Uzi maalum wa kupeana Likes: Comment chochote upate "Like"

Kocha mpya wa klabu ya Rangers, Steve Gerrard ameelezea kufurahishwa na kiwango cha vijana wake katika mechi ya ufunguzi wa Ligi Kuu Scotland.

Gerrard juzi aliiongoza Rangers moja ya timu kongwe za Ligi Kuu Scotland kuanza Ligi Kuu kwa sare ya bao 1-1 dhidi ya Aberdeen licha ya kucheza kwa muda mrefu ikiwa pungufu
 
Gerrard aliyekuwa kiungo nyota na nahodha wa zamani wa Liverpool, alikuwa na presha baada Alfredo Morelos kulimwa kadi nyekundu mapema kwa kumchezea vibaya James Tavernier na kusababisha penalti iliyowapa wapinzani bao la kuongoza.

Klabu hiyo iliyoanzishwa Februari mwaka 1872 katika miaka ya hivi karibuni imekuwa ikisuasua kiasi cha mashabiki kutoujaza uwanja wake wa nyumbani Ibrox unaochukuwa mashabiki 50,817, lakini Gerrard ameahidi kuirejeshea makali yake.
 
Katika mchezo wa juzi Aberdeen baada ya kupata bao la kuongoza ilijilinda kabla ya kushuhudia dakika za lala salama Rangers kusawazisha bao na mchezo kumalizika kwa sare ya bao 1-1.

Baada ya mchezo huo wa ugenini kumalizika Gerrard, alionekana kufurahia matokeo na akawapongeza vijana wake kwa kupambana hadi dakika ya mwisho.
 
Tulikuwa katika presha baada ya kadi nyekundu ya Morelos, utaona jinsi Aberdeen walicheza kulinda lango, lakini vijana hawakukata tamaa ni mwanzo mzuri nawapongeza mashabiki,” alisema.

Gerrard alisema kuwa anaamini kikosi chake kitachuana na mabingwa watetezi wa Ligi hiyo Celtic ambayo ilianza kampeni zake vizuri kwa kushinda mabao 3-1 dhidi ya Livingston.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…