Vimekwenda mbali zaidi kwamba, Neymar anataka kutumia kuvunjika kwa uhusiano huo kama kigezo cha kulazimisha kuondoka Paris huku wachambuzi wa mambo wakieleza kwamba, Barca watalazimika kuvunja benki na kulipa pauni 157 milioni ili kumchukua mtu wao huyo, ambaye msimu huu amefunga mabao 16 na asisti 10 kwenye mechi 20 alizocheza.
Uhakika zaidi wa Neymar kuachana na PSG utaongezwa nguvu na vipengele kwenye mkataba wake wa sasa ambao, unamruhusu kununua muda uliobaki kwa mujibu wa kanuni za Shirikisho la Soka Duniani, FIFA. Hata hivyo, kama hilo litatokea basi Neymar atalazimika kupunguza mshahara wake wa sasa hadi 403,000 ili alingane na Messi ambaye ndiye anavuta mzigo mkubwa klabuni hapo.
Wakati mambo yakifichua, kwa upande wake Leonardo amesisistiza kuwa hakuna tatizo na Neymar amekuwa akijitoa kusaidia klabu hiyo.