Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Wayne Rooney alikamatwa baada ya kupatikana akiwa amelewa na "kukanganyikiwa" baada ya kunywa dawa za kupa usingizi na pombe kwa pamoja, msemaji wake amesema.
Mchezaji huyo wa zamani wa England alifanya hivyo akiwa safarini kwenye ndege.
Nahodha huyo wa zamani wa Manchester United alikamatwa 16 Desemba katika uwanja wa ndege wa kimataifa wa Dulles jimbo la Virginia akirejea kutoka safari ya siku moja nchini Saudi Arabia.
 
Rooney, 33, alishtakiwa na akalipa faini ya $25 na gharama ya kesi ya $91 mnamo 4 Januari kwa mujibu wa nyaraka za mahakama kutoka Mahakama ya Hakimu ya Wilaya ya Loudoun.
Taarifa ya msemaji wa mchezaji huyo imesema : "Akiwa safarini kwenye ndege Wayne alimeza tembe alizokuwa ameagizwa na daktari kuzinywa na akachanganya na pombe jambo ambalo lilimfanya kuchanganyikiwa alipowasili uwanja wa ndege.
"Polisi alimpata katika hali hiyo na akamkamata kwa kosa dogo la uvunjifu wa amani.
 
Alipokezwa faini ya moja kwa moja ya kawaida na akaachiliwa huru muda mfupi baadaye katika uwanja huo wa ndege. Kisa hicho sasa kimehitimishwa.
"Wayne angependa shukrani zake kwa jinsi kisa hiki kilishughulikiwa na wahusika wote zipokelewe."
Rooney, anayechezea klabu ya DC United inayocheza Ligi Kuu ya Marekani na Canada alishtakiwa kosa la ngazi ya 4 ambazo adhabu yake ya juu zaidi ni faini ya $250.
 
Rooney alikuwa amepigwa marufuku kutoendesha magari kwa miaka miwili Septemba 2017 baada yake kukiri kwamba alikuwa ameendesha gari akiwa mlevi eneo la Cheshire, Uingereza.
Mshambuliaji huyo alihamia Marekani Juni 2018 baada ya kutia saini mkataba wa miaka mitatu na nusu na DC United.
 
Rooney aliongoza klabu hiyo kufika hatua ya mechi ya muondoano wa baada ya msimu msimu punde baada ya kujiunga nao, ambapo walishindwa mechi yao ya kwanza, mchezaji huyo wa zamani wa Everton akipoteza mkwaju wa penalti dhidi ya Columbus Crew.
 
Taarifa kutoka DC United imesema: "Tunafahamu kuhusu taarifa zinazodokeza kwamba Wayne Rooney alikamatwa Desemba.
"Tunafahamu hamu ya vyombo vya habari kutaka kujua zaidi kuhusu suala hili lakini tunaamini hili ni suala la faragha kwa Wayne ambalo DC United italishughulikia kwa mifumo ya ndani. Hatuna jambo jingine la kusema kuhusu hili."
 
Manchester City inaendeleza sera yake ya kuwaruhusu vijana kujiendeleza kulingana na chanzo cha klabu hiyo.
Tayari klabu hiyo imeruhusu mchezaji wake kinda Brahim Diaz kujiunga na mabingwa wa ligi ya La Liga nchini Uhispania Real Madrid katika makubaliano yatakayogharimu £22m.
Ndio kinda wa hivi karibuni kuondoka katika klabu hiyo msimu huu, huku wachezaji wengi walioondoka wakishirikisha Jodon Sancho aliyehamia katika klabu ya Ujerumani ya Borussia Dortmund kwa dau la £8m mwaka 2017.
 
Je Diaz ni nani na anacheza kiungo gani?
Umaarufu wa Diaz ulipanda wakati wa kombe la Uefa la vijana wasiozidi umri wa miaka 17 kule Azerbaijan wakati alipoifungia Uhispania magoli matatu na kuisadia kumaliza wa pili nyuma ya mabingwa Ureno baada ya kuishinda Uingereza katika robo fainali.
Wakati huo tayari alikuwa amejumuishwa katika kikosi cha City kilichopteza kombe la FA la vijana katika msimu wa 2016-2017 dhidi ya Chelsea.
 
Alianza kuichezea timu kubwa ya City mnamo mwezi Septemba 2016 na kutia saini kandarasi ya miaka mitatu siku chache baadaye.
Diaz mwenye urefu wa futi 5 na nchi 7, ana kasi ambayo ilitumika sana katika kiungo cha kati.
Tatizo la Diaz ni kwamba City tayari ina Raheem Sterling , Leroy Sane na Riyad Mahrez ambao wana uwezo wa kufanya kazi kama yake.
 
Je Diaz ataigharimu Real Madrid kitita cha pesa ngapi?
Real imekubali kulipa £5.5m kumnunua mchezaji huyo wa Uhispania pamoja na nyongeza ya £6.5m.
Kwa kuongezea, City ina kifungu cha kumnunua cha asilimia 15 ambayo itapanda hadi asilimia 40 iwapo Diaz ataondoka Real na kuelekewa Man United.
Diaz alijiunga na City kutoka klabu ya La Liga Malaga akiwa na umri wa miaka 14 mwaka 2013 na ameichezea klabu hiyo mara 15,mbali na mara nne msimu huu.
 
Je City ina tatizo kuwahifadhi kinda wake wazuri?
Watasema hapana ushahidi kwamba mchezaji waliyetaka kumuhifadhi ni Phil Foden aliyetia kandarasi ndefu ya hadi 2024 Disemba.
City iliwauza baadhi ya wachezaji msimu uliopita akiwemo kipa Angus Gunn kwa klabu ya Southampton kwa dau la £13.5m, beki wa kulia Pablo Maffeo kwa klabu ya Stuttgart kwa dau la £9m na beki wa kushoto Angelino hadi PSV Eindhoven kwa dau la 15m.
Mwaka 2017, City ilimuuza mshambuliaji Kelechi Iheanacho kwa klabu ya Leicester kwa dau la £25m.
Duru zinaarufu kwamba hakuna uuzaji wa mchezaji uliofanywa kimakosa.
 
Je kitita kilichotolewa na Real Madrid ni kikubwa vipi?
City ilitaka kumzuia Diaz na kulikuwa na idadi kubwa ya maombi yaliowasilishwa katika juhudi za kumshawishi kusalia katika City.
Mwaka wa 2016 Diaz alisema kuwa atasalia Man City maisha yake yote.
Hatahivyo, wafanyikazi wa City pia wanakubali kwamba Real waliwasilisha ombi ambalo lilikuwa haliepukiki.
 
Je Diaz anaingiliana vipi katika mipango ya Real Madrid?
Pendekezo ni kwamba Diaz atakuwa katika kikosi cha kwanza cha msimu wote kabla ya uamuzi kuafikiwa kuhusu iwapo kuna mpango wa kumtoa kwa mkopo.
Hawahitaji wachezaji zaidi wa Uhispania katika mashindano ya klabu bingwa , kwa hivyo itasalia kuonekana iwapo atachezeshwa, Real ilikuwa imemsajili kinda mwengine wa Brazil Vinicius Junior kwa dau la£38.7m.
 
Wolves wamekamilisha mpango wa kumchukua Tammy Abraham kutoka kwa klabu yake ya Chelsea kwa mkopo hadi mwisho wa msimu. Mchezaji huyo wa kimataifa wa England mwenye miaka 21 anatarajiwa sasa kufanya uamuzi leo Jumatatu kuhusu iwpao atakatisha mkopo wake Aston Villa na kwenda Molineux. (Express and Star)
 
Arsenal hawatarajiwi kuwasili ofa nyingine kumtaka winga wa AS Roma Cengiz Under ambaye thamani yake inakadiriwa kuwa £45m baada ya ofa yao ya awali ya £35m ya kumtaka mchezaji huyo wa Uturuki mwenye miaka 21 kukataliwa. (Star)
 
Meneja wa Crystal Palace Roy Hodgson amesema hajapokeza taarifa zozote kumhusu mshambuliaji wa Sunderland Josh Maja - licha ya klabu yake kuhusishwa na ununuzi wa mchezaji huyo wa miaka 20 kutoka England mwezi huu. (Mirror)
 
Back
Top Bottom