SAMATTA MOTO MKALI, APIGA HAT TRICK GENK YASHINDA 5-2 EUROPA LEAGUE
source-presstz.net
Aug 23, 2018 3:00 PM
Na Mwandishi Wetu, GENK
NAHODHA wa Tanzania, Mbwana Ally Samatta amefunga mabao matatu timu yake KRC Genk ikiibuka na ushindi wa 5-2 dhidi ya Brondby IF ya Denmark katika mchezo wa kwanza wa hatua ya mwisho wa mchujo wa kuwania kuingia hatua ya makundi ya Europa League.
Katika mchezo huo uliofanyika Uwanja wa Luminus Arena mjini Genk, Samatta amefunga mabao yake katika dakika za 37, 55 na 70 wakati mabao mengine ya Genk yamefungwa na mshambuliaji Mbelgiji, Leandro Trossard kwa penalti dakika ya 45 na ushei na 90 na ushei.