Uzi maalum wa kupeana Likes: Comment chochote upate "Like"

Msajili wa Baraza la Wataalamu wa Maabara, Theophil Balibiche amesema walibaini kuwa wengi wao hawakusoma kabisa, lakini walikuwa wakitoa huduma katika maabara mbalimbali kote nchini.

“Baraza kwa sasa linatengeneza nembo maalumu ambazo zitamtambulisha mtaalamu wa maabara aliyesajiliwa, huku tukiongeza wigo zaidi wa kuwabaini wale wote wanaoghushi vyeti ili kuhakikisha jamii ya Watanzania inapatiwa huduma za afya zenye Tina,” amesema Balibiche.
 
Ni saa 11 jioni, jijini Bonn. Katika msimu wa kipupwe, muda kama huo blanketi la giza huwa limeshaifumbata anga.

Nipo katika basi la abiria na katika kiti nilichoketi, natazamana na mwanamke ambaye ameketi akiwa amempakata mbwa wake.

Mbwa ni mweusi, macho mekundu na mkia wenye manyoya mengi. Ulimi wa mbwa huyo unabembea nje huku ukitetemeka na udenda ukimwagika. Mbwa huyo alikuwa amekumbatiwa mithili ya mama ampatakavyo mtoto wake mdogo.
 
Namtazama kwa makini mwanamke huyo na mbwa wake. Najaribu kujificha ili asione jinsi nilivyoduwaa kumtazama. Hata hivyo ananiona. Akanisemesha kwa lugha ya Kiingereza akisema, “Ananipa joto sana. Leo kuna baridi.” Kisha akambusu kinywani.

Hayo ni mapenzi ya Wajerumani kwa mbwa. Ni katika nchi hiyo ambayo mbwa anapendwa, anathaminiwa, anatunzwa, anaheshimiwa na kugharimiwa kama au kuliko binaadamu.
 
Kwa nchi za Afrika ikiwamo Tanzania, mbwa amezoeleka kama mnyama wa nyumbani na anayeaminika kwa ulinzi.

Kwa Tanzania, aghalabu wale mbwa waliobahatika kufugwa hupewa chakula pengine mara moja kwa siku na hivi karibuni mkoani Kilimanjaro umeibuka ugonjwa wa kichaa cha mbwa na hivyo kumekuwa na kampeni ya kuua mbwa koko wanaozurura mitaani na wengine wakitakiwa kwenda kupatiwa chanjo
 
Kwa ujumla kwa Tanzania na baadhi ya nchi za Afrika, ni jambo la kawaida kumuona mbwa akizurura barabarani, kupigwa mawe na watoto au hata kuokoteza vyakula kwenye majalala akiwa hana mwenyewe. Mbwa wa Tanzania wengi ni wale mbwa koko.

Lakini kwa Ujerumani, hilo ni tofauti kabisa. Mbwa ni mnyama mwenye thamani.

Si ajabu kumuona akiwa kaketi kitako katika basi la abiria au kumuona akiwa ndani ya moja ya baa maarufu mjini Bonn akiwa na mmiliki wake.
 
Si hivyo tu, ni haki ya mbwa kupewa mazoezi ya viungo na kuvalishwa nguo pindi baridi inapozidi. Ni lazima na ni haki ya mnyama huyo kupewa tiba pindi anapoumwa au kufanyiwa uchunguzi wa kawaida wa mwili, Wazungu wanaita, “checkup” mara kadhaa kwa mwaka. Si hilo tu, pia anakatwa kodi.

Supermarket pia zimejaa vyakula maalumu vya mbwa, kuna saluni maalumu za mbwa na kuna viwanja maalumu vya michezo ya mbwa.

Jonas Kater, raia wa Ujerumani mkazi wa Koln, ni miongoni mwa wanaopenda mbwa. Anasema mbwa kwa mila za Ujerumani ni kiumbe wa familia au kwa maneno mengine ni mwanafamilia.
 
Mbwa ni wa familia. Kwa kifupi Wajerumani wanapenda sana mbwa. Wakati mwingine au mara nyingi mbwa anakuwa mbadala wa mtoto au mwenza kwa mtu ambaye hana mwenza,” anasema.

Jonas anasema mbwa anatakiwa kupewa matunzo ya aina nyingi ikiwamo kupelekwa matembezi mara tatu kwa wiki, kulishwa chakula kizuri na kisafi na pale inapobidi ni lazima apelekwe kwa daktari maalumu wa mbwa.
 
Si rahisi kutunza mbwa Ujerumani. Kwanza unatakiwa ulipe kodi ya mbwa huyo, yaani umlipie kodi, pili umpeleke hospitali pale anapoumwa na umnunulie chakula, unaweza kutumia karibu euro 1,000 (zaidi ya Sh3.5 milioni) kwa mwaka na hiyo inaweza kuongezeka wakati wowote,” anasema.

Lakini Jonas anaongeza kuwa ukiwa na bahati mbaya unaweza kutumia kiasi kikubwa cha fedha katika matibabu ya mbwa. Anasema unaweza kujikuta ukilipia fedha nyingi zaidi pindi mbwa anapohitaji kufanyiwa upasuaji.
 
Kadi maalumu ya mbwa

Mbwa aliyepotea hawezi kusahauliwa Ujerumani, bali atatafutwa na kurudishwa kwa mlezi wake. Hilo liko katika maandishi na linatekelezwa kwa kutumia kadi maalumu (chip) inayopandikizwa mwilini mwa mbwa

“Ni sheria za Ujerumani ndizo zinazomtaka kila anayeishi na mbwa, amuwekee chip maalumu ambayo hupandikizwa mwilini mwake. Chip hizo huwekwa na daktari na husaidia pale mbwa anapopotea. Mbwa akipotea, wataalamu wa mifumo ya kompyuta humtafuta kwa kuifuatilia chip hiyo,” anasema.
 
Tofauti na mitazamo ya wengi, kwamba mbwa anaweza kuwa na madhara kiafya anapoishi ndani ya nyumba ya binadamu, lakini Wajerumani wenyewe wanasema mmiliki wa mbwa hupata faida lukuki anapokuwa na mbwa.

Jonas anasema, mmiliki hupata faida kwani anapomtembeza mbwa kama ilivyo ada mara tatu au mbili kwa siku na yeye kimsingi hufanya mazoezi ya kutembea.

“Hapana. Mbwa hana madhara ya kiafya, kimsingi kuishi na mbwa kunampa afya mmiliki kwani atalazimika kwenda naye mazoezi mara kwa mara na kwa namna hiyo atafanya mazoezi,” anasema Jonas.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…