Kwa hali ilivyo, Man United haina namna. Haiwezi kukwepa matumizi makubwa ya pesa kwenye dirisha hili la usajili wa majira ya kiangazi kama inahitaji kutengeneza kikosi imara msimu ujao.
Man United inahitaji kuwa na Pauni 500 milioni ili iwe na nguvu za kuchuana na Man City na Liverpool msimu ujao. Bajeti ya usajili ya Man United kwenye dirisha hili imetajwa kuwa ni Pauni 200 milioni.
Lakini inaweza kuboresha bajeti yake hiyo kwa kuwauza mastaa wake. Na kuingiza Pauni 150 milioni kwa Pogba. Pauni 70 milioni kwa Lukaku na Pauni 65 milioni kwa De Gea.
Kuna hesabu pia za kuwapiga bei kina Marcos Rojo, Eric Bailly, Matteo Darmian ambao watamfanya Solskjaer kuboresha fungu lake kwenye kufanya usajili. Atakuwa na mkwanja unaozidi Pauni 500 milioni mkononi.
Kocha Ole anahitaji pesa hizo kusajili beki wa kati, beki wa kulia, viungo wa kati wawili, winga na mshambuliaji wa kati. Beki wa kati anamtaka Harry Maguire, Kalidou Koulibaly au Matthijs de Ligt ambao kila mmoja kumpata mkwanja wake ni Pauni 90 milioni.
Anahitaji viungo wawili wa kati, Tanguy Ndombele na Ivan Rakitic, anahitaji kuwa na Pauni 120 milioni kuwanasa wote. Akimchukua Philippe Coutinho peke yake atamgharimu Pauni 120 milioni.
Anahitaji viungo wawili wa kati, Tanguy Ndombele na Ivan Rakitic, anahitaji kuwa na Pauni 120 milioni kuwanasa wote. Akimchukua Philippe Coutinho peke yake atamgharimu Pauni 120 milioni.
Winga anamhitaji Daniel James, ambaye anaweza kumgharimu Pauni 30 milioni tu, Paul Dybala Pauni 100 milioni, Gareth Bale Pauni 90 milioni. Lakini anaweza kumnasa Ivan Perisic kwenye dili la Lukaku kwenda Inter.
Staa ambaye ataigharimu pesa nyingi zaidi ni Neymar. Bila shaka atahitajika kulipa zaidi ya Pauni 200 milioni kwa mchezaji huyo. Man United inamsaka pia Nicolas Pepe, ambaye saini yake ina thamani ya Pauni 60 milioni tu.
Anamtaka beki wa kulia, Aaron Wan-Bissaka. Akiamua kubaki na mabeki wa kikosi chake kwa sasa kisha kuwasajili Ndombele, Rakitic, Pepe, Dybala na Neymar, basi hapo atakuwa ametumia Pauni 480 milioni kama atawanasa kwa bei iliyotajwa.
Lakini, akiamua kuwabeba Maguire, Ndombele, Rakitic, James, Pepe atakuwa na chenji kibao imebaki ya kumchukua staa mmoja wa maana kama vile Neymar kwenye kikosi chake.
Lakini, akiamua kuwabeba Maguire, Ndombele, Rakitic, James, Pepe atakuwa na chenji kibao imebaki ya kumchukua staa mmoja wa maana kama vile Neymar kwenye kikosi chake.