Embe ni tunda lenye nyuzinyuzi kwa kiasi kikubwa. Nyuzinuzi zinahitajika sana katika kufanya mchakato wa metaboli (mwili kutumia vrutubisho kujipa nguvu) kwenda vizuri.
Kula embe kutakunufaisha kwa kulinda macho yako dhidi ya kudhoofu kwa misuli ya macho. Embe ni chanzo kizuri cha vitamini A ambayo ni muhimu kwa ajili ya macho.
Tunda la embe limesheheni kemikali kama vile methylgallat, astragalin, isoquercitrin, fisetin, quercetin na gallic acid ambazo kwa pamoja zinazuia kutokea kwa maradhi ya saratani. Utafiti wa hivi karibuni umebaini kuwa pectin inayopatikana kwenye maembe huvuruga utendaji kazi wa galectin 9 ambayo hupatikana kwenye seli za saratani
Madini ya potasiamu yanayopatikana kwenye embe huasidia dosari zinazosababishwa na madini ya sodiamu katika damu. Potasiuam hurekebisha nguvu ya msukumo wa damu (blood pressure) na kuufanya uwe wa kawaida.
Asidi za tartaric na malic inazopatikana kwenye embe huongeza kiwango cha alkaline mwilini. Alkaline ni muhimu kwani husaidia kuzuia maradhi ya figo pamoja na udhaifu wa mifupa. Alkaline husaidia pia kuwezesha usafirishaji wa oksijeni katika mwili mzima.
Kwa kuchanganya ujiuji wa embe, yai pamoja na kijiko kimoja cha asali, na yogurt; unaweza kupata kipodozi kizuri kwa ajili ya nywele zako. Paka mchanganyiko huu na subiri kwa muda wa dakika thelathini kabla ya kuosha nywele zako.
Kiwango cha mafuta ya lehemu kikizidi ni hatari kwa ajili ya afya ya moyo. Vitamini C pamoja na pectin inayopatikana kwenye embe huuwezesha mwili kujikinga na athari za lehemu.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.