Uzi maalum wa kupeana Likes: Comment chochote upate "Like"

Kwa kutazama ratiba ya Tottenham Hotspur ilivyo kwa mechi zao tatu zijazo, unaweza kuona kabisa presha inayowakabili mashabiki wao. Kwanza watashuka uwanjani Stamford Bridge leo Jumapili kucheza na Chelsea na baada ya hapo itacheza na Stoke City huko Britannia na kisha watarudi Wembley kucheza na Manchester City. Spurs itapaswa kucheza kwa akili sana na kuvuna pointi muhimu ambazo zitawafanya kuendelea kubaki kwenye Top Four. Kama mambo yatakuwa kama inavyotabiriwa, Spurs inaweza kumaliza msimu na pointi zake 77, ambazo zitawafanya kuwa juu ya Liverpool katika msimamo wa ligi hiyo na hivyo watakuwa na uhakika mkubwa wa kucheza Ligi ya Mabingwa Ulaya msimu ujao.
 
CHELSEA

Msimamo: Nafasi ya Tano

Pointi: 56

Mechi: 30

Ratiba mechi zilizobaki

Chelsea v Tottenahm

Chelsea v West Ham

Southampton v Chelsea

Burnley v Chelsea

Swansea City v Chelsea

Chelsea v Liverpool

Newcastle v Chelsea

Chelsea v Huddersfield
 
Chelsea imebakiza mechi nane kwenye Ligi Kuu England msimu huu na mechi zao ngumu inaanzia na ya leo Jumapili dhidi ya Tottenham na ngumu nyingine ni ile dhidi ya Liverpool. Uzuri ni kwamba mechi hizo zote zinafanyika kwenye Uwanja wa Stamford Bridge. Ukiweka kando mechi hizo, ratiba nyingine iliyobaki kwenye ligi hiyo, Chelsea hawana mambo magumu sana na kama kila kitu kitakakwenda kama kilivyotabiriwa basi wababe hao wanaonolewa na Antonio Conte wanaweza kumaliza ligi ya msimu huu wakiwa na pointi 76, sawa na ambazo wanatabiriwa Liverpool watazivuna mwishoni mwa msimu. Hapo sasa vita itakuwa imebaki kwa Liverpool na Chelsea nani wa kuingia Top Four, lakini Klopp ana nafasi kubwa ya kumbwaga Conte kutokana na kuwa na wastani mzuri wa tofauti ya mabao ya kufunga na kufungwa.
 
ARSENAL

Msimamo: Nafasi ya Sita

Pointi: 48

Mechi: 30

Ratiba mechi zilizobaki

Arsenal v Stoke City

Arsenal v Southampton

Newcastle v Arsenal

Arsenal v West Ham

Man United v Arsenal

Arsenal v Burnley

Huddersfield v Arsenal
 
Arsenal inasubiri muujiza tu ndiyo utakaowafanya wamalize Ligi Kuu England msimu huu wakiwa ndani ya Top Four katika msimamo. Kwa sasa wamekusanya pointi 48 tu katika mechi 30 walizocheza. Kuifikia timu inayoshika nafasi ya nne kwa sasa, inahitaji kushinda mechi tano, huku wenzao hao walipo kwenye nafasi hiyo ya nne, Tottenham wasiwe wameshinda mechi yoyote wala kutoka sare. Arsenal imebakiza mechi nane kumaliza msimu na kama watashinda zote basi wataweza kumaliza msimu wakiwa na pointi 72, ambazo haziwafikii kabisa wenzao waliopo juu kama utabiri utakwenda kama ulivyotabiriwa kwamba Man United itamaliza ligi na pointi 82, Tottenham pointi 77, Liverpool pointi 76 na Chelsea pointi 76. Kwa maana hiyo, Arsenal hawataweza kumaliza Ligi Kuu England msimu huu ndani ya Top Four.
 
Katika mechi 99 ilizocheza Liverpool kwenye Ligi Kuu England wakiwa chini ya Klopp, wamefunga mabao 206 na hivyo kuwa miongoni mwa makocha walioshuhudia timu zao zikifunga mabao mengi katika mechi zao 100 za kwanza kwenye michuano hiyo ya ligi. Mtangulizi wake huko Anfield, Brendan Rodgers yeye alifunga mabao 173 katika mechi 100 za mwanzo alizoiongoza Liverpool kwenye Ligi Kuu England. Hii hapa orodha ya makocha ambao, vikosi vyao vilifunga mabao mengi katika mechi 100 za kwanza kwenye Ligi Kuu England.
 
6.Sir Alex Ferguson (Man United, mabao 178)

Kocha mwenye umaarufu mkubwa kwenye Ligi Kuu England, Sir Alex Ferguson alijitengenezea sifa kubwa alipokuwa Manchester United. Hata hivyo, Ferguson katika mechi zake 100 za kwanza alizoiongoza Man United kwenye Ligi Kuu England hakuwa tishio sana kwenye mabao na ndiyo maana amezidiwa na makocha kibao akiwamo Claudio Ranieri. Katika mechi 100 za mwanzo za ligi ambacho Ferguson aliongoza Man United alishuhudia timu hiyo ikifunga mabao 178.
 
5.Claudio Ranieri (Chelsea, mabao 179)

Jina la Ranieri lina heshima yake kwenye Ligi Kuu England baada ya kuwawezesha Leicester City kunyakua ubingwa wa ligi hiyo. Lakini, alipokuwa Chelsea, Mtaliano huyo aliweka rekodi tamu ya kushuhudia mabao mengi katika mechi zake 100 za kwanza za mikikimikiki ya Ligi Kuu England. Ranieri aliongoza Chelsea kufunga mabao 179 katika mechi zake 100 za kwanza kwenye ligi hiyo yenye purukushaji nyingi ndani ya uwanja. Ranieri alipoondoka Chelsea alikuja Jose Mourinho.
 
4.Kevin Keagan (Newcastle, mabao 185)

Asikwambie mtu, Newcastle United ya kocha Kevin Keagan ilikuwa matata kwelikweli ndani ya uwanja wakati huo ukikutana nayo, basi jiandae mvua ya mabao. Keagan aliisimamia Newcastle United kufunga mabao 185 katika mechi zake 100 za kwanza alizoiongoza timu hiyo kwenye mikikimikiki ya Ligi Kuu England. Kwa sasa Newcastle ipo chini ya Rafa Benitez, lakini hakuna ubishi, Keagan ataendelea kukumbukwa kwenye kikosi hicho cha St. James’ Park.
 
Uko vizuri kwenye soka.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…