Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Kocha Unai Emery ameweka wazi anamtaka mchezaji huyo kwenye kikosi chake, hata kama ni kwa mkopo. Lakini, Barcelona nayo inasema haitaki Suarez aondoke kwenye dirisha hili la Januari.
 
Hata hivyo, kila kitu kinaweza kuwa tofauti ndani ya dirisha hili la Januari kama tu Barcelona itapata mshambuliaji inayemhitaji katika kipindi hiki cha usajili wa majira ya baridi huko Ulaya. Kwenye orodha ya washambuliaji inayowataka Barcelona, mmoja wao ni Alvaro Morata wa Chelsea.
 
Na hapo ndipo panapowafanya Chelsea kuingia kati kwenye dili la Suarez. Barcelona inamtaka kwa mkopo Morata, lakini Kocha wa Chelsea, Maurizio Sarri, naye anahitaji kiungo wa kuchukua mikoba ya Cesc Fabregas, hivyo linaweza kufanyika kwa dili la kubadilishana wachezaji, Morata akatua Nou Camp na Suarez akaenda zake Stamford Bridge.
 
Arsenal inafahamu hilo, hivyo haitaki kujiondoa kwenye mchakato kirahisi hasa baada ya kutambua Suarez mwenyewe anataka kwenda Emirates, kwa sababu anafahamu ni mahali atakokwenda kupata nafasi ya kucheza kwenye kikosi cha kwanza.
 
Arsenal inamtaka Suarez kwa mkopo kwa sasa kwa makubaliano ya kumbeba jumla kwa Pauni 18 milioni mwishoni mwa msimu.
 
Barca nayo haina shida, itamwaachia Suarez kama tu itampata mshambuliaji mpya kwenye dirisha hili la Januari. Mastaa inaowataka ukimwaacha Morata mwingine ni Fernando Llorente.
 
Lakini, kubwa ni ishu ya usajili wa Suarez, ambayo imezibananisha pamoja klabu tatu vigogo huko Ulaya, Barcelona, Arsenal na Chelsea. Mwisho utakuwaje, ni suala la kusubiri na kuona.
 
Wakati huohuo, Barca italazimika kuiandikia hundi ya Euro 800,000 Manchester City baada ya kumtumia Suarez kwenye mechi ya Copa del Rey.
 
Hayo ni makubaliano yaliyowekwa baina ya timu hizo mbili, kwamba kama kila baada ya mechi 10 atakazocheza, Denis Suarez kwenye kikosi cha Barcelona, basi Manchester City lazima ilipwe mzigo huo.
 
Mechi hiyo dhidi ya Levante ilikuwa ya 70 tangu Suarez alipohama Manchester City, hiyo ina maana ada yake sasa imefikia jumla ya Euro 7.4 milioni.
 
Kwa muda wake aliokaa kwenye kikosi hicho, Ramsey hadi sasa ameshafunga mabao 61 katika mechi 354 na hakika amekuwa mchezaji muhimu kwa muongo mzima uliopita.

Na sasa anakwenda kujiunga na mabingwa wa Italia, ambao bila shaka atapata nafasi ya kucheza kwenye kikosi cha kwanza sambamba na masupastaa matata kabisa, Cristiano Ronaldo na Paolo Dybala.
 
Hata hivyo, Ramsey kama atafanikisha mpango wake wa kwenda kujiunga na Juventus kisha akapangwa kwenye mechi zake, hatakuwa mchezaji wa kwanza staa kuzitumikia timu hizo mbili kwenye mchezo huo wa soka baada ya wengine kibao kumtangulia kufanya hivyo.

Hawa hapa mastaa watano waliochezea kwenye vikosi vyote viwili vya Arsenal na Juventus ambao Ramsey atakwenda kufuata nyayo zao.
 
5.Nicolas Anelka

Nicolas Anelka amecheza kwenye klabu nyingi sana katika kipindi chake cha miaka 18 aliyodumu kwenye soka. Fowadi huyo wa Kifaransa amepachikwa jina la mzururaji. Katika timu alizocheza Anelka huko Ulaya, Arsenal na Juventus ni baadhi ya klabu hizo.

Anelka alijiunga na Arsenal mwaka 1997.

Kwenye kikosi hicho alifunga mabao 28 katika mechi 90 akicheza chini ya Kocha Arsene Wenger. Miaka miwili baadaye alikwenda kujiunga na Real Madrid, kisha akacheza Manchester City na Liverpool.

Kikosi cha Juventus alikichezea kwa mkopo katika msimu wa 2012-13. Kwenye Ligi Kuu England, kwenye klabu vigogo, Anelka hakucheza Manchester United tu, kwani alicheza hadi Chelsea.
 
4.Wojciech Szczesny

Szczesny ni kipa wa kimataifa wa Poland, ambaye aliichezea Arsenal kuanzia 2009 hadi 2017.

Alinaswa na Arsenal mwaka 2009 wakati huo ilipokuwa ikitafuta mrithi wa kudumu wa Jens Lehmann. Kiwango chake kilimfanya awe kipa namba moja kwenye kikosi hicho cha Arsenal na kuisaidia kubeba mataji ya Kombe la FA mwaka 2013-14 na 2014-15.

Kwa ujumla wake, aliichezea Arsenal mara 153. Baadaye alitolewa kwa mkopo kwenda AS Roma kuanzia 2015 hadi 2017, ambapo akabebwa jumla na Juventus na tangu wakati huo amekuwa akiwatumikia wababe hao wa Italia na tayari ameshabeba Serie A mara moja.
 
3.Stephan Lichtsteiner

Beki wa pembeni, Lichsteiner alinaswa na Arsenal kwenye dirisha lililopita la usajili wa majira ya kiangazi kuja kusaidiana na Hector Bellerin.

Beki huyo uzuri wake ni kwamba anaweza kucheza pande zote mbili za pembeni na hakika amekuwa chaguo la kwanza kwenye kikosi cha Unai Emery huko Emirates. Kabla hajasajiliwa na Arsenal, beki huyo alikuwa kwenye kikosi cha Juventus, ambacho alijiunga nacho mwaka 2011 na kuwa hapo hadi 2018.

Kwenye kikosi cha Juventus alifunga mabao 15 katika mechi 257 alizocheza huku akishinda mataji saba ya Serie A. Alikuwamo kwenye kile kikosi cha Juventus kilichoshika namba mbili kwenye Ligi ya Mabingwa Ulaya msimu wa 2014-15 na 2016-17.
 
2.Patrick Vieira

Patrick Vieira alikuwa supastaa matata kabisa kwenye kikosi cha Arsenal. Alikuwa kiungo mkabaji aliyeweza pia kujipa majukumu ya kucheza goli hadi goli.

Vieira alikuwa mchezaji mwenye nguvu ndani ya uwanja na kupiga pasi matata pia. Alikuwa nahodha wa Arsenal aliyewaongoza wenzake kwa mifano na hakika amekuwa akifahamika kama mmoja wa viungo matata kabisa waliowahi kutoka kwenye soka.

Vieira aliichezea Arsenal kutoka 1996 hadi 2005 na kufunga mabao 34 katika mechi 406. Alibeba mataji matatu ya Ligi Kuu England na baada ya hapo alienda zake Juventus mwaka 2005. Kwenye kikosi hicho cha Turin alicheza mechi 42 na kufunga mabao matano, lakini kwa bahati mbaya hakushinda taji lolote kabla ya kuondoka kwenda kujiunga na Manchester City.
 
1.Thierry Henry

Thierry Henry ni mmoja kati ya mastaa matata kabisa waliowahi kutokea kwenye kikosi cha Arsenal.

Baada ya fainali za Kombe la Dunia 1998 zilizofanyika Ufaransa, mwaka uliofuatia Henry alisajiliwa na Juventus na kwenda kucheza mechi kadhaa.

Kwenye kikosi hicho alikuwa akicheza kama winga na kufunga mabao matatu katika mechi 19. Lakini ndani ya mwaka huo huo, 1999, Henry alinaswa na Arsenal na kwenda kufanya kazi chini ya Arsene Wenger, ambaye alimbadilisha na kuanza kumtumia kama mshambuliaji wa kati. Jambo hilo lilimfanya Henry kutamba kwelikweli na kuwa gwiji kwenye kikosi hicho akiongoza kwa mabao.
 
Back
Top Bottom