Uzi maalum wa kupeana Likes: Comment chochote upate "Like"

Robo fainali ya Coppa Italia msimu huu imekaa kama shindano la 8 bora ya Serie A, huku Fiorentina ikiwa ni timu pekee nje ya nane bora katika msimamo wa ligi ya Serie A msimu huu.

Utamu unaanzia jijini Milan ambapo wenyeji AC Milan watawakaribisha Napoli kwenye Uwanja wa San Siro saa 4:45 Usiku.
 
Licha ya Napoli kuwa na kikosi kizuri bado hawajaweza kushindana na Juventus, na Kombe la Coppa Italia ndio nafasi yao wazi zaidi kushinda taji mwaka huu japo haitakuwa rahisi.

Cristiano Ronaldo aliwapatia Juventus ushindi katika Supercoppa dhidi ya Milan wiki mbili zilizopita na Dybala kumwagia sifa kibao baada ya mechi.
 
Tunafahamu umuhimu wa Cristiano Ronaldo na ukubwa wa mchango wake kila siku. Mara zote nimekuwa nikisema yeye na Messi wako kwenye kiwango sawa. Mimi nina bahati ya kucheza nao wote” alisema Dyaballa.

Juventus watakuwa ugenini dhidi ya Atalanta siku ya Jumatano saa 4:45 Usiku
 
MARCUS Rashford ana safari ndefu sana katika kufikia rekodi ya kibabe. Fowadi huyo wa Manchester United hadi sasa ameshafunga mabao 25 kwenye mechi 98 alizocheza kwenye Ligi Kuu England.
 
Umri wake ni miaka 21, hivyo kufikuzia rekodi ya kufikisha mabao 100 kwenye ligi hiyo akiwa bado na umri mdogo, anahitaji kupambana kwelikweli.
 
Kwa sasa kuna masupastaa sita wanaoshikilia rekodi ya kufikisha idadi ya mabao 100 wakiwa na umri mdogo kwenye mchakamchaka huo wa Ligi Kuu England.
 
Cheki hapa orodha ya mastaa waliofikisha idadi ya mabao 100 kwenye Ligi Kuu England wakiwa na umri mdogo.
 
6. Alan Shearer - miaka 25 na siku 137

Kinara wa mabao wa Ligi Kuu England, Alan Shearer anashika namba sita kwa wachezaji waliofikisha idadi ya mabao 100 kwenye ligi hiyo wakiwa na umri mdogo. Enzi zake, Shearer furaha yake ilikuwa kufunga na alifanya hivyo kwa kadiri alivyotaka na ndio maana sasa anashikilia rekodi ya kufunga mara nyingi zaidi kwenye ligi hiyo, rekodi yake bado haijavunjwa. Kuhusu mabao 100, Shearer alifikisha baada ya kucheza mechi 124 na kipindi hicho alikuwa na umri wa miaka 25 na siku 137. Alizichezea Newcastle United, Blackburn Rovers na Southampton.
 
5.Romelu Lukaku - miaka 24 na siku 322

Romelu Lukaku alikuwa mchezaji wa 28 tofauti, lakini wa kwanza kutoka Ubelgiji na watano kwa wenye umri mdogo kufikisha mabao 100 kwenye Ligi Kuu England. Fowadi huyo wa Manchester United amemwondoa Alan Shearer kwenye nafasi hiyo ya tano kwa wachezaji wenye umri mdogo kugonga bao 100 kwenye Ligi Kuu England. Lakini Lukaku akiwa mchezaji pekee aliyekuwa Mwingereza kufikisha idadi hiyo na umri wake mdogo. Alifunga idadi hiyo ya mabao akiwa na umri wa miaka 24 na siku 322. Hiyo imechanganywa mabao yake aliyofunga Everton na West Brom.
 
4. Harry Kane - miaka 24 na siku 191

Mtambo wa mabao wa Tottenham Hotspur, Harry Kane ni miongoni mwa wapasia nyavu mahiri kwenye Ligi Kuu England. Kane amefunga mabao 100 kwenye ligi hiyo baada ya kucheza mechi 141, kwamba anazidiwa na Alan Shearer tu aliyefunga idadi hiyo akicheza mechi chache, (124). Lakini, kwenye umri, Kane alifikisha idadi ya mabao 100 kwenye Ligi Kuu England akiwa na umri wa miaka 24 na siku 191. Kwa maana hiyo, Kane ni mchezaji wa pili kufikisha mabao 100 kwenye Ligi Kuu England akiwa amecheza mechi chache.
 
3. Wayne Rooney - miak 24 na siku 99

Staa wa zamani wa Manchester United na Everton, Wayne Rooney anashika namba tatu kwa wachezaji waliofikisha idadi ya mabao 100 kwenye Ligi Kuu England wakiwa na umri mdogo. Gwiji huyo wa Old Trafford alifikisha idadi hiyo ya mabao akiwa na umri wa miaka 24 na siku 99. Rooney aliendelea kufunga na kuvunja rekodi ya muda mrefu iliyokuwa imewekwa na Sir Bobby Charlton kwenye klabu ya Man United na timu ya taifa ya England. Kwa sasa anacheza DC United ya Marekani.
 
2. Robbie Fowler – miaka 23 na siku 282

Gwiji wa Liverpool, Robbie Fowler hatasahaulika na mashabiki hao wa Anfield kwa miaka mingi sana. Wakati akikipiga kwenye kikosi hicho, Fowler alifanya kila alichokiweza kuhakikisha timu inashinda. Kwenye Ligi Kuu England, Fowler alifikisha mabao 100 baada ya kucheza mechi 174 na alifikisha idadi hiyo ya mabao akiwa na umri wa miaka 23 na siku 282. Staa huyo alizichezea pia Manchester City na Leeds United.
 
1. Michael Owen - miaka 23 na siku 133

Kwenye orodha hiyo, Michael Owen ndiye staa aliyefikisha idadi ya mabao 100 kwenye Ligi Kuu England akiwa na umri mdogo zaidi. Owen alifanya hivyo akiwa na umri wa miaka 23 na siku 133 baada ya kucheza mechi 186 kipindi hicho akiwa kwenye kikosi cha Liverpool. Fowadi huyo alizichezea pia Real Madrid, Newcastle United, Manchester United na Stoke City.
 
Nahodha wa klabu ya Manchester City Vincent Kompany hatopewa kandarasi mpya kulingana na mkufunzi Pep Guardiola.
Kandarasi ya mchezaji huyo mwenye umri wa miaka 32 anayeichezea Ubelgiji inakamilika mwisho wa msimu huu .
Ameichezea klabu hiyo mara 14 msimu huu na sasa anauguza jeraha la misuli.
 
''Ni mchezaji mzuri lakini ukweli ni kwamba katika kipindi cha miaka mitano iliopita amecheza mechi chache'' , chache sana.
''Kwa hivyo hiyo ndio hali tunayoweza kuweka mezani na klabu itajadiliana na ajenti na kufanya uamuzi mzuri''.
''Hatuna wasiwasi kuhusu uwezo wake-tunamkosa sana iwapo hachezi. Yeye ni muhimu ni nahodha wetu na akiwa uwanjani anatupatia cha ziada ambacho mabeki wachache wa katikati duniani wanaweza kutoa''.
 
Guardiola 'hakuhusishwa katika majadiliano ya kandarasi
Ripoti wikendi zinasema kuwa City ilitaka kumpatia Kompany mkataba wa miezi kumi na mbili lakini hali yake ya maungo ndio ilizua wasiwasi.
Amecheza mechi tatu pekee tangu mwanzo wa mwezi Novemba huku mechi yake ya mwisho ikiwa ushindi dhidi ya Liverpool mnamo tarehe tatu Januari.
Kompany aliwasili katika klabu ya City mwaka 2008 kutoka klabu ya Hamburg na kutia saini kandarasi ya miaka sita hadi mwaka 2012.
 
Ameiongoza City kushinda makombe matatu ya ligi kuu ya Uingereza, kombe la FA na lile la ligi mara tatu na atatoa ushuhuda wake mwezi Agosti mwaka huu baada ya kuichezea klabu hiyo kwa miaka 10 huku faida kubwa ikipatikana.
''Sihusiki katika mazungumzo'', Guardiola alisema.
''Sio muhimu kufanya uamuzi, lakini lazima wahisi hususan kwa wachezaji ambao wamekuwa hapa kwa kipindi kirefu na kutusaidia kujenga kile tulicho nacho sasa na watu wapya wanaokuja kwa sasa''.
 
''Sitaki klabu iseme , ni sawa unaweza kuondoka. Wakati huohuo ni muhimu kujua kwamba kuna wakati ambapo ni mwisho kwa kila mtu. Ndio maana nikasema kuwa sio uamuzi wangu''.
''Katika matukio kama hayo, kama Kompany, kama Sergio Aguero kama David Silva, kama bwana Toure awali, ni uamuzi wao kufanya pamoja na klabu. Ni mchezaji muhimu kwa njia nyingi, heshima na kile alichofanya nje na ndani ya uwanja''.
 
''Anaweza kuzungumza lugha sita tofauti ama hata saba na anazungumza vyema tunamuhitaji''.
''Watu wanaotuwakilisha ni muhimu. Kile walichowafanyia wachezaji wapya na vizazi vipya, huyu ni mchezaji aliyetusaidia kujenga klabu hii na kile tunachojaribu kujenga zaidi''.
 
Mabingwa watetezi wa kombe la FA, Chelsea, wataminyana na mabingwa mara 12 wa kombe hilo, Manchester United, katika mzunguko wa tano wa michuano hiyo.
Mechi ya miamba hiyo itakuwa ni marudio ya fainali ya mwaka jana mabapo Chelsea waliibuka na ushindi.
Timu ya Ligi Daraja la Pili ya Newport County wanaweza kuminyana na mabingwa wa Ligi ya Premia Manchester City iwapo watawang'oa Middlesbrough katika mechi yao ya marudiano.
 
Cookies are required to use this site. You must accept them to continue using the site. Learn more…