Klabu ya Arsenal imeanza mazungumzo na Barcelona kuhusu uhamisho wa mshambuliaji kinda kutoka Ufaransa, Ousmane Dembele.
Arsenal inataka kumsajili mshambuliaji huyo mwenye miaka 21, hajafanikiwa kupata namba ya kudumu katika kikosi cha kwanza cha Barcelona huku mfumo wake wa uchezaji ukionekana kuwa kikwazo.
Dembele anatumia zaidi mfumo wa kukimbiza wakati Barca mfumo unaotumika ni wa pasi fupifupi hivyo kujikuta akishindwa kuendana nao.
Inasemakana Barcelona imepanga kumuuza mshambuliaji huyo ili kutoa nafasi kwa Neymar, aliyeomba kurudi baada ya kuihama mwaka jana na kushindwa kupata ufanisi alioutaka ndani ya PSG ya Ufaransa.
Kocha Ernesto Valverde, amekiri kuwa Dembele licha ya umahiri wake lakini ameshindwa kuendana na mfumo wa Barcelona.
Hata hivyo Arsenal watakuwa na kazi pevu ya kumshawishi mshambuliaji huyo ambaye amesema bora arudi zake kuitumikia timu yake ya zamani ya Borussia Dortmund ya Ligi Kuu Ujerumani.