Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Msanii wa nyimbo za injili Martha Mwaipaja ambaye ni miongoni mwa wasanii walio karibu sana muimbaji Rose Muhando ameeleza kilichotokea kwa Rose Muhando .

Martha ameeleza jinsi Rose alivyojiingiza kwenye madawa ya kulevya na jinsi alivyolazimika kujihusisha kimapenzi na meneja wake aitwaye Nathani.

Martha anaeleza kuwa vita ya kiroho ilimuelemea Rose Muhando. Rose Muhando ana meneja wake aitwaye Nathan ambaye ndiye aliyemtoa kimuziki mpaka akafahamika. Kiufupi huyo meneja wake ndiye aliyegharamia gharama zote za kurekodi albamu ya kwanza ya Rose Muhando baada ya kuachana na kitimtimu kwaya. Rose Muhando aliingia mkataba na Nathan ambao kwa mujibu wa Martha Mwaipaja ulikuwa ukimkandamiza Rose Muhando na kumnufaisha meneja.
 
Martha Mwaipaja anayedai amekuwa karibu na Rose Muhando kiasi cha kumueleza kila lililomsibu anatolewa mfano kwamba ili umualike Rose Muhando kwenye show ni lazima uingize milioni mbili kwenye akaunti ya Nathan, halafu laki tano utampatia Rose Muhando atakapokuja kupafomu. Hivyo Rose Muhando akitoka kwenye show anapewa laki tatu kwenye hiyo milioni mbili na inayobaki yote anachukua meneja. Ilifika hatua ikawa meneja akila pesa za watu mbalimbali na kumlazimisha Rose ajaperform na mara nyingine Rose aligoma kwenda na matokeo yake alikuwa akipata lawama za utapeli mara kwa mara.

Martha Mwaipaja anaendelea kueleza kwamba Nathan alitumia nafasi yake ya umeneja kumtumia Rose Muhando kimapenzi pamoja na kuwa alikuwa mume wa mtu. Rose Muhando alijaribu kupambana na hali hiyo lakini mwisho wa siku akajikuta akijihusisha kimahusiano na meneja wake huyo.
 
Meneja alimtumia Rose Muhando kimapenzi na kiuchumi, kuna kipindi Rose Muhando alipata mchumba mwingine ambaye alitaka kumuoa lakini alikabiliwa na upinzani mkali kutoka kwa Nathan. Martha Mwaipaja anasema mchumba huyu aliyekuwa rafiki wa karibu wa Masanja mkandamizaji alipata vitisho vikali kutoka kwa Nathan. Yeye Martha na Masanja ndiyo waligeuka wasuluhishi wa kutafuta utatuzi wa hali hiyo. Martha anasisitiza kuwa Nathan hakupenda Rose Muhando aolewe na mtu mwingine, wakati Rose Muhando akiwa amechoka kuzini na Nathan akijitakia ndoa yake mwenyewe. Kuna siku Nathan alimnyoishea bastola kwa muda wa dakika tano akimtishia asimuache kwenda kwa huyo mchumba wake mpya.

Rose Muhando ndiye aliyekuwa akimhudumia mchumba huyu mpya kwani alikuwa na hali duni kifedha. Rose alifikia hatua ya kumjengea nyumba kwao kwa wazazi wa mchumba wake huyu mchumba wake. Kama wahenga wasemavyo bora umfadhili mbuzi utakula mchuzi Rose alimfumania mchumba huyu mpya na mwanafunzi wa shule laivu bila chenga.
 
Rose Muhando alichanyikiwa na akajikuta amerudi tena na kuangukia kwenye penzi la meneja wake Nathan ambaye ni mme wa mtu.

Martha anasema Rose Muhando alitumikishwa kwa show zisizokoma na ilifika hatua anachoka anaishiwa nguvu anaanguka jukwaani anatolea mfano alivyoanguka madhabahuni kwa Rwakatale. Martha Mwaipaja anasema Rose Muhando alikuwa si mtu wa furaha muda mwingi alikuwa akilia awapo peke yake. Martha Mwaipaja anasema Rose Muhando alimwambia kwa uchungu kuwa anafanya kazi ngumu lakini anawafanyia watu wengine.

Ili kuondoa uchovu na stress kutokana na wingi wa matamasha ambayo Nathan alikuwa ameshakula pesa, Nathan alimlazimisha Rose kunywa vilevi ili akaperform bila kuchoka haraka, Martha Mwaipaja anasema alishuhudia hili kwa macho yake kwenye show ya mwanza.
 
Ilifika hatua pombe zikawa hazifui dafu ikawa zamu sasa ya madawa ya kulevya, ikafika hatua haimbi tena amekuwa teja na ndiyo hali Rose Muhando aliyonayo sasa.

Martha Mwaipaja anaeleza kuwa Rose Muhando alipoamua kujinasua kwa meneja wake huyo alipata vitisho vikali kutoka kwa Nathan na Msama wa msama promotion waliomtisha kuwa kama ataachana na huyo meneja atapoteana kimuziki.

Martha Mwaipaja anasema tumuombee Rose Muhando badala ya kumhukumu. Waimbaji wa nyimbo za injili wamechukua nafasi ya shetani, shetani ndiye alikuwa kiongozi wa sifa kabla ya kutupwa kuzimu. Hivyo shetani anawawinda sana kwani wamechukua nafasi yake.
 
Idrissa Ally (13), mwanafunzi wa darasa la tano Shule ya Msingi Princes Gate jijini Dar es Salaam hadi jana mchana alikuwa ametimiza siku 60 tangu alipotekwa kwa staili ya ‘kimafia’ akiwa anacheza na wenzake na kumfanya akose mitihani ya mwisho wa mwaka.

Wakati mwalimu mkuu wa shule hiyo, Mussa Idrissa akisema mitihani ilianza Novemba 19 kwa wanafunzi wa darasa la kwanza, pili, tatu, tano na sita, Ally Idd, baba mzazi wa Idrissa amesema wanaendelea na maombi ili mwanaye arudi salama.
 
Idrissa alitekwa Septemba 26 saa 11 jioni akiwa anacheza na wenzake eneo la Tegeta Masaiti wilayani Kinondoni.

Alichukuliwa na dereva mwanaume aliyekuwa katika gari aina ya Toyota IST, ambaye alitoa kichupa kidogo kinachodhaniwa ni ‘spray’ na kumpulizia mtoto huyo na kumuingiza mlango wa nyuma wa gari na kuondoka naye.
 
Bado Idrissa anakumbukwa na wanafunzi wenzake, nakumbuka wakati tunawatangazia kuanza kwa mitihani hii, mmoja wa wanafunzi anayeitwa Amran alimuuliza mwalimu wake wa darasa kama Idrissa atakuja kufanya mtihani,” alisema Mussa.

“Mwalimu akamjibu kuwa Idrissa atafanya mitihani kama kawaida.”
 
Mwalimu Mussa alisema mitihani inatarajiwa kumalizika kesho na kwamba Idrissa amekosa kufanya mitihani ya Hisabati, Kiswahili, Haiba ya Michezo, Kiingereza na Uraia.

Alisema baada ya kukamilika kwa mitihani hiyo, wanafunzi hao watafanya marudio ya masomo yao kisha kufunga shule Desemba 7 na kufungua Januari 7, mwakani.
 
Bado tunazidi kumuomba Mungu ili mwanafunzi huyu (Idrissa) arudi shuleni na kurejesha amani katika familia yake. Ni changamoto kubwa kwa sababu hatujui yuko wapi na kina nani wamemchukua,” alisema mwalimu huyo.

Kwa nyakati tofauti Kamanda wa Polisi Kanda Maalumu ya Dar es Salaam, Lazaro Mambosasa amekuwa akizungumza na Mwananchi kuhusu tukio la kutekwa kwa mwanafunzi huyo, kubainisha kuwa polisi bado wanaendelea na uchunguzi.
 
Lakini, Idd ambaye ni baba mzazi wa Idrissa alisema ni miezi miwili sasa tangu mwanaye atekwe na kwamba wanachokifanya sasa ni kuzidisha maombi ili arejee akiwa salama.

Mtoto mwingine, Shaaban Ngunda mwenye umri wa miezi sita aliyepotea Novemba 6 katika mazingira ya kutatanisha maeneo ya Mbagala Charambe, Temeke , jijini Dar es Salaam alifikisha siku 19 jana.
 
Mama mdogo wa Ngunda, Siri Nongwa aliliambia Mwananchi kuwa bado mtoto huyo hajaonekana tangu alipochukuliwa na watu wasiojulikana nyumbani kwa mtu aliyemtaja kwa jina la Mama Rose, anayeishi mtaa wa Ubungo Mbagala Charambe.

Siri alisema ingawa suala hilo bado linafanyiwa uchunguzi na polisi, familia ipo katika mkakati wa kuomba kukutana na Mkuu wa Mkoa wa Dar es Salaam, Paul Makonda kuomba kusaidiwa kumpata mtoto huyo.
 
Anaitwa Farid Qubanda ni mzaliwa wa mkoa wa Mwanza, wengi wanamfahamu kwa jina la Fid Q ambali ndio jina lake la kisanii. Nguli huyu wa music wa Hip Hop Bongo anajulikana pia kama mkali wa mashairi kutokana na uwezo wake mkubwa alionao katika masuala mazima ya uandishi bora wa mashairi, watu wengine wamefikia sehemu wanamuita Genius.

Ndani ya miaka ya 2017 na 2018 ata ikiokea Fi Q mwenyewe akasema ulikua ni miaka bora au wenye mafanikio kwake ila kutakua na ukweli usiopingika kua pia ulikua ni miaka mibaya kwa upande wake.

Nimesema hivyo kutokana na kwamba wengi tunafahamu vita kali inayoendelea duniani kwa sasa ni vita ya mitandao hasa mitandao ya kijamii, watu wamekua wakifanya mambo ya ajabu na kubwa zaidi ni migogoro inayopelekea watu kutupiana lugha mbaya yaani matusi.

Fid Q amekua ni mmoja ya wasanii waliokumbana na hili balaa ndani ya hii miaka, hii imechangiwa na yeye kujikuta ameingia/ameingizwa katikati baina ya pande mbili zinazo lumbana na yeye kuonekana kuegemea upande mmoja labda kwa yeye kujua au kutokujua.

Mitandaoni kumekua na makundi mbali mbali (teams) yanayotofautiana kutokana na mapenzi juu ya vitu vinavyotofautiana hivyo basi watu wamekaa tayari wakisubiri mtu ujichanganye tu. Kuna msemo unasema "nikanyage bahati mbaya nikulipue makusudi" basi hayo ndio yalimkuta Fid Q baada ya kutoa wimbo wake uitwao Fresh ambao aliutolea tena Remix baada ya kuombwa na msanii Diamond, hivyo ilikua ni Fresh remix - Fid Q ft Diamond.

Inshu hapa haikua Fresh remix wala haikua Fid Q ft Diamond bali inshu ilikua ni mashairi ya Diamond ndani ya huu wimbo. Mashairi ya Diamond yalionekana moja kwa moja kua ni madongo kwenda kwa hasimu wake mkubwa hapa bongo ambae si mwingine bali ni Ali K au Alikiba wengi wanamuita King Kiba.

Hapo juu nimeeleza jinsi mambo mitandaoni ya navyokua, Sasa basi baada ya huu wimbo kutoka tu ndio Fid Q alijikuta kawakanyaga bahati mbaya Team Kiba na wao wakaanza kumlipua makusudi, sababu ni kwamba waliona kua katumika katika huu mchongo wa kumchafua msanii wao wanaomuhusudu kupita kiasi.

Richa ya FID mwenyewe kukanusha kua hakujua kitu chochote yeye alifanya tu kama wimbo kawaida na alitumia neno "nilifichiwa white" lakini kama nilivyokuambia hapo juu jamaa anajulikana kama genius hivyo basi wadau walimwambia kama wewe ni kichwa mbona umezidiwa ujanja na kujikuta ukitumika?. Zaidi ilikua ni matusi tu na kejeli aliyo ambulia mitandaoni na kwingine kote.

Hii hali ilionekana kumuumiza sana Fid Q mpaka akaamua kwenda studio na kutoa ngoma (Kiberiti - Fid Q ft Saida Karoli) iliyotokana na hii inshu, kama nilivyokupasha habari hapo juu jamaa ni mkali wa mashairi na ana uwezo mkubwa katika hili swala hivyo alichokifanya ni kuchukua baadhi ya madongo na kejeli alizopewa kipindi cha huu mkasa na kuyabadirisha kuwa mashairi.

Clouds vs Wasafi..
Siku sio nyingi zimepita tunajua nini kilikua kinaendelea katika mambo ya burudani hapa nchini, ni mvutano baina ya pande mbili tajwa hapo juu na uwanja wa mapambano ni kule kule kwenye mitandao ya kijamii.

Fid Q kwenye mdomo wa Mamba kwa mara nyingine
Hii ni baada ya yeye kutoa kauli uliyoonekana kama dongo kwa upande fulani(Wasafi). Inawezekana alitoa kauli akiwa na nia nzuri tu lakini wadau hawahitaji kulijua hilo wao wanasubiri ujichanganye tu ili wakuvuruge sawa sawa.Yaliyomkuta mwaka jana kwa teamKiba ndio yaliyomkuta mwaka huu kwa teamWasafi na matawi yake yote wakiwemo na viongozi, sio kingine bali ni kejeli na matusi ya hapa na pale.

Mtazamo wangu

Haya yote yaliyomtokea yanaweza kua na faida na hasara kwa Fid, kama ilivyo game ya sasa imekua ikiendeshwa na kitu wanaita Kiki hivyo basi haya yanawezakua ni kiki kwa jamaa ikafanya kufatiliwa na kuongelewa sana.

Lakini nikiangalia upande wa pili sioni kama ni sahihi kwa kiki za hali hii ya kudhalilishwa na kutukanwa mitandaoni kama tujuavyo heshima inachukua muda sana kuijenga lakini ni swala la sekunde kadhaa tu kuishusha sasa hii inaweza kupelekea kushuka kwa heshima yake kwani amekua ni mmoja wa wasanii hapa bongo wenye heshima kubwa.

Kua makinini bro, kua kama Prof J bro

Mimi naitwa Davet
 
317EA903-9174-4838-B8C9-11C82C70E94E.jpeg
 
Back
Top Bottom