Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

8. Atletico Madrid – Joao Felix

Thamani ya Kikosi: Euro 836 milioni

Thamani ya MVP: Euro 100.6 milioni

Kiangazi mwaka jana, Joao Felix aliingia kwenye historia ya kuwa mchezaji kinda aliyesajiliwa kwa mkubwa mrefu zaidi, baada ya Atletico Madrid kuvunja benki kumsajili. Baada ya kuanza vizuri maisha yake ndani ya Atletico katikati hapa alitetereka, lakini bado anaonekana kuwa ni moto wa kuotea mbali.
 
7. PSG – Kylian Mbappe

Thamani ya kikosi: Euro 979 milioni

Thamani ya MVP: Euro 265.2 milioni

Kwanza tambua hili Mbappe si mchezaji mwenye thamani kubwa zaidi Paris Saint Germain pekee bali jamaa ndiye mchezaji mwenye thamani kubwa katika klabu zote za ligi tano kubwa za Ulaya.
 
6. Man United – Marcus Rashford

Thamani ya kikosi: Euro 1 bilioni

Thamani ya MVP: Euro 134.3 milioni

Rashford msimu huu amezidi kukuza jina lake kutokana na kuanza msimu na moto hadi alipopata majeraha. Thamani yake kwa kiasi kikubwa imechangia sana kupandisha thamani ya kikosi cha Man United kwa ujumla.
 
5. Chelsea – Tammy Abraham

Thamani ya Kikosi: Euro 1 bilioni

Thamani ya MVP: Euro 103.1 milioni

Inashangaza kuona Tammy Abraham, sasa ana thamani ya zaidi ya Euro 100 milioni, wakati msimu ulipita tu alikuwa Ligi Daraja la Kwanza katika kikosi cha Aston Villa kwa mkopo. Fomu yake mbele ya lango ndiyo kwa kiasi kikubwa imepandisha thamani yake.

Mchezaji anayeshika nafasi ya pili ni zao lingine la Chelsea, Mason Mount kwa upande wake thamani yake ni Euro 94.1 milioni.
 
4. Real Madrid – Eden Hazard

Thamani ya kikosi: Euro 1.1 bilioni

Thamani ya MVP: Euro 90.3 milioni

Inashangaza kidogo kuona Real Madrid yenye utamaduni wa kujenga vikosi vya mastaa tupu mchezaji wake mwenye thamani zaidi anakuwa na thamani ya Euro 90.3 milioni.

Hazard thamani yake inaweza kupanda zaidi kama tatizo la majeraha ya mara kwa mara litamuisha maana hilo ndilo limemshusha.
 
3. Barcelona – Lionel Messi

Thamani ya kikosi: Euro 1.17 bilioni

Thamani ya MVP: Euro 125.5 milioni

Licha ya kuelekea mwisho wa maisha yake ya soka Messi bado ndiye mchezaji mwenye thamani zaidi pale Barcelona. Mshindi mara sita wa tuzo ya Ballon d’Or ndiye mfalme katika kikosi cha miamba hiyo ya Nou Camp.

Wakati huu ambao Messi anazidi kuzeeka kuna kila dalili kuwa Antoine Griezmann (Euro 123.6 milioni) ndiye atakuja kuvaa viatu vyake.
 
2. Man City – Raheem Sterling

Thamani ya kikosi: Euro 1.36 bilioni

Thamani ya MVP: Euro 223.7 milioni

Kama klabu yake, Sterling naye msimu huu kiwango chake kimekuwa kikipanda na kushuka, lakini bado ndiye mchezaji mwenye thamani kubwa zaidi katika kikosi cha Manchester City.

Gabriel Jesus (Euro 115.6 milioni) ndiye anamfuata kwa karibu zaidi Sterling katika kikosi cha Man City.
 
1. Liverpool – Mohamed Salah

Thamani ya Kikosi: Euro 1.41 bilioni

Thamani ya MVP: Euro 175.1 milioni

Hakuna cha kushangaza hapa, japokuwa Mo Salah amemzidi kidogo tu Sadio Mane (Euro 155.6 milioni). Akiwa na mabao 91 katika mechi 144 tangu arudi England itahitaji dau la kufa mtu kumng’oa staa huyo wa Kimataifa wa Misri pale Anfield.
 
Back
Top Bottom