Barcelona haitamuuza winga wa Brazil Philippe Coutinho kwa bei ya chini ya euro milioni 100 sawa na (£87m). Chelsea wamehusishwa na kiungo huyo matata wa miaka 27. (Mundo Deportivo - in Spanish)
Inter Milan wako tayari kubadilisha mkataba wa Victor Moses wa mkopo kuwa wa kudumu lakini wanataka Chelsea isitishe na mpango kutaka kumuuza winga huyo wa Nigeria wa miaka 29. (Calciomercato)
Manchester City wameanza kujadiliana na Barcelona kumhusu beki wa Portugal Nelson Semedo, 26. Mkataba huo utamjumuisha beki mwezake wa Portugal Joao Cancelo, 25, kujiunga na upande mwingine. (Sport)
Manchester United huenda isikubali ofa yoyote ya kumuuza kipa wake Dean Henderson, 23, dirisha la uhamisho litakapofunguliwa. Kipa huyo Muingereza kwa sasa yuko Sheffield United. (ESPN)
Mshambuliaji wa Aston Villa Mhispania Borja Baston, atarejea katika klabu yake ya zamani Real Zaragoza mkataba wake utakapomalizika msimu huu. Kiungo huyo wa miaka 27- alijiunga na Villa mwezi Januari. (Sport Aragon - in Spanish)
Arsenal wameripotiwa kuwasiliana na Real Madrid kuhusu uhamisho wa beki wa Uhispania Sergio Reguilon, 23, ambaye yupo Sevilla kwa mkopo. (ABC, via Star)
Mauricio Pochettino ni chaguo la kwanza la mmiliki mtarajiwa wa Newcastle kuchukuwa nafasi ya mkufunzi Steve Bruce na wako tayari kumlipa £19m kwa mwaka. (Sky Sports)
Mkufunzi wa Bayern Munich Hansi Flick amefanya mazungumzo ya simu ya dakika 30 na winga wa Manchester City na Ujerumani Leroy Sane, 24, kujadili uwezekano wa uhamisho wake. (Bild, via Goal - in German)