Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Nabit Fekir (Lyon)

Ishu iliyopo ni kama Liverpool watarudi tena mezani kutaka huduma ya kiungo mshambuliaji wa Ufaransa, Nabil Fekir baada ya dili la kumnasa staa huyo wa Olympique Lyon kukwama mwaka jana kwenye dirisha la majira ya kiangazi.

Mchezaji huyo bado yupo kwenye rada za timu hiyo na nyinginezo kwenye Ligi Kuu England ambazo zimekuwa zikihitaji huduma yake. Rais wa Lyon, Jean-Michel Aulas alisema hakuna kinachoshindikana kwenye kumuuza mchezaji huyo kwani kinachotakiwa ni pesa tu. Chelsea wanamtaka staa huyo.
 
Mario Balotelli (Nice)

Kinachoelezwa ni hivi, Nice imekuwa na mpango wa kuachana na mshambuliaji, Mario Balotelli baada ya Mtaliano huyo kushindwa kufunga kwenye dakika 752 alizocheza kwenye Ligue 1 msimu huu.

Kocha Patrick Vieira huko Nice amekuwa hana uhusiano mzuri na mshambuliaji huyo ambaye aliwahi kukipiga kwenye Ligi Kuu England. Balotelli anahusishwa na mpango wa kurudi England, huku Newcastle United na West Ham United zikitajwa kumtaka fowadi huyo.
 
Gonzalo Higuain (Milan)

Kilichopo ni kwamba Chelsea wanacheki uwezekano wa kuinasa huduma ya mshambuliaji wa Kiargentina, Gonzalo Higuin ili kuja kuongeza nguvu kwenye safu yao ya ushambuliaji.

Chelsea wamekuwa na shida kubwa kwenye ufungaji na kwamba Eden Hazard asipofanya hivyo tu basi imekuwa majanga maana Alvaro Morata na Olivier Giroud wote hawafungi, wamepoteza viati vyao vya kufungia. Kama usajili wa Higuian utakamilika basi Ligi Kuu England itakuwa imeshuhudia nyota mwingine matata kabisa katika ligi hiyo na hivyo kuzidi kuongeza mvuto wa ligi hiyo kutazamwa kila kona katika duniani hii.
 
Isco (Real Madrid)

Mengi yanasemwa kuhusu maisha ya kiungo fundi wa mpira wa Kihispaniola, Isco huko Real Madrid. Mambo ya staa huyo yamedaiwa kuwa katika wakati mgumu chini ya kocha Santiago Solari na ndio maana kwa sasa anachofikiria kwenye akili yake ni kuachana na wababe hao wa Bernabeu itakapofika mwishoni mwa msimu huu. Kilichopo ni kwamba kama Isco ataamua kuondoka zake Real Madrid, basi mahali ambako amelenga kwenda ni kwenye Ligi Kuu England, ambako kuna timu kadhaa zinahaha kupata huduma yake kama vile Liverpool, Arsenal na Tottenham Hotspur. Ni jambo la wazi kabisa, Isco akitua kwenye Ligi Kuu England, mvuto wa ligi hiyo utaongezeka zaidi.
 
Philippe Coutinho (Barcelona)

Kiungo wa Kibrazili, Philippe Coutinho ndio kwanza ana mwaka mmoja tu tangu alipojiunga na Barcelona Januari mwaka jana. Lakini, tayari staa huyo amekuwa akihusishwa na mpango wa kurudi kwenye Ligi Kuu England, huku safari hii Manchester United wakiripotiwa kutaka huduma yake. Coutinho alikuwa kwenye kikosi cha Liverpool wakati anaondoka kwenda Barcelona, hivyo kama ataamua kurudi kwenye Ligi Kuu England na kisha kujiunga na Man United basi jambo hilo litamfanya ajitengenezee uadui mkubwa na Liverpool kutokana na upinzani uliopo baina ya timu hizo mbili. Coutinho akirudi England, kisha akatua Old Trafford, Ligi Kuu England itakuwa balaa.
 
IMG_1447.JPG



Sent using Jamii Forums mobile app
 
MBIO za kusaka ubingwa wa Ligi Kuu England zimerudi upya kabisa. Kwa sasa timu zinakaba koo kinoma, ukizubaa tu umeachwa.

Liverpool, Manchester City na Tottenham Hotspur zimeachana pointi chache sana, lakini kuna timu nyingine kama Chelsea, Arsenal na Manchester United zipo kwenye mchakamchaka huo kuhakikisha vita inakuwa kali hadi filimbi ya mwisho ya kufunga pazia la msimu huu.

Kwa sasa zimeshachezwa mechi 21 kwenye ligi hiyo na kushuhudia wakali kibao ikiwamo hawa wanaoongoza kwa kupiga asisti nyingi msimu huu.
 
6.Paul Pogba- asisti 6

Kiungo wa Manchester United, Paul Pogba amekuwa kwenye kiwango bora kabisa tangu timu hiyo ilipoanza kuwa chini ya kocha wa muda Ole Gunnar Solkjaer. Hapo kabla, Pogba alikuwa kwenye wakati mgumu sana chini ya Kocha Jose Mourinho na kuwa na malumbano yasiyokwisha.

Kwa sasa anafunga na kuhusika kwenye mabao mengine. Msimu huu, hadi ligi ilipofikia kwa sasa, kiungo huyo Mfaransa amepiga asisti sita. Wachezaji wengine wenye asisti sita kwenye ligi msimu huu ni pamoja na Marcus Rashford, Aaron Ramsey na Bernado Silva.
 
5.Raheem Sterling- asisti 7

Ushindi wa Manchester City wa mabao 2-1 dhidi ya Liverpool umefanya mchakamchaka wa kuwania ubingwa wa Ligi Kuu England kuanza tena upya kwani kwenye kilele cha msimamo wa ligi hiyo, kuna tofauti ya pointi nne tu na wakati bado kuna mechi kibao za kuchezwa. Katika mechi hiyo, Raheem Sterling ndiye aliyepiga asisti ya bao la ushindi lililofungwa na winga wa Kijerumani, Leroy Sane. Jambo hilo lilimfanya Sterling awe amefikisha asisti saba kwenye Ligi Kuu England msimu huu. Sane pia ana asisti saba.
 
4.Christian Eriksen- asisti 7

Tottenham Hotspur inakuwa matata uwanjani wakati supastaa wake, Christian Eriksen atapokuwa kwenye ubora wake. Kiungo huyo mchezeshaji ni fundi kwelikweli wa mpira na mabeki wamekuwa wakiteseka sana kwenye kumkaba. Eriksen ni fundi mkubwa wa kupiga pasi za mwisho na ndio maana hadi sasa kwenye Ligi Kuu England zikiwa zimechezwa mechi 21, amepiga asisti saba na hivyo kuwa kwenye orodha ya wakali waliopiga pasi nyingi za mabao kwenye mchakamchaka wa ligi hiyo yenye upinzani mkali kwenye kuwania ubingwa, Top Four na kukwepa kushuka daraja.
 
3.Mohamed Salah- asisti 7

Fundi wa kufunga wa Liverpool, Mohamed Salah ameendelea kuonyesha uwezo wake wa kupasia nyavu unapungua anapocheza dhidi ya timu za Top Six kwenye Ligi Kuu England. Staa huyo hivi karibuni amechaguliwa kuwa Mchezaji Bora wa Afrika kwa mwaka 2018, amewafunga Arsenal tu tena kwa mkwaju wa penalti. Alhamisi iliyopita, Liverpool ilichapwa na Manchester City 2-1, huku bao la wababe hao wa Anfield likifungwa na Roberto Firmino. Lakini, hadi ligi ilipofikia kwa sasa, Mo Salah amefunga mabao 13 na kuasisti mara saba na kuwa kwenye orodha ya wachezaji waliopiga asisti nyingi kwenye Ligi Kuu England.
 
2.Ryan Frazer- asisti 9

Bournemouth imekuwa na msimu mzuri kwenye Ligi Kuu England hadi sasa. Siku za karibuni imekuwa ikikutana na wakati mgumu, lakini kitu kizuri kwao ni kwamba walianza vyema mwanzo wa msimu.

Kikosi hicho cha Kocha Eddie Howe kinashika nafasi ya 12 kwenye msimamo wa ligi, ikikusanya pointi 27.

Kikosi hicho kinajivunia kuwa na huduma ya winga Ryan Frazer, ambaye ndiye aliyepiga asisti nyingi katika mechi 21 zilizochezwa hadi sasa kwenye ligi hiyo. Frazer amepiga asisti tisa.
 
1.Eden Hazard- asisti 9

Kevin De Bruyne alikuwa bingwa wa asisti kwenye Ligi Kuu England msimu uliopita, lakini msimu huu majeraha yamemtibulia na staa huyo wa Kibelgiji amepotea kabisa.

Eden Hazard kwa sasa ndiye anayefunika kwenye kitendo hicho cha kupiga asisti matata kabisa kwenye ligi hiyo akipiga asisti tisa hadi sasa. Huduma ya Hazard hakika ni bora kabisa na ndio maana Chelsea inapambana na hali yake kuhakikisha inambakiza Stamford Bridge kwamba asishawishike kwenye kokote kule.
 
.HUKO kwenye kambi ya mazoezi ya Manchester United kumenoga kinoma. Kocha, Ole Gunnar Solskjaer amewapa uhuru wachezaji wake kufurahia maisha ya kuichezea Man United.

Mastaa wa Man United kwa sasa wanaishi maisha wanavyotaka.

Ndio maana hata juzi tu hapo, mastaa wa timu hiyo wakiongozwa na Romelu Lukaku, Anthony Martial na Andreas Perreira walipata nafasi ya kwenda kwa mchoma nyama maarufu huko Dubai, Salt Bae.
 
Kocha Solskjaer amekuwa na kundi kubwa la wachezaji wake, akiwamo Eric Bailly, ambaye alionyeshwa kadi nyekundu kwenye mechi iliyopita ya ligi, lakini Jesse Lingard akiwachekesha wenzake wa kupiga selfie kwa kutumikia kamera ya kawaida.
 
Back
Top Bottom