Uzi maalum wa kupeana Likes: Comment chochote upate "Like"

Stephen McGlennan, ambaye ni mtendaji mkuu wa kampuni ya HAV amesema mwaka 2018 ulikuwa mzuri sana na kusema kibali cha Easa kilikuwa ni ishara kubwa.
Amesema kwa sasa azma ya kampuni yake ni kutengeneza ndege aina ya Airlander 10 kwa ajili ya biashara na kupakia abiria.
"Sampuli ya awali imetimiza kazi yake kwa kutusaidia kupata takwimu na taarifa muhimu tulizokuwa tukizihitaji ili kuvuka kutoka hatua ya sampuli mpaka utengenezwaji wa ndege halisi," amesema.
Kwa sasa matarajio ni kwamba ndege ya kibiashara itakamata mawingu ikiwa na abiria waliolipia safari yao miaka ya mwanzoni ya 2020.
 
HAV ilitenga kitita cha pauni milioni 32 baada ya sampuli ya awali kudondoka, na kuwaarifu wanahisa wake kuwa hiko ndicho "kiwango cha juu zaidi cha bima".
Vibali kutoka kwa CAA na Easa sasa vinaipa kampuni hiyo "nafasi imara ya kuanza uzaishaji".
HAV ilifanya majaribio ya awali ya Airlander 10 kutoka katika eneo lake la awali la uwanja wa ndege wa Cardington mwezi Agosti 2016 lakini walihama eneo hilo Juni mwaka jana.
Mwezi Julai wakatangaza mipango yao ya kutoa "huduma za kifahari" pale ambapo majaribio yote yatakapomalizika kwa mafanikio.
 
David de Gea huenda akajijengea hadhi ya kuwa mlinda lango bora zaidi kuwahi kuichezea klabu ya Manchester United hasa baada ya ustadi wake Jumapili, kwa mujibu wa kaimu meneja wao Ole Gunnar Solskjaer.
Mhispania huyo mwenye miaka, 28, aliokoa mipira 11 na kuwawezesha United kuwalaza Tottenham 1-0 katika mechi iliyochezewa uwnaja wa Wembley.
Katika miaka 11 aliyokuwa Old Trafford akiwa mshambuliaji, Solskjaer alicheza na magolikipa stadi kama vile Edwin van der Sar na Peter Schmeichel.
 
Tumekuwa na magolikipa wazuri sana katika klabu hii na nafikiri kwa sasa anawatishia wote wawili Edwin na Peter katika nafasi hiyo ya kipa bora zaidi [kuwahi kuchezea United] katika historia," Solskjaer alisema.
De Gea aliokoa mipira 11 langoni katika mechi hiyo ya Ligi Kuu ya England na pia akawawezesha kumaliza mechi hiyo bila kufungwa.
Ushindi wao uliwawezesha United sasa kukamilisha ushindi wa mechi sita kati ya sita walizocheza chini ya Solskjaer.
 
Mchezaji huyo wa kimataifa wa Uhispania alijiunga na United kutoka Atletico Madrid mwaka 2011 na ameshinda tuzo ya mchezaji bora klabu wa mwaka katika misimu minne kati ya mitano ya karibuni zaidi.
"Alifaa kudaka mipira kadha," Solskjaer alitania.
"Tulikuwa na mabeki wazuri na David nyuma yao mambo yalikwenda vyema ajabu. Unaruhusiwa kuwa na kipa mzuri.
"Nimecheza na magolikipa kadha wazuri sana. Tumekuwa na utamaduni wa kuwa nao na amekomaa na kukomaa hata zaidi. Alistahiki tuzo hiyo ya mchezaji bora wa mechi ya leo."
 
Solskjaer ameshinda mechi tano za ligi mfululizo akiwa na United matokeo ambayo sasa yamewawezesha kutua nafasi ya sita wakiwa sawa kwa alama na Arsneal walio nafasi ya tano, wakiwa mbele kwa wingi wa mabao.
United wamo alama sita pekee kutoka nafasi ya nne inayowezesha klabu kufuzu kwa Ligi ya Klabu Bingwa Ulaya.
"Bado tunaamini kwamba tunaweza kumaliza katika nne bora," alisema De Gea.
"Sisi ni United, tuna wachezaji wazuri na tunang'ang'ania kumaliza katika nne bora.
 
Ilikuwa mechi nzuri sana, hata zaidi ukizingatia tulikuwa uwanja wa Wembley. Zilikuwa alama tatu muhimu sana. Ninafurahia sana uchezaji wangu na timu inacheza vyema sana pia, na kuunda nafasi na kucheza soka ya kushambulia zaidi.
"Tumecheza mechi tatu sasa mtawalia bila kufungwa, jambo ambalo ni zuri sana. Wachezaji wana furaha, na unaweza kuliona hilo uwanjani, wanachezaji wa kujituma sana, kama Manchester United."
 
Ilikuwa mechi nzuri sana, hata zaidi ukizingatia tulikuwa uwanja wa Wembley. Zilikuwa alama tatu muhimu sana. Ninafurahia sana uchezaji wangu na timu inacheza vyema sana pia, na kuunda nafasi na kucheza soka ya kushambulia zaidi.
"Tumecheza mechi tatu sasa mtawalia bila kufungwa, jambo ambalo ni zuri sana. Wachezaji wana furaha, na unaweza kuliona hilo uwanjani, wanachezaji wa kujituma sana, kama Manchester United."
 
Meneja wa Tottenham Mauricio Pochettino amesema ana wasiwasi kwamba Harry Kane aliumia wakati wa mechi yao ya Ligi Kuu ya England dhidi ya Manchester United - na kwamba huenda ikawaathiri sana.
Kane alilalizimika kusaidiwa kuondoka uwanjani Wembley baada ya kuumia dakika za mwisho mwisho kwenye mechi hiyo ambayo United walishinda 1-0.
"Ilikuwa wazi kwamba Harry Kane alichezewa visivyo, aligongwa sana, [mwamuzi] Mike Dean anasema hakuliona tukio hilo," Pochettino alisema baada ya mechi.
"Alikabwa vibaya sana, na sasa kifundo chake cha mguu kimevimba."
 
Nyota huyo alikabwa na Phil Jones.
Kane - aliyetoa makombora saba ya kulenga goli ingawa Spurs walishindwa kumbwaga kipa wa United David de Gea - alikuwa ameumia tena kifundo cha mguu mwaka 2018 na alikosa mechi 10 msimu uliotangulia kutokana na jeraha sawa na hilo kwenye kifundo hicho hicho cha mguu.
 
Kiungo wa kati wa Spurs Moussa Sissoko pia aliumia, na akaondolewa uwanjani kabla ya muda wa mapumziko.
"Haikuwa nia ya mchezaji huyo wa United lakini alimkaba vibaya na Kane alikuwa anachechemea baada ya mechi," Pochettino aliongeza.
"Tutakuwa pia bila Son Heung-min atakayekwenda kucheza Kombe la Bara Asia na iwapo Kane ataumia, litatwathiri sana. Alipinda kifundo chake cha mguu na tunatumai kwamba halitakuwa jeraha mbaya sana."
 
England walifika nusu fainali katika Kombe la Dunia nchini Urusi mwaka 2018, lakini hakuna mchezaji hata mmoja wa timu hiyo ya taifa aliyejumuishwa kwenye kikosi bora cha wachezaji 11 Ulaya, chaguo la mashabiki kwa mwaka huo.
Ingawa kuna wachezaji watatu wanaocheza Ligi ya Premia kwenye kikosi hicho, hata nahodha wa England Harry Kane aliyeshinda tuzo ya mfungaji bora zaidi Urusi, hajajumuishwa.
Kiungo wa Liverpool Virgil van Dijk na wachezaji wawili wa Chelsea N'Golo Kante na Eden Hazard wamo kwenye kikosi hicho cha wachezaji XI.
Cristiano Ronaldo ni miongoni mwao, ambapo amejumuishwa kwa mara ya 13 sasa, na kuwa mchezaji aliyejumuishwa mara nyingi zaidi.
 
Mshambuliaji huyo wa Ureno ambaye sasa huchezea Juventus ya Italia, aliisaidia klabu yake ya zamani Real Madrid kushinda Kombe la Klabu Bingwa Ulaya kwa mara ya tatu mtawalia mjini Kiev, Ukraine mwezi Mei ambapo waliwalaza Liverpool.
Mchezaji mwenzake wa zamani Madrid, Luka Modric, ambaye alitamba sana akichezea Croatia na kuwasaidia kufika fainali Kombe la Dunia, ndiye mchezaji aliyepigiwa kura nyingi zaidi na mashabiki - kura 115,440.
Nyota wa Barcelona Lionel Messi amejumuishwa kwa mara ya kumi katika kikosi hicho.
Wageni wapya kwenye kikosi hicho ni mshambuliaji wa Paris St-Germain Kylian Mbappe pamoja na Marc-Andre ter Stegen, Van Dijk, Raphael Varane, na Kante.
 
Uefa.com XI:
Marc-Andre ter Stegen (FC Barcelona & Ujerumani)
Sergio Ramos (Real Madrid CF & Uhispania)
Virgil van Dijk (Liverpool FC & Uholanzi)
Raphael Varane (Real Madrid CF & Ufaransa)
Marcelo (Real Madrid CF & Brazil)
N'Golo Kante (Chelsea FC & Ufaransa)
Luka Modric (Real Madrid CF & Croatia)
Eden Hazard (Chelsea FC & Ubelgiji)
Kylian Mbappe (Paris Saint-Germain & Ufaransa)
Cristiano Ronaldo (Real Madrid CF/Juventus & Ureno)
Lionel Messi (FC Barcelona & Argentina)
 
Messi afunga bao lake la 400 La Liga
Hayo yakijiri, Lionel Messi alifunga bao lake la 400 La Liga na kuwasaidia Barcelona kuwalaza Eibar 3-0 uwanjani Nou Camp, na kurejesha mwanya wa alama tano kileleni.
 
Raia huyo wa Argentina ambaye ndiye mfungaji mabao mengi zaidi katika historia La Liga alifunga bao lake katika mechi yake ya 435.
Messi, ndiye mchezaji wa kwanza kufunga mabao 400 katika moja ya ligi tano za Ulaya, na ndiye mchezaji wa pili kufunga mabao 400 katika mechi za ligi tano kuu Ulaya.
 
Cookies are required to use this site. You must accept them to continue using the site. Learn more…