Uzi maalum wa kupeana Likes: Comment chochote upate "Like"

MAKAMANDA WA POLISI WAJINOA KUUKABILI UKATILI WA KIJINSIA

MICHUZI BLOG / 14 hours ago







Mkuu wa Jeshi la Polisi nchini IGP, Simon Sirro akizungumza wakati wa Mafunzo ya kuwajengea uwezo Mkamanda wa Polisi wa Mikoa ya Tanzania kuhusu makosa ya ukatili wa kijinsia. Mafunzo hayo ya siku mbili yameratibiwa na Dawati la Jinsia la Jeshi la Polisi na Shirika la Utu wa mtoto.



Kamishna wa Polisi (Ushirikishwaji wa Jamii), Mussa Ali Mussa akizungumza wakati wa Mafunzo ya kuwajengea uwezo Mkamanda wa Polisi wa Mikoa ya Tanzania kuhusu makosa ya ukatili wa kijinsia. Mafunzo hayo ya siku mbili yameratibiwa na Dawati la Jinsia la Jeshi la Polisi na Shirika la Utu wa mtoto.



Baadhi ya Makamanda wa Polisi wakisikiliza kwa makini hotuba ya IGP Simon Sirro (hayupo pichani) wakati wa Mafunzo ya kuwajengea uwezo kuhusu makosa ya ukatili wa kijinsia. Mafunzo hayo ya siku mbili yameratibiwa na Dawati la Jinsia la Jeshi la Polisi na Shirika la Utu wa mtoto (Picha na Jeshi la Polisi).



Mkuu wa Jeshi la Polisi nchini IGP, Simon Sirro akifurahia jambo na Mkurugenzi Mtendaji wa Shirika la Utu wa Mtoto, Mtengeti Koshuma (kushoto) na Mwakilishi wa UNFPA nchini Bi Christine Mwanukizi(kulia) baada ya kufungua Mafunzo ya kuwajengea uwezo Mkamanda wa Polisi wa Mikoa ya Tanzania kuhusu makosa ya ukatili wa kijinsia. Mafunzo hayo ya siku mbili yameratibiwa na Dawati la Jinsia la Jeshi la Polisi na Shirika la Utu wa mtoto.



Washiriki wa Mafunzo ya kuwajengea uwezo Mkamanda wa Polisi wa Mikoa ya Tanzania kuhusu makosa ya ukatili wa kijinsia wakiwa katika picha ya pamoja baada ya ufunguzi wa Mafunzo hayo ya siku mbili ambayo yameratibiwa na Dawati la Jinsia la Jeshi la Polisi na Shirika la Utu wa mtoto (Picha na Jeshi la Polisi).

Visit website
 
KUFUNGWA KWA CHOO STENDI YA BAGAMOYO KWASABABISHA KERO KWA WATUMIAJI, HALMASHAURI YAAHIDI KUKIFANYIA KAZI BAADA YA MVUA

MICHUZI BLOG / 14 hours ago

Na Mwamvua Mwinyi, Bagamoyo

Baadhi ya watumiaji wa choo cha stendi ya Bagamoyo ,mkoani Pwani wameiomba halmashauri ya wilaya hiyo kuharakisha mchakato wa ukarabati wa choo hicho ambacho hakitumiki kwa takriban wiki tatu sasa.

Choo hicho kimefungwa na halmashauri hiyo baada ya kufurika maji kutokana na mvua zinazoendelea kunyesha ambapo watumiaji wanahofia magonjwa ya mlipuko kutokana na kukosa huduma hiyo na kusababisha baadhi ya watu kujisaidia kiholela.

Wakizungumza na waandishi wa habari kwenye stendi hiyo watumiaji hao wakiwemo wasafiri,madereva na mama lishe walisema kukosekana kwa huduma hiyo ni hatari kwa afya za wananchi. Agnes Robert ambaye ni mama lishe kwenye stendi hiyo alisema kukosekana kwa huduma hiyo ni changamoto kubwa kwao na kwa wateja wao wanaopata huduma kwenye migahawa yao.

"Tunapata shida kwa wateja wetu ambao wengi ni abiria wakishuka kwenye mabasi huhitaji huduma ya choo kabla ya kupata riziki ya chakula. Tunapowaambia hakuna choo wanalalamika sana hivyo tunaiomba halmashauri iangalie namna ya kufanya ukarabati kwa haraka" alisema Agnes.

Dereva wa mabasi yanayofanya safari Kiwangwa ,Fikiri Mohammed alieleza kutokana na vyoo kufungwa baadhi ya watu wamekuwa wakijisaidia kiholela kwenye eneo la stendi. Alisema kwamba ,wanahofia hali hiyo inaweza kusababisha magonjwa ya mlipuko. "Uchafu na maji ya chooni yanazagaa hii ni hatari kwa watu wanaotumia stendi ,choo bora ni kitu muhimu sana hapa kwa afya zetu" alisema Mohammed.

Akijibu malamiko hayo, mkurugenzi wa Halmashauri ya wilaya ya Bagamoyo, Fatuma Latu alisema changamoto hiyo imetokana na eneo hilo kuwa na chemchem inayotoa maji na kufanya eneo hilo kujaa maji.Alielezea ,tayari wameshafanya uchunguzi na kuangalia sehemu nyingine ya eneo pembeni kwa ajili ya kuchimba shimo lingine ambalo halitapitisha maji.

Kwa mujibu wa Latu ,wanaendelea na mchakato na wanatarajia kutumia zaidi ya milioni tatu (3), kwa ajili ya shimo hilo ambapo fedha zitatokana na mapato ya ndani.Latu alisema ,ujenzi huo utaanza kufanyika mara baada ya mvua zinazoendelea kunyesha zitakapo kwisha kwani kwa sasa ujenzi hautaweza kufanyika.

Aliwaasa watu kuacha kujisaidia kiholela na kuwasihi kutumia vyoo vilivyo jirani na stendi hiyo huku wakisubiri mvua hizo ziishe,ili ukarabati ufanyike.



Mandhari ya stendi ya Bagamoyo



Choo cha stendi ya Bagamoyo kilivyo baada ya kufungwa



Visit website
 
WAZIRI WA ELIMU, SAYANSI NA TEKNOLOJIA AVUTIWA NA CHUO CHA UFUNDI ARUSHA

MICHUZI BLOG / 14 hours ago



Waziri wa Elimu,Sayansi na Teknolojia,Profesa Joyce Ndalichako(wa pili kulia)akimsikiliza Kaimu Mkuu wa Chuo cha Ufundi Arusha(ATC),Dkt Masudi Senzia juu ya miradi ya upanuzi wa Chuo hicho inayoendelea kazi ziara ya siku moja aliyoifanya Mei 9,2018



Waziri wa Elimu,Sayansi na Teknolojia,Profesa Joyce Ndalichako(katikati)akiwa na watumishi wa Chuo cha Ufundi Arusha(ATC) akikagua moja ya Karakana ya Mitambo inayofanyiwa ukarabati.



Waziri wa Elimu,Sayansi na Teknolojia,Profesa Joyce Ndalichako(katikati)akiwa pamoja na Kaimu Mkuu wa Chuo cha Ufundi Arusha(ATC),Dk Masudi Senzia(kulia) na Makamu Mkuu wa Chuo hicho,Dk Erick Mgaya katika ziara ya kukagua utekelezaji wa miradi ya upanuzi wa Chuo hicho.



Waziri wa Elimu,Sayansi na Teknolojia,Profesa Joyce Ndalichako(kulia)akikagua moja ya makontena yenye vifaa mbalimbali kwaajili ya mafunzo kwa wanafunzi wa Chuo cha Ufundi Arusha(ATC)



Waziri wa Elimu,Sayansi na Teknolojia,Profesa Joyce Ndalichako(kushoto)akiangalia kiungo cha bomba kwenye Karakana ya wanafunzi wanaosoma kozi fupi kwaajili ya kuwa sehemu ya mafundi watakaojenga Bomba la Mafuta kutoka Hoima nchini Uganda hadi bandari ya Tanga.



Waziri wa Elimu,Sayansi na Teknolojia,Profesa Joyce Ndalichako(wa pili kulia)akimsikiliza Kaimu Mkuu wa Chuo cha Ufundi Arusha(ATC),Dk Masudi Senzia katika ziara aliyoifanya kwenye Chuo hicho kukagua shughuli mbalimbali zinazoendelea.



Waziri wa Elimu,Sayansi na Teknolojia,Profesa Joyce Ndalichako akiwa katika moja ya Maabara ya Chuo hicho.



Wafanyakazi wa Chuo cha Ufundi Arusha wakimsikiliza Waziri wa Elimu,Sayansi na Teknolojia,Profesa Joyce Ndalichako.

Visit website
 
Msajili Baraza la Uuguzi Tanzania Aanza Kazi Rasmi, apokewa kwa shangwe

MICHUZI BLOG / 15 hours ago

Msajili wa Baraza la Uuguzi na Ukunga Tanzania, Bi. Agnes Mtawa leo ameanza kazi rasmi baada ya kukabidhiwa ofisi tangu alipoteuliwa kushika nafasi hiyo mwezi uliopita. Bi. Agnes Mtawa anachukua nafasi ya Bi. Lena Mfalila aliyemaliza muda wake.

Awali Bi. Mtawa alikuwa Mkurugenzi wa Huduma za Uuguzi katika Hospitali ya Taifa Muhimbili (MNH) ambapo mwezi uliopita Waziri wa Afya, Maendeleo ya Jamii, Jinsia, Wazee na Watoto, Mhe. Ummy Mwalimu alimteua kuwa Msajili wa Baraza la Uuguzi Tanzania.

Uteuzi huo ulianza rasmi tarehe 16-04-2018 na kwamba utadumu kwa muda wa miaka mitano kuanzia tarehe ya uteuzi.

Nafasi mbalimbali alizowahi kushika katika Hospitali ya Taifa Muhimbili (MNH), Bi. Mtawa ni; Mkuu wa Mafunzo na Uajiri kuanzia mwaka 2004 hadi 2006, Mkuu wa Mafunzo, Utafiti na Elimu kuanzia mwaka 1997 hadi 2004, amewahi kuwa Katibu Mkuu katika baraza la uuguzi na ukunga Tanzania kuanzia 2002 hadi 2011 na mwaka 2007 aliteuliwa Mkuurugenzi wa Uuguzi katika Hospitali ya Taifa Muhimbili hadi mwezi uliopita alipoteuliwa.



Msajili wa Baraza la Uuguzi na Ukunga Tanzania, Bi. Agnes Mtawa akikaribishwa leo ofisini na watumishi wa baraza hilo, huku Bi. Jane Mazigo aliyekuwa akikaimu nafasi hiyo akimpatia maua. Kulia ni Happy Masenga anayeshughulika na mafunzo katika baraza hilo.



Msajili wa Baraza la Uuguzi na Ukunga Tanzania, Bi. Agnes Mtawa akitazama zawadi ya maua aliyokabidhiwa na watumishi wa baraza hilo leo.



Msajili wa Baraza la Uuguzi na Ukunga Tanzania, Bi. Agnes Mtawa akikaribishwa kwa shangwe leo ofisini na watumishi wa baraza hilo.


Visit website
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…