*UJUMBE WA LEO*
*2 SAMWELI 1: 14*
*"Daudi akamwambia, Jinsi gani hukuogopa kuunyosha mkono wako umwangamize masihi wa BWANA?"*
Mpendwa, pamoja na ubaya wote Sauli aliomtendea Daudi, pamoja na kupanga kumuua, Daudi hakumhesabu Sauli kuwa adui anayestahili kifo. Habari za kuuawa Sauli hazikuwa njema kwa Daudi hivyo aliagiza mleta habari kuuawa baada ya kujithibitisha ndiye muuaji.
Mpendwa, Daudi ni kielelezo kizuri cha wenye roho ya msamaha na kutolipiza kisasi. Watawala wengi wa sasa na hata wasio watawala ni wepesi kupanga mabaya na kuyatekeleza juu ya wale wanaowaona kuwa ni adui na vikwazo katika milki au tawala zao. Daudi anatupa kielelezo chema cha kuwasamehe na kutowaumiza wale tunaowafikiri kuwa adui zetu. Yesu Kristo alifundisha, *"wapendeni adui zenu, waombeeni wanaowaudhi."*
Ndugu, upendo wa kweli humaliza *roho ya ukatili* ndani yetu. Mungu atupe Neema ya kusamehe na kutolipiza kisasi.
*MUNGU AKUBARIKI*