Uzi maalum wa kupeana Likes: Comment chochote upate "Like"

[donlucchese]

Hahahaha
Huwa nampenda sana huyu kiumbe maana ni smooth operator, sign of wisdom and healing walahi

Kweli ndomana kwenye medical insts wamemuweka wa Kijani. I once it snake thou, kifutu

 

[Numbisa]

Chelsea huenda ikabadili msimamo kuhusu mpango wake wa kumnunua kiungo wa kati wa Arsenal Aaron Ramsey, 27,kutokana na kuimarika kwa mchezo wa Ross Barkley, 24, na Ruben Loftus-Cheek, 22. (Star)

 

[Numbisa]

Huku hayo yakijiri, Liverpool imefutilia mbali uwezekano wa kiungo huyo wa kimaatifa wa Wales ambaye yuko tayari kuondoka Gunners bila malipo msimu wa joto kujiunga nayo. (Sky Sports)

 

[Numbisa]

Kiungo wa kati wa Mhispania Cesc Fabregas, 31, atalazimika kusubiri hadi mwaka mpya kabla ya kuanza mazungumzo ya kandarasi mpya na Cheasea . (Evening Standard)

 

[Numbisa]

Mshambuliaji wa Uruguay Luis Suarez, 31, anasema Barcelona hivi karibuni itaanza kumtafuta mtu atakaechukua nafasi yake licha ya kufunga hat-trick katika mechi ya El Clasico. (Sport 890, via Sun)

 

[Numbisa]

Liverpool inajiandaa kumpatia kandarasi mpya mlinzi wa England defender Joe Gomez, 21, miaka tatu na nusu hata kabla ya kumalizika kwa mkataba wake wa sasa. (Mirror)

 

[Numbisa]

Kiungo wa kati wa Brazil Fabinho huenda akaondoka Liverpool miezi sita tu baada ya kuhamia Anfield kwasababu ''ameboeka''. (Le Parisien - in French)

 

[Numbisa]

Meneja wa timu ya taifa ya Ubelgiji Roberto Martinez amesema "Hatutapoteza muda wetu kujadili hilo" alipoulizwa kuhusu tetesi za Real Madrid kutaka kumpatia kazi kama meneja wake mpya. (AS, via VTM Nieuws)

 

[Numbisa]

Tottenham inapania kumnunua kiungo wa kati wa Watford, mfaransa Abdoulaye Doucoure, 25. (Mirror)

 

[Numbisa]

Meneja wa Manchester United boss Jose Mourinho ana mpango wa kufanya usajili zaidi ya moja wakatu dirisha la uhamisho litakapo funguliwa mwezi Januari- Ni mara ya kwanza klabu hiyo itafanya hivyo katika kipindi cha miaka 10. (Manchester Evening News).

 

[Numbisa]

Borussia Dortmund inataka kumsajili kiungo wa kati wa Manchester City na Uhispania Brahim Diaz, 19. (Metro)

 

[Numbisa]

Lakini meneja wa Manchester City Pep Guardiola anasema klabu hiyo "itafanya kila iwezalo" kumshawishi asiondoke. (Manchester Evening News)

 

[Numbisa]

Kiungo wa kati wa Tottenham Dele Alli, 22, anasema "kushinda kombe sio kila kitu ukizingatia umri wangu" baada ya kutia saini mkataba mpya wa miaka sita na Spurs mapema wiki hii. (Telegraph)

 

[Numbisa]

Wanaotunga sheria za kandanda huenda wakajadili mabadiliko yatakayo fafanua sheria ya kugusa mprira kwa mkono na kuondoa "makusudi". (Telegraph)

 

[Numbisa]

Wachezaji wa Fulham watalazimika kukubali kupunguziwa mshahara endapo wataondolewa wakatika ligi ya Primia. (Mail)

 

[Numbisa]

Huwa ni furaha kwa mwanamke kushika mimba na kujawa na matumaini ya kujifungua, na huwa kawaida kwa dada kumfichulia dadaki habari punde anapothibitisha.
Ogechi Babalola alikuwa na furaha kama hiyo alipogundua kwamba alikuwa ameshika mimba na angejifungua kifungua mimba wake.
Lakini alipokwenda kuwafichulia dada zake, kila mmoja aligundua kwamba alikuwa anabeba mimba.
Watatu hao, waliozaliwa Nigeria ingawa kwa sasa wanaishi Marekani, walipigwa picha kwa pamoja, wakiwa wajawazito, picha ambazo zimewavutia watu si haba mtandaoni - wengi wakifurahia pamoja nao.

 

[Numbisa]

Kwanza Ongechi alikwenda kwa Chika Okafor na kumfichulia habari.
Onyeka Ufere, 30, alipofahamishwa, naye akawafahamisha kwamba naye alikuwa mjamzito.
Mmoja wao, Chika Okafor ndiye aliyepakia picha hizo kwenye mtandao wa Instagram na kuongeza ujumbe: "Kama wanifahamu vyema, basi wafahamu kwamba huwa nawapenda sana dada zangu. Nimekuwa nikigawana nao karibu kila kitu (mavazi, walimu, wazazi, chakula). Sasa tutakuwa pamoja kwenye safari hii ya kusisimua ya kuwa mama. Mungu na wakati wake, ni kama mwujiza. Singefikiria hata wakati mmoja kwamba hili lingetokea."

 

[Numbisa]

Wameambia BBC kwamba hawakufahamu jinsi kisa chao kilivyokuwa cha kipekee.
Wote wameolewa, na wanatarajia kujifungua watoto wao wakiwa wameachana kwa wiki kadha tu.
"Kwangu na dadangu Chika, ulikuwa ni wakati wetu wa kwanza kushika mimba, na kwa hivyo wazo la kufanya hivi tukiwa peke yetu lilikuwa linatutia wasiwasi. Onyeka amepitia hili awali, ambapo alijaliwa watoto pacha," Babalola aliambia Yahoo Lifestyle.
Anasema hakuna kule kulalamika, kucheka na kusumbuka na kutokwa na machozi kwani katika kila analolipitia, anafahamu kwamba kuna mwenzake ambaye anapitia kitu sawa na hicho.
Babalola, 26, na Okafor, 27, wanatarajia kujifungua watoto wavulana.
Ufere, 30, anatarajia kujifungua watoto wengine pacha, lakini bado hajabaini jinsia yao.
Anatarajia kufahamu hilo Desemba.

 

[Numbisa]

Wanawake hao waliozaliwa Nigeria waliamua kupigwa picha za pamoja wakiwa wajawazito walipofahamu kwmaba dada yao mdogo alikuwa azuru California, jimbo walilokulia. Kwa sasa anaishi Atlanta.
Huo ulikuwa wakati wa kwanza kwao kukutana wakiwa wajawazito na hivyo wakaamua kuwa na kumbukumbu.
"Kwani ni mara ngapi mtapata tena fursa ya kuwa wajawazito kwa pamoja? Ni baraka ambayo lazima tuinakili," Okafor aliambia Yahoo Lifestyle.
Picha zilipigwa na rafiki yao Cynthia Onyejiji.
Dada hao wanatumai kwamba uhusiano wao wa karibu utaigwa na watoto wao.

 

[Numbisa]

Wameambia BBC kwamba mama yao alijawa na furaha sana, anamekuwa akisambaza picha hizo kwa jamaa na marafiki.
Lakini kuna kibarua cha kuwasaidia watakapojifungua, wanatarajia kwamba wakwe zao watafika kuwasaidia naye mama yao amsaidia mdogo wao Babalola.