Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Unaposikia au unapogundua kuwa rafiki yako anakusema vibaya kwa wengine wakati anapokuwa na wewe anajifanya malaika. Labda mmezoea kuongea mengi pamoja lakini baadaye unakuja kugundua yote hayo mliyokuwa mnaongea yeye anaongea kinyume akiwa na wengine na labda sio tu anaongea kinyume, yamkini anakupinga na hata kusema vibaya kuhusu wewe.
 
Unapohisi au unapogundua rafiki yako anakupinga au kukuonea wivu kwenye mambo fulani. Yamkini kuna mambo mnafanya kwenye ushirikiano wenu, tena mnafanya ukijua mnapendana, lakini kuna wakati unaona vijidalili vya kukuonyesha kuwa huyu unayedhania ni rafiki yako mara kwa mara hakubaliani na badhi ya vitu unavyoviwaza au kuvipendekeza na zaidi ya hapo kuna hali ya kukuonea wivu kwenye baadhi ya vitu kwenye maisha yako.
 
Upohisi au kugundua nia yake ya kutamani kupata zaidi yako. Inatokea kuna vitu mnavipanga au kuviongelea katika miradi au mikakati ya kimaisha, lakini katika hali zote mnazohusiana kwazo unakuja kugundua anapenyeza kwa wazi au kwa sirisiri kiu yake ya kupata zaidi yako, kiu yake ya kukushinda, kiu yake ya kukuongoza, kiu yake ya kuwa mbele zaidi yako.
 
Kwa mfano mnataka kufungua kampuni, labda lilikuwa wazo lako lakini yeye anafanya juu chini awe kiongozi, au mtu wa kusimamia fedha. Labda mnampango wa kukutana na watu fulani wa muhimu katika mikakati fulani, ghafla anakwambia ameshaonana nao na wameongea bila hata wewe kujua, ukimuuliza anakwambia alihisi wewe utakuwa umebanwa akaamua kufanya ili aje kukupa taarifa. Hali hii sio ya kutaka kukusaidia bali kukufunika. Nia yake hii niyauovu kabisa. Kuwa macho sana.
 
Unapohisi au kugundua kuwa ushauri anaokupa sio wa kukusaidia bali wa kukukwamisha huko mbeleni. Mara nyingine unaona wazi kuwa anakushauri, tena ushauri mzuri, ukidhani nia yake ni kuona unapenya kwenye maisha, hii ni kwasababu haujafungua macho yako vema, kila unapofuata ushauri wake mambo hayaendi.
 
Unakuja kugundua kuwa ushauri wake sio sana kukuwezesha kupenya bali kukutega au kukufunga kamba ili ukwame hapo mbeleni. Kibaya zaidi maranyingine anakushauri katika hali ambayo ukija kukwama hapo kesho yeye anachukua fursa uliyoikosa wewe
 
Anakushauri kitu, kesho au keshokutwa biashara yako inashindwa na inakufa ghafla unaona mazingira ya yeye kuwachukua wateja wako au kulichukua soko lako. Wakati haya yanapokuja kutokea yeye haumpati tena na ukimpata na kumuuliza anaweza kukwambia kuwa yeye hakuwa na nia mbaya. Fahamu kwamba huyu alikuwa adui tokea muda sana sema wewe hukuwa macho vya kutosha.
 
IMG-20190612-WA0025.jpeg
 
Usijiachilie sana na kuwa wazi sana kwa mtu huyu. Sio eti kila unachosikia au kuwanacho moyoni ndiyo yeye wa kwanza kuitwa na kuambiwa. Sio eti siri unayoiona ina mhitaji mtu wako wa karibu ndiye yeye unampigia simu akushauri na unamfunulia moyo wako. Chunga sana, unaweza kujikuta unamwalika joka ndani ya uvungu wako
 
Pima ushauri wake na ikiwezekana uliza mtu mwingine pia. Sisemi kwamba ukatae kila anachokushauri, lakini maadam kuna taa nyekundu imeshaanza kukuwaka ndani ya moyo wako kuhusu yeye, basi kila ushauri akupao usiuchukue mzimamzima na kuuweka kwenye matendo, tafuta mtu wa pili au watatu mweleze uone kama majibu au ushauri unaoupata kwingine unalandana na ule aliokupa yule rafiki umhofuye.
 
Back
Top Bottom