PSG ilikuwa inajulikana kwamba ingeondoka na ushindi kwenye Uwanja wa Auguste-Delaune lakini hakuna aliyetegemea kwamba pasi ya tako aliyotoa Neymar ndiyo ingeteka mjadala wote baada ya filimbi ya mwisho.
Mshambuliaji huyo alipewa kadi, lakini usiku huo PSG iliondoka na ushindi 3-0, hata hivyo pasi ya makalio na kushika mpira vilivyofanywa na Neymar na Mbappe ndivyo vilivyokuwa mjadala kwa mashabiki wa soka Ufaransa.
Kocha wa Tottenham Spurs, Jose Mourinho amelalamikia majeruhi katika kikosi wakati timu yake ikipata ushindi wake wa kwanza wa mabao 2-1 mwaka huu dhidi ya vibonde wa ligi Norwich.
Spurs imekuwa ikipata wakati mgumu kupata mabao tangu alipoumia Harry Kane, lakini wamemaliza ukame wa kucheza mechi tatu bila ya kufunga wakati Dele Alli alipofunga bao la kuongoza kabla ya mapumziko.
Wenyeji Spurs walipata pigo kwa kuumia kwa Harry Winks dakika 10, baada ya mapumziko huku Norwich ikisawazisha dakika 20, baadaye kupitia Teemu Pukki aliyefunga kwa mkwaju wa penalti iliyompita Hugo Lloris, ambaye ndiyo kwanza amerejea baada ya kukaa nje kwa miezi mitatu kutokana na tatizo la bega.
Son Heung-min alifunga bao la pili zikiwa zimebakia dakika 11 kabla ya mpira kumalizika na kuihakikishia Tottenham ushindi wa kwanza tangu walipofanya hivyo Boxing Day.
"Nikiangalia katika benchi hakuna mshambuliaji. Nililazimika kumtoa Erik Lamela kwa sababu ya uchovu, lakini nashukuru tumefanikiwa kupata bao la pili.