamoja na kwenda hospitali, pia nilitumia dawa walizonielekeza wazee hao, ” anasema Kibinja bila ya kufafanua alichoelekezwa na wazee hao.

 

[Numbisa]

Mwaimbo anasema, “Niliwahi kupata tenda ya kuchimba kaburi, nilikuwa nimekunywa kidogo, sikumbuki vizuri alinipa hiyo tenda nani. Sikumbuki pia ilikuwaje, lakini nililala makaburini bila kujijua na nilipokuja kuzinduka nilikuwa napepesuka, marafiki, majirani na ndugu wakaniambia nimepotea kwa siku mbili.”

 

[Numbisa]

Mwaimbo anasema, “Niliwahi kupata tenda ya kuchimba kaburi, nilikuwa nimekunywa kidogo, sikumbuki vizuri alinipa hiyo tenda nani. Sikumbuki pia ilikuwaje, lakini nililala makaburini bila kujijua na nilipokuja kuzinduka nilikuwa napepesuka, marafiki, majirani na ndugu wakaniambia nimepotea kwa siku mbili.”

 

[Numbisa]

Anasema kila akirudisha kumbukumbu nyuma ni nani alimwambia akachimbe kaburi hamkumbuki, ingawa alizinduka kutokana na kelele za watu waliokuwa wakichimba kaburi eneo alilolala.

 

[Numbisa]

“Niliona kama nimelala muda mfupi uliopita, lakini nilikuwa nasikia kizunguzungu na nilikuta vifaa vyangu vya kazi vyote vipo, sikupata tiba zaidi ya “kachaso” (pombe ya kienyeji) na maisha yakaendelea,” anasema Mwaimbo.

 

[Numbisa]

Maeneo ya makaburi yanatisha, hasa nyakati za usiku na kuibua imani kuwa huenda mizuka huibuka usiku na kufanya mambo yao.

 

[Numbisa]

Hali hiyo ya utulivu na kutokuwa na harakati nyakati hizo, inatumiwa kama fursa na watu wengine; waganga, watambikaji na wengine watafuta bahati-bila kusahau wahalifu.

 

[Numbisa]

Wakazi wanaoishi pembeni mwa maeneo hayo ya kuzikia wafu wanaona mengi, kwa mujibu wa uchunguzi uliofanywa na gazeti hili katika maeneo mbalimbali.

 

[Numbisa]

Lakini ukosefu wa maeneo ya makaburi pia unasababisha adha kwa majirani wa maeneo hayo kwa kuwa nyumba hizo za wafu ‘zinawafuata’ wasipokuwa makini na wachimbaji.

 

[Numbisa]

Katika makaburi ya Mbuyuni, Tandika wilayani Temeke, ambako mwandishi alikuta familia ikilinda eneo lao lisigeuzwe kaburi.

 

[Numbisa]

Tunakaa hapa kuwadhibiti hawa wachimba makaburi, bila hivyo unakuta kaburi jipya limechimbwa nje ya nyumba,” anasema Zuhura Hussein ambaye ni mama wa makamu.

 

[Numbisa]

Lakini, Hussein, ambaye ameishi eneo hilo tangu mwaka 1985, ameona mengi zaidi ya hayo ya wachimbaji kuvamia maeneo.

 

[Numbisa]

Watu huwa wanakuja wakati mwingine mchana. Wanaoga na wanaacha hapohapo nguo walizoogea, wakati mwingine kaniki, shuka nyekundu na nyeupe,” anasema.

 

[Numbisa]

Anasema awali walitishika, lakini sasa wamezoea kwa sababu hilo eneo limekuwa njia na watu wengi wanapita. Pia, anasema wapo wanaokwenda na vichwa vya mbuzi na kondoo na kuvifukia makaburini.

 

[Numbisa]

Zuhura anasema wiki iliyopita alikwenda mtu aliyelowa damu akiwa na kichwa cha kondoo mkononi na kila anapokanyaga aliacha matone ya damu na kukifukia makaburini.

 

[Numbisa]

Alivyomaliza kukifukia akaja kuomba maji ya kunawa,” anasema na kwamba walipoumuuliza sababu za kufanya hayo, alisema wanajaribu kuua kesi iliyopo mahakamani.