Uzi maalum wa kupeana Likes: Comment chochote upate "Like"

Chelsea – Gonzalo Higuain, Pauni 270,000 kwa wiki

Habari ndiyo hiyo, staa mpya wa mkopo huko Chelsea, Gonzalo Higuain ametua Stamford Bridge na kuvuruga bili ya mishahara kwenye kikosi hicho kutokana na mshahara wake mkubwa anaolipwa kwa kuichezeda timu hiyo.
 
Fowadi huyo wa Kiargentina atakuwa analipwa Pauni 270,000 kila wiki kwa huduma yake atakayotoa kwenye kikosi hicho kwa kipindi cha miezi sita na kama atakuwa vizuri uwanjani, basi The Blues watakuwa na ruhusa ya kumbeba jumla.
 
Hapo kabla, supastaa Eden Hazard ndiye aliyekuwa mchezaji anayelipwa mshahara mkubwa kwenye kikosi hicho, akipokea Pauni 200,000 kwa wiki.Kuhusu Hazard, mkataba wake wa sasa utafika tamati mwishoni mwa msimu ujao, hivyo kama atakubali kubaki Stamford Bridge, basi The Blues wajipange, watalazimika kumpa mshahara utakaozidi kiwango cha Pauni 300,000 kwa wiki.
 
Arsenal – Mesut Ozil, Pauni 350,000 kwa wiki

Baada ya mkataba wake wa awali kumalizika mwishoni mwa msimu uliopita, ilipofika Januari 2018 tu, Arsenal walifanya kweli kumsainisha dili jipya supastaa wao Mesut Ozil ili kubaki kwenye kikosi chao kwa muda mrefu.
 
Katika kuondoa hofu yao ya kumpoteza kiungo huyo fundi wa mpira kama ilivyotokea kwa Alexis Sanchez, Arsenal waliamua kumlipa Ozil mshahara aliotaka alipwe ili awe mmoja wa wachezaji wanaovuna pesa ndefu Ligi Kuu England. Ozil akasaini dili linalomfanya alipwe mshahara wa Pauni 350,000 kwa wiki na hivyo kuwa mchezaji anayelipwa mshahara mkubwa kwenye kikosi hicho cha Emirates kinachonolewa na Mhispaniola Unai Emery. Hata hivyo, mastaa kadhaa wa zamani wa Arsenal walisema Ozil angeuzwa tu ipatikane pesa ya kusajili wachezaji wengine na msimu huu Mjerumani huyo amejikuta tu muda mwingi akiwa benchi kutokana na Kocha Emery kutomwaamini sana kwenye mipango yake.
 
Man United – Alexis Sanchez, Pauni 500,000 kwa wiki

Mkataba mpya Alexis Sanchez aliotaka asaini huko Arsenal ulikuwa mzito kwa timu hiyo kutokana na mahitaji yake ya mshahara mkubwa aliokuwa akitaka alipwe. Kuona hivyo, lilipokuja dili la kutoka Manchester United, Sanchez aliamua kulichukua kwa sababu inadaiwa kwamba ofa ya mshahara ilikuwa matata kabisa, hakuna ambaye angethutu kugomea.
 
Unaambiwa hivi, kinachoripotiwa ni kwamba ukiweka vikorokoro vyote, sijui bonasi na malipo ya haki za taswira zake, Sanchez kwa wiki anapokea Pauni 500,000 na hivyo kumfanya awe staa anayelipwa ujira mkubwa zaidi kwa wiki Ligi Kuu England kuliko yeyote. Awali, Paul Pogba, ndiye aliyekuwa akilipwa mshahara mkubwa huko Old Trafford, lakini baada ya ujio wa Sanchez, bosi wao kwa sasa huko Man United ni supastaa huyo wa kimataifa wa Chile.
 
Tottenham – Harry Kane, Pauni 200,000 kwa wiki

Maumivu ya enka yanamfanya Harry Kane kushindwa kuitumikia timu yake ya Tottenham Hotspur kwa sasa, lakini jambo hilo halimzuii kuendelea kulipwa mshahara wake wa kibosi kwa kila wiki huko kwenye kikosi kinachonolewa na Muargentina Mauricio Pochettino.
 
Real Madrid wanaripotiwa kuhitaji huduma ya mshindi huyo wa Kiatu cha Dhahabu wa kwenye fainali za Kombe la Dunia 2018 na baada ya kuona hivyo tu, Spurs walifanya fasta kumsainisha mkataba mpya ambao unamfanya awe kwenye orodha ya wachezaji wanaolipwa mishahara mikubwa Ligi Kuu England huku akiwa kinara wake kwenye kikosi hicho cha London.
 
Timu zilizobaki

Kwenye ishu hiyo ya mishahara, vinara wa kila timu katika vikosi vingine, Newcastle United, Jonjo Shelvey (Pauni 70,000 kwa wiki), Southampton (Danny Ings, Pauni 75,000), Watford Andre Gray (Pauni 70,000), West Ham United, Javier Hernandez (Pauni 140,000), Wolves, Ruben Neves, (Pauni 50,000), Bournemouth, kipa Asmir Begovic, (Pauni 70,000), Brighton, Jose Izquierdo (Pauni 45,000), Burnley, Chris Wood, Jeff Hendrick, Robbie,
 
Brady, Tom Heaton, Steven Defour na Jack Cork (Pauni 35,000), Cardiff City, Harry Arter (Pauni 40,000) na Crystal Palace ni Wilfried Zaha (Pauni 40,000). Everton, Gylfi Sigurdsson, (Pauni 150,000), Fulham, Aleksandar Mitrovic (Pauni 50,000) na Huddersfield Town, Alex Pritchard (Pauni 110,000) huku Leicester City ni Jamie Vardy (Pauni 100,000) kutokana na huduma yake King Power.
 
Aisee..
 
JENEZA linaposhushwa katika kaburi, futi sita chini ya usawa wa ardhi kuna wanadamu ambao, huwa wanaondoka na maswali ambayo hayajawahi kupata majibu. Sitaki kuwa mmojawao. Sitaki. Kuna maswali nataka niyamalize duniani.
 
Katika uwanja wa Barajas Aldolfo Suarez maarufu kama uwanja Barajas pale Madrid mmoja kati ya abiria walioshuka mapema wiki hii alikuwa Alvaro Morata. Amerudi nyumbani na mabegi yake kwenda kusaini Atletico Madrid kwa mkopo akitokea Chelsea.
 
Baadaye watamuuza jumla jumla. Nasikia watamuuza kwa bei ya hasara ya Pauni 45 milioni. Walimnunua katika dirisha kubwa la majira ya joto mwaka 2017 kwa dau la Pauni 60 milioni. Wakati huo alitua katika Uwanja wa Ndege wa Heathrow kwa ajili ya kuziba pengo la mtu anayeitwa Diego Costa aliyeuzwa Atletico Madrid. Nisikilize kwa makini hapo.
 
Hapa ndipo ninapoulizia namba ya simu ya mtu anayeitwa Antonio Conte, kocha wa wakati huo wa Chelsea. Conte alifikiria nini kumuuza Costa na kumnunua Morata? Sawa, alifanya naye kazi Italia wakati huo Juventus. Yeye ndiye ambaye alimnunua Morata kwenda Juventus akitokea Real Madrid. Alikiona kitu gani kwa Morata na kumfanya kumuuza Costa? Morata mzuri hewani lakini alionekana kutawaliwa na mabeki kwa sababu alikuwa laini laini sana. lakini vile vile alihitaji nafasi nyingi kufunga bao moja. Ni hadithi tofauti kama unawafananisha Mnyama Costa na Morata.
 
Cookies are required to use this site. You must accept them to continue using the site. Learn more…