Kukosolewa huko kumefuatia kipigo cha 2-0 walichopata Chelsea kutoka kwa Everton kwenye Uwanja wa Goodison Park, licha ya kutawala kipindi cha kwanza cha mechi yao hiyo ya Ligi Kuu England.
Straika Richarlison alifunga kwa kichwa na Gylfi Sigurdsson akamalizia vyema penalti yake iliyopanguliwa na Kepa Arrizabalaga na kuwapa Everton ushindi wao wa kwanza dhidi ya Chelsea kwa zaidi ya miaka miwili.
Souness amesema matatizo ya Chelsea yanatokana na timu hiyo kukosa mizani sawa katika kiungo kilichoundwa na Jorginho, Ross Barkley na N'Golo Kante – ambao msimu huu wamefunga jumla ya magoli nane tu msimu huu.
Kipa David Ospina wa Arsenal ambaye yuko kwa mkopo Italia, alikimbizwa hospitalini baada ya kugongwa kichwani wakati akiitumikia Napoli katika mechi ya Serie A dhidi ya Udinese usiku wa kuamkia leo.
Baada ya kutibiwa, Ospina aliruhusu magoli mawili kabla ya kuanguka akiwa peke yake katika dakika ya 44, na kuwafanya wachezaji wenzake waliojawa hofu kuita machela.
Kocha Thomas Tuchel amewasifu wachezaji wake baada ya PSG kuwafunga mahasimu wao Marseille katika mechi yao ya kwanza kwenye uwanja wa nyumbani tangu watolewe katika Ligi ya Mabingwa Ulaya dhidi ya Manchester United.
Goli la utangulizi la Kylian Mbappe lilisawazishwa na Valere Germain, lakini Angel Di Maria alifunga mara mbili na kuisaidia PSG kushinda 3-1 katika mechi hiyo ya mahasimu maarufu kama Le Classique na kupaa kwa tofauti ya pointi 20 kileleni mwa Ligue 1.
Wageni walicheza dakika 28 za mwisho wakiwa 10 baada ya Steve Mandanda kutolewa kwa kadi nyekundu kwa kushika mpira akiwa nje ya boksi. Di Maria akafunga kwa mpira wa adhabu iliyotinga moja kwa moja wavuni kutokana na kosa hilo la Mandanda.
Kundi la mashabiki wa PSG halikuingia uwanjani hadi baada ya dakika 15 kama sehemu ya kuonyesha kutoridhishwa na timu hiyo kufuatia kutolewa dhidi ya Manchester United mapema mwezi huu.