Jose Mourinho atamtumia mshambuliaji Romelu Lukaku Manchester United watakapovaana na Everton siku ya Jumapili. Lukaku,25, amecheza mechi nane bila kufunga goli. (Star)
Juventus wanajiandaa kupambana na Chelsea katika harakati za kumsajili kiuongo kinda Sandro Tonali,18. Kiungo huyo ananga'ara katika ligi ya Serie B na klabu ya Brescia. ( Talksport)
Mshambuliaji wa Uholanzi Robin van Persie, 35, ambaye kwa sasa anakipiga katika klabu ya Feyenoord, anatarajiwa kustaafu soka mwisho wa msimu. (AD - Dutch)
Klabu za Wolves, Leicester City, Southampton na Fulham zinahusishwa na harakati za kumsajili kiungo wa Ureno Joao Mario. Mario,25, hajacheza hata mechi moja katika klabu ya Inter Milan msimu huu. (Calciomercato)
Juventus na Borussia Dortmund ni miongoni mwa klabu kubwa ambazo wanamfuatilia kiungo kinda wa Uingereza Matt O'Riley,17, anayekipiga katika klabu ya Fulham. (Evening Standard)
Kocha wa Manchester United Jose Mourinho anahofia kumpoteza golikipa wake kutoka Spain David De Gea 27 ambaye anaweza kuhamia Juventus, wakati ambapo mkataba wake utaisha msimu ujao wa kiangazi. (Irish Sun)
Mshambuliaji wa ufaransa Anthony Martial, 22, amekaukataa mkataba mpya ambao amepewa na timu ya Manchester United lakini mazungumzo ya makubaliano yanaendelea.
Kiungo wa kati wa Ujerumani Ilkay Gundogan, 28,ambaye Ajax inamuwania, yuko tayari kuwa na timu ya Manchester City kwa muda mrefu kwa siku za usoni na kusaini mkataba mpya. (Sun)