Uzi maalum wa kupeana Likes: Comment chochote upate "Like"

Saul Niguez

Atletico Madrid

KOCHA wa Manchester City, Pep Guardiola amemrahisishia kazi Ole Gunnar Solskjaer wa Manchester United kwenye mbio za kumwania kiungo wa Atletico Madrid, Saul Niguez.

City walioonekana kwenda kasi kwa Sauln na kocha huyo alisema anamtaka mchezaji huyo kama mbadala wa Fernandinho lakini wameghairi na sasa wanamtaka patna wa Niguez, Rodri Hernandezwanaocheza pamoja Atletico.

United kwa sasa wanajiandaa kumnasa Saul kwa ajili ya kuunganisha nguvu na Paul Pogba na Nemanja Matic katika kiungo.
 
Raphael Varane

Real Madrid

KOCHA wa Real Madrid, Zinedine Zidane ameanza kuchekecha akili akisaka mbadala wa Raphael Varane kwani anaweza kuchukuliwa wakati wowote licha ya klabu hiyo kuweka masharti magumu kwenye usajili wake.

Real Madrid imesema kuwa ili kumnasa Varane klabu inatakiwa kuvunja mkataba wake kwa Pauni429milioni na zilipwe kwa mkupuo mmoja hatua ambayo Zidane alisema kuna klabu zina jeuri ya fedha.



Hata hivyo, Zidane alisema kuwa hana mpango wa kumuuza mchezaji wake huyo na haamini kama kuna watakaovunja mkataba wake.
 
Jadon Sancho

Borussia Dortmund

KLABU ya Borussia Dortmund imefungua mlango kwa mchezaji wake, Jadon Sancho kuwa inaweza kumwachia.

Manchester United ndio klabu inayoongoza kasi ya kumnasa staa huyo wa Dortmund na kocha wa timu hiyo, Ole Gunnar Solskjaer alisema anataka fulubeki wa kulia, viungo wawili na winga wa kulia mmoja.

Sancho amekuwa gumzo England kutokana na soka yake.
 
Cookies are required to use this site. You must accept them to continue using the site. Learn more…