Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Harmonize ataja majina ya wanaume waliotembea na Wolper, Shamsa amvaa

MUUNGWANA BLOG / 2 hours ago




MSANII wa Bongo Fleva, Harmonize ‘Konde Boy’ ameibuka na mpya huku vita baridi kati yake na ex girlfriend wake ambaye ni Staa wa Filamu nchini, Jacqueline Wolper ikizidi kushika kasi kwenye mitandao ya kijamii.

Kufuatia taarifa zilizopo kwenye mitandao ya kijamii ambapo Wolper ameonekana akitupia madongo heavy Sarah ambaye ni mpenzi wa Harmonize kwa kumuita eti ni ‘Mlezi wa Wana’ kufuatia tsarifa kusambaa kuwa Mzungu huyo kamkacha Harmonize na kuchepukia kwa bodigadi wa Diamond, Mwarabu Fighter.

Sinema la wana likaendelea huku Harmonize akitokwa na povu la OMO kupitia Instagram aambapo alimtetea mpenzi wake Sarah na kusema yeye sio Mlezi wa wana bali Wolper ndo Mlezi wa Wana na kuambatanisha orodha ya wanaume wote aliokuwa nao Kwenye Mahusiano akiwemo mume wa Shamsa Ford, Chid Mapenzi.






 
Klabu ya Arsenal kumtangaza mrithi wa Wenger kabla ya kombe la Dunia

MUUNGWANA BLOG / 2 hours ago




Klabu ya Arsenal inayoshiriki ligi kuu nchini Uingereza inatarajia kumtangaza kocha wake mpya atakae rithi mikoba ya Arsene Wenger kabla ya kuanza kwa michuano ya kombe la Dunia mwezi ujao nchini Urusi.

Wenger raia wa Ufaransa amesaliwa na michezo miwili kabla ya kumaliza kwa ligi na kuondoka ndani ya klabu ya The Gunners baada ya ufalme wake wa miaka 22 kufikia kikomo.

Timu hiyo mpaka sasa haijatangaza muda maalumu wa ujio wa kocha wao mpya lakini kwa mujibu wa tovuti yake imeandika kuwa kabla ya michuano ya kombe la Dunia kuanza Juni 14 ya mwezi ujao basi itakuwa ishamtambulisha.

Kocha wazamani wa klabu ya Barcelona, Luis Enrique anahusishwa kujiunga na klabu hiyo akiwa sambamba na bosi wazamani wa Juventus, Massimiliano Allegri.

Wengine wanao husishwa na kupata dili la kuifundisha Arsenal ni pamoja na kiungo wake wazamani, Mikel Arteta na Patrick Vieira pia yumo kocha wa Monaco, Leonardo Jardim na mshindi mara tatu wa klabu bingwa barani Ulaya, Carlo Ancelotti.
 
Kenya kurusha satelaiti yake ya kwanza Ijumaa

MUUNGWANA BLOG / 2 hours ago




KENYA inategemea kurusha satelaiti yake ya kwanza Ijumaa wiki hii kutokea nchini Japan. Satelaiti hiyo inayofahamika kama First Kenyan University Nano Satellite—Precursor Flight (1KUNS-PF), ni bidhaa ya Chuo Kikuu cha Nairobi kwa kusaidiana na Chuo Kikuu cha Sapienza cha Italia na wataalam wa Shirika la Japan Aerospace Exploration Agency (JAXA) kupitia mpango unaojulikana kama Japanese Experiment Module “Kibo Programe” na taasisi ya Umoja wa Mataifa inayosimamia masuala la anga za mbali (United Nations Office for Outer Space Affairs — UNOOSA).

Waziri wa Elimu wa Kenya, Amina Mohamed, ataongoza ujumbe utakaoshuhudia tukio hilo. Satelaiti hiyo ya mraba yenye ukubwa wa 10-kwa-10-kwa-10, itakuwa na faida kadhaa kwa Kenya ukiwemo utabiri wa hali ya hewa, uchoraji wa ramani, uchunguzi wa mazingira na wanyama.

Pia itatumika katika kuisaidia sekta ya vyombo vya habari nchini humo. Faida nyingine ni kusaidia usimamizi na uchunguzi wa mazingira ya anga za juu na majanga mbalimbali. Profesa/Mhandisi wa Chuo Kikuu cha Nairobi, amesema satelaiti hiyo ina uzito wa kilo 1.2 na na itakuwa juu umbali wa kilomita 4,000 kutoka duniani.

“Satelaiti za Nano hivi sasa ni vyombo vipya vinavyotumika katika utafiti wa anga za juu na shughuli za kibiashara. Ni teknolojia mpya itakayofanyiza jukumu kubwa la uchunguzi wa baadaye kwa kutumia satelaiti,” anasema Prof. Mbuthia. Chombo hicho kimetengenezwa kwa gharama ipatayo Ksh. Milioni 100 (sawa na Tsh. 22.78 bilioni) na kitadumu kwa kati ya miezi 12 hadi 18.
 
Tunda Man ampa makavu Bob Junior

MUUNGWANA BLOG / 2 hours ago




Msanii wa muziki wa kizazi kipya Tunda Man ambaye hivi karibuni ameachia kazi mpya, amempa makavu Bob Junior baada ya kusema kuwa amekurupuka kuachia kazi zaidi ya moja kwa pamoja, na kumtaka amuheshimu.

Akizungumza na eNewz ya East Africa Television, Tunda Man amesema kwamba Bob Junior ni mdogo kwake kimuziki na kila kitu, hivyo hawezi kumsh\uri kitu kwenye muziki wake, hivyo hesima lazima ichukue mkondo wake baina yao.

“Mimi na Bob Junior ni vitu viwili tofauti, mimi nimeanza muziki muda mrefu yeye ameanza juzi juzi tu hapa, mimi kwenye muziki Bob Junior hawezi kunishauri kitu kikaendanana na muziki wangu, yeye naimbie tu ngoma umetoa kali, kitu kikubwa mimi na Bob Junior tuko tofauti kabisa, mimi mkubwa kwake kiumri, mkubwa kwake kimuziki, lazima heshima ifuate mkondo”, amesema Tunda Man.

Sambamba na hilo Tunda Man amesema ataendelea kuachia kazi mpya ndani ya wiki hiii, kwani kitu kilichokuwa kikimzuia kimeshaisha, hivyo mashabiki wake wajiandae kupata burudani kutoka kwake.
 
Ndugu wa marehemu Agness Masogange hawajapewa michango

MUUNGWANA BLOG / 2 hours ago




Ndugu wa marehemu Masogange wakiwemo wifi zake ambao pia ndio wanaishi na mtoto wake Sania, wamesema hawajapata taarifa zozote juu ya pesa ambazo zilichangwa na kamati ya wasanii, kwa ajili ya kumsaidia mtoto.

Wakizungumza na Big Chawa kwenye Planet Bongo ya East Africa Radio, mmoja wa ndugu hao aliyejulikana kwa jina la Sada, amesema hawajapata taarifa yoyote kutoka kwa kamati hiyo iliyoundwa na wasanii, ambayo pia ilisimamia kwa kiasi kikubwa mazishi ya Agnes Masogange, na wala hawajawasiliana nao.

“Toka tumekuja hatujapata taarifa zozote, bado hatujawasiliana nao mpaka dakika hii, labda mpaka tuwatafute”, amesema Sania.

Sambamba na hilo ndugu hao wamesema wao wenyewe kama familia wamejipanga kumlea mtoto huyo kwani walikuwa wanamlea hata wakati wa uhai wa mama yake Agnes Masogange.

Baada ya Agness Masogange kufariki kamati maalum iliyoundwa na wasanii mbali mbali wa bongo movie na filamu, walichangisha pesa kwa ajili ya kumsaidia mtoto wa marehemu Sania, ili iweze kumsaidia atakapoingia kidato cha kwanza.
 
Waziri Masauni atoa ufafanuzi kuhusu raia kupigwa na Polisi

MUUNGWANA BLOG / 2 hours ago




Serikali kupitia Wizara ya Mambo ya Ndani ya Nchi imesema hakuna utaratibu wowote unaoipa mamlaka Jeshi la Polisi kupiga raia au wageni kama baadhi ya askari wanavyowafanyia wananchi bali kuna utaratibu wa kisheria ambao unapaswa kufuatwa pindi raia au mgeni atakuwa amevunja sheria.

Kauli hiyo imetolewa leo Mei 08, 2018 na Naibu Waziri wa Mambo ya Ndani ya Nchi Mhandisi Hamad Masauni Bungeni Jijini Dodoma kwenye kikao cha 24 mkutano wa 11 wa Bunge la 11 la Jamhuri ya Muungano wa Tanzania, wakati akijibu la nyongeza la Mbunge wa Jimbo la Ngara Alex Rafael Gashaza ambapo alitaka kusikia kauli ya serikali juu ya kulipa fidia juu ya wananchi wa Ngara na Tanzania kiujumla pindi wanapokamatwa na Polisi, kupigwa na kisha kuja kubainika kuwa hawana hatia.

"Sio utaratibu wa Jeshi la Polisi kupiga raia au hata wageni, kuna utaratibu ikiwa mgeni au raia amevunja sheria anatakiwa uchukuliwe kwa mujibu wa sheria, itabidi tukae tuchunguze kama kuna ukiukwaji wa sheria tuchukue hatua za kisheria ili sheria ifuate mkondo wake", amesema Mhandisi Masauni.

Kwa upande mwingine, Naibu Waziri wa Mambo ya Ndani ya Nchi Mhandisi Masauni amesema pindi hali ya kifedha itaruhusu wanampango wa kukarabati kituo cha Polisi cha Ngara pamoja na nyumba za makazi za maaskari hao.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register