Uzi maalum wa kupeana Likes: Comment chochote upate "Like"

Wakati huo matangazo hayo ambayo yalipigiwa kelele na wengi yalikuwa yakichukua dakika moja hadi tatu jambo ambalo lilikuwa ni kikwazo kwa watumiaji ambao walihitaji huduma ya mawasiliano kwa haraka.

Tabia hiyo ya kampuni za simu ilikuwa kero na wengi waliipongeza Serikali baada ya kuipiga marufuku kwani simu zilikuwa zikitumika kama jukwaa la matangazo bila malipo.
 
Ikiwa ni zaidi ya mwaka mmoja sasa tangu kupigwa marufuku utaratibu huo wa matangazo kupitia miito ya simu sasa kampuni zimekuja na utaratibu mwingine wa kufanya matangazo yao kwa njia ya ujumbe mfupi (SMS).

Binafsi naamini endapo matangazo hayo yangehusu huduma za mtandao husika isingekuwa kero kubwa kama ilivyo sasa ambapo watumiaji wa simu wanatumiwa kila aina ya ujumbe wa matangazo.
 
Nionavyo hata matangazo ya huduma za mtandao husika kama hakuna mabadiliko yoyote hayapaswi kuwa ya kupindukia kwani yakiwa mengi yanakuwa kero kwa watumiaji wakati kusudi la mtu kununua simu siyo kupata matangazo hayo.

Hivi sasa simu ya mteja hujaa ujumbe wa kuhamasishwa kucheza michezo ya bahati nasibu ya kampuni fulani, kujiunga na michezo ya burudani na mengine yanayotaka kufanana na hayo, lakini kabla ya kutuma ujumbe huo mitandao haizingatii matakwa ya mteja.
 
Kadhalika upo mtindo wa kupigiwa simu ambayo mzungumzaji anakuwa akinadi huduma mpya ama biashara ndani ya mtandao ili kushawishi mteja kuitumia.

Jambo hilo halikubaliki kwani wateja wengi wamekwishashtuka kuwa wao wamegeuzwa jukwaa la matangazo badala ya kupatiwa huduma ya simu kama lilivyo lengo lao la kumiliki simu.
 
Watumiaji wengi wa simu hawapendi usumbufu usiokuwa na manufaa kwao kwa kuwa kwa bahati mbaya matangazo hayo yanatumwa pasipo kuzingatia mahitaji na matakwa ya mteja

Katika mitandao ya kijamii watumiaji wamekuwa wakijibizana na watoa huduma (kampuni za simu) hususan watumiaji wanapoibua hoja ya kukerwa na matangazo hayo, lakini majibu ya kampuni yamekuwa ya kujing’atang’ata.
 
Hatua hiyo inaonyesha asilimia kubwa ya watumiaji wa simu na pengine wote hawafurahii matangazo hayo ambayo wakati mwingine yanamlazimu mmiliki kuacha shughuli zake za msingi ili kuitika mwito wa simu, lakini anakutana na matangazo ya michezo ya kubahatisha ambao hajawahi hata kufikiria kuwa ipo siku atashiriki.

Nadhani kuna biashara inaendelea kati ya mitandao ya simu na wale wanaopigiwa debe na bila shaka inaingiza kiasi kikubwa cha fedha, ndiyo maana wanakumbatia jambo hili ambalo kwa watumiaji wa simu halina maana wala manufaa yoyote.
 
Kimsingi fedha hizo zinazovunwa kupitia matangazo hayo zinapaswa kugawiwa kwa wateja kwani wao ndiyo wamegeuzwa ubao wa matangazo kwa kuwa yakitangazwa mahali pengine ni lazima yatatakiwa kulipiwa.

Jicho la pili katika kero hii ni kwamba inasababisha kupotea kwa mapato ya kampuni za matangazo na vyombo vya habari na kuikosesha Serikali mapato ya kodi yanayotokana na matangazo hayo.
 
TCRA mnapaswa kuchukua hatua juu ya tabia hii ambayo kwa sasa inaota mizizi ili kuondoa kero hii kwa wananchi na kunusuru mapato yanayopotea.

Watumiaji wa mitandao nchini licha ya kushindwa kuchukua hatua ya kujinusuru na kero hiyo, hawafurahishwi na matangazo na nyie kwa nafasi yenu mnaweza kuwakataza mnaowasimamia.

Watoa huduma nao mnapaswa kufahamu kuwa matangazo mnayowapatia wateja wenu si lengo lao la kununua simu na wanajua ni wapi watapata matangazo hayo.
 
Kuchukua matangazo ya kibiashara na kuyaleta kwenye simu za watu moja kwa moja ni kinyume cha mahitaji ya watumiaji wa simu.

Waacheni wenye matangazo wayapeleke kunakohusika kwa ajili ya kutangazwa lakini si nyie kujitwika majukumu hayo kwa kuwa mnajua mtayatupa kwenye simu za watu.
 
Siku moja baada ya Mamlaka ya Chakula na Dawa Tanzania (TFDA) kueleza kuwa imeanza kuziondoa dawa za kutibu shinikizo la juu la damu (presha) aina ya Dyanaval zilizobainika kusababisha saratani, Bohari Kuu ya Dawa (MSD) imesema haihusiki na uingizaji au usambazaji wa dawa hizo.

Juzi, TFDA ilisema imeanza kuziondoa sokoni dawa hizo na shughuli hiyo ilianza Ijumaa ya wiki iliyopita na itafanyika ndani ya siku 14.

Akizungumza na Mwananchi jana, Msemaji wa MSD, Etty Kusiluka alisema dawa ya kutibu presha ambayo wamekuwa wakiiagiza ni Valsartan ambayo huagizwa nchini India na Swizerland.
 
Hiyo ni tofauti kabisa na iliyopigwa marufuku na TFDA ambayo sisi hatujawahi kuiingiza na hata zilizopo kwenye mzunguko vituo vya afya na hospitalini ni Valsartan ambayo ina kiambata hai,” alisema Kusiluka.

Alipoulizwa kuhusu uwapo wa dawa hiyo nchini, Waziri wa Afya, Ummy Mwalimu alisema inapotokea dawa kuwa na ubora hafifu mamlaka ya dawa na chakula huchukua hatua za kuiondoa katika mzunguko.

“TFDA imekuwa ikiendelea kufanyia tathmini dawa zote zinazoingia nchini, ikiwa dawa itaonekana haina ubora wa kutosha itaondolewa sokoni ili kuendelea kulinda afya za Watanzania,” alisema Waziri Mwalimu.
 
Dawa hizo, Dynaval Co 80 / 12,5mg, Dynaval Co 160/ 12.5mg na Dynaval Co 160 /25mg; pia hutambulika kwa jina la soko la Valsartan Co, au Hydrochlrothiazide.

Dawa hizo zinazozalishwa China, zimeshapigwa marufuku na kuondolewa sokoni katika nchi za Afrika Kusini, Marekani, na Uingereza.

Taarifa ya TFDA iliyotolewa jana inaeleza kuwa imewataka wagonjwa wa shinikizo la damu kuacha kuzitumia dawa hizo na kwenda kwenye vituo vya afya ili wabadilishwe dawa.
 
Wamiliki wa maduka ya dawa wametakiwa kurudisha dawa hizo kwa wasambazaji wa dawa hizo,” inaeleza taarifa.

Pia taarifa hiyo iliwataka watalaamu wa afya kuacha kuwaandikia dawa aina hiyo wagonjwa na badala yake watumie ile iliyosajiliwa na TFDA.

“TFDA imesajili dawa nyingine ya kutibu shinikizo la damu yenye viambato vya Varsaltan ambayo ni salama,” inaeleza taarifa hiyo.
 
KAMA mipango itaenda ilivyopangwa basi Watanzania wajiandae tu kumshuhudia nyota wao wa kimataifa, Mbwana Samatta, akipimana ubavu na akina Sergio Ramos, Godin Diego na mabeki wengine wa kazi katika Ligi Kuu ya Hispania, La Liga.

Samatta anayekipiga Genk ya Ubeligiji, yupo mbioni kutua katika ligi hiyo iliyokimbiwa na Cristiano Ronaldo aliyeibukia Juventus ya Italia akitokea Real Madrid, anatakiwa na Levante UD itakayofungua msimu na Betis.
 
Levante, imepanga kumnyakua Samatta kwa ofa ya Euro 4 milioni (zaidi ya Sh10 bilioni) ili kwenda kuziba nafasi ya Emmanuel Boateng ambaye ni majeruhi.

Kama dili hilo litafanikiwa basi Samatta atawapa faida Genk kwani yenyewe ilimsajili kwa Euro 800,000 (kiasi cha Sh 2 bilioni tu) kutoka TP Mazembe ya DR Congo miaka miwili iliyopita.

Mbali na mchongo huo wa kutua Levante itakayoanza La Liga msimu huu dhidi ya Betis Agosti 17, lakini wawakilishi wa staa huyo wamedokeza wana ofa mkononi inayotoka Ujerumani ingawa hawajaweka wazi ni klabu gani ya huko kwenye Bundesliga inayomhitaji.
 
Mwanaspoti lilimtafuta baba mzazi wa staa huyo, anayejulikana kwa jina la Ally Samatta Pazi, kujua kama anafahamu chochote kuhusiana na ofa aliyopata kijana wake.

Alijibu: “Najua wakala wake alikuwa ameenda Uingereza na Italia kufanya mazungumzo na klabu za huko.

“Aliwahi kuweka nia kwamba anatamani kucheza soka la Uingereza ama Italia, hivyo kama zimekuja ofa za klabu ya Levante UD bado hajanijulisha, lakini kwa hizo nchi mbili ndizo ninazozijua na tayari wakala wake alikwenda huko.”
 
Samatta alijiunga na Simba mwaka 2010 akitokea African Lyon, baadaye akatimkia TP Mazembe mwaka 2011 mpaka 2016 na kufanikiwa kutwa nao taji la Ligi ya Mabingwa Afrika na yeye kunyakua tuzo ya Mwanasoka Bora wa Afrika kwa Wachezaji wa ndani kabla ya kutimkia na Genk huku akihusishwa na klabu za Ulaya.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…