Spurs wanatarajiwa kufanya mazungumzo na mshambuliaji wao kutoka Uholanzi Vincent Janssen ambaye amekuwa hachezeshwi sana, na wanataka kumwacha mshambuliaji huyo wa miaka 24 aondoke Januari. (Mail)
Arsenal wanatafakari uwezekano wao wa kumteua kiungo wa kati wa zamani Edu kuwa mkurugeniz wao mpya wa uchezaji. Mbrazil huyo alistaafu soka mwaka 2010. (Standard)
Tottenham wanamfuatilia kwa karibu beki kamili wa Wolves Matt Doherty ingawa mchezaji huyo wa miaka 26 huenda akaongezewa ujira wake maradufu katika klabu hiyo ya Molineux wiki chache zijazo. (Irish Independent)
West Ham wanatarajiwa kuimarisha ofa yao ya kutaka kumnunua kiungo wa kati wa zamani wa Cardiff Gary Medel. Mchezaji huyo wa miaka 31 kutoka Chile anatarajiwa kuihama Besiktas iwapo kutatokea klabu iliyo tayari kutoa pesa zinazofikia makadirio ya thamani yake. (Takvim - kupitia Sport Witness)