5. Busu hujenga mapenzi zaidi, huongeza mapenzi ya dhati
Tendo la busu huwafanya wanandoa kuwa katika hali ya umoja zaidi kihisia. Hali hiyo huwaongezea upendo moyoni kwa kuwa tendo hilo huongea zaidi ya maneno na ndio maana wakati wa tendo hilo ukimya hutawala na hisia huongea zaidi.
Profesa Mmoja aitwae Dawn Maslar aliwahi kusema kuwa ‘tunawabusu tunaowapenda, na tunawapenda tunaowabusu’. Mbusu mkeo/mmeo kwa dhati uwe katika nafasi ya kuongeza na kuimarisha mapenzi yenu.
Hata hivyo, unapaswa kuchukua tahadhari na kuwa na busara pale unapotaka kufanya tendo la busu na mwenzi wako kwa kuwa tendo hili kwa utamaduni wa kiafrika huhitaji ‘faragha’ na huleta ukakasi linapofanyika hadharani.
Kumbuka ni muhimu sana kuwa mwaminifu kwa mtu unaembusu, mbusu mwenzi wako pekee kwa kuwa kuna magonjwa mengi yanayosambaa kutokana na tendo hili vikiwemo virusi vya ukimwi. Mshauri mwenzi wako atunze vyema kinywa chake kwa kuzingatia kusugua meno kwa usahihi kila baada ya kula.