Kumbuka kuwa, anayeshinda yaani mshindi na anayeshindwa yaani mshinde wote wanamalengo sawa, wanataka kushinda. Lakini mmoja anashinda mwingine anashindwa.
Tatizo kubwa linalo wakumba watu wengi ni pale wanapotumia muda mwingi kufikiria malengo yao badala ya kubuni na kupanga mfumo wa namna gani watakavyo weza kutimiza hayo malengo.
Kama unamalengo ya kuwa mfanyabiashara mkubwa lazima uwe na mfumo, ni kwanamna gani utaweza kutimiza lengo lako hilo. Azisha biashara hata kama ni ndogo kiasi gani, na kuwa na lengo unalofanyia kila siku juu ya biashara hiyo, baada ya miezi kazaa utakuwa unaelekea kwenye mwelekeo mzuri wa kutimiza lengo lako.
Kama unataka kuwa mzungumzaji au muhamasishaji mzuri, anza hata kuzungumza mbele ya kio kila siku kwa dakika 10 tu, omba kujitolea hata kuzungumza na watoto, baada ya miezi sita utakuwa uko karibu kutimiza lengo lako.
Kumbuka pia, katika michezo ya olimpiki ambayo huwa inafanyika mara moja kila baada ya miaka minne, kila mwanamichezo huwa anamalengo ya kushinda medali ya dhahabu.
Lakini kinachowatofutisha wale wanaoshinda na wanaoshindwa siyo malengo, kwani kila mwanamichezo anakuwa na lengo moja tu nalo ni kushinda medali ya dhahabu.
Kama ni kufanya mazoezi kila siku kwa kiwango fulani, lazima afanye, kwani huo ndiyo mfumo unaomwezesha kujijengea utayari wa kutimiza lengo kuu la kushinda mashindano husika.