Uzi maalum wa kupeana Likes: Comment chochote upate "Like"

[Numbisa]

Aidha, maji ya uvuguvugu yanatajwa kuwa na manufaa zaidi mwilini kuliko maji baridi, na naweza kusema kwa dhati kuwa kama utazoea kila mara kila siku kunywa maji ya uvuguvugu utaagana na magonjwa.

 

[moudgulf]

 

[Numbisa]

Wataalamu wa afya wanasema kuwa maji ya uvuguvugu husaidia katika uyeyushaji wa chakula, na pia huzilinda figo pamoja na viungo mbalimbali muhimu mwilini.

 

[Numbisa]

Jambo muhimu kuzingatia ni kutambua kuwa maji ya uvuguvugu si yale ya moto, bali ni yale yaliyochemshwa na kuachwa yapoe hadi kuwa vuguvugu tayari kwa kunywa.

 

[Numbisa]

Maji hayo si ya moto kama vile chai, kwani yakiwa ya moto sana huwa na madhara kwa ngozi nyembamba ya ndani ya mdomo, ikiwemo ulimi. Lengo hapa ni kutaka kuboresha afya zetu, na si vinginevyo.

 

[Numbisa]

Hivyo, tufahamu kuwa maji baridi ya kunywa hugandisha mafuta yaliyopo ndani ya miili yetu, ikiwemo kuufanya mwili kutumia nguvu ya ziada kuyapasha joto maji hayo kabla ya kutumika mwilini.

 

[Numbisa]

Hali hiyo inapoendelea kwa muda mrefu, huweza kusababisha shinikizo la damu, kwani hukwamisha mzunguko mnyoofu wa damu mwilini; na hivyo kusababisha magonjwa mengine mengi kuibuka.

 

[Numbisa]

Na kama hali au mtindo huwa wa kunywa maji baridi haukomi, wakati fulani huko mbele huweza hata kusababisha saratani mwilini.

 

[Numbisa]

Mara nyingi utawasikia baadhi ya watu wakitaka kupewa maji ya kunywa ambayo ni baridi kama barafu za mlima Kilimanjaro, na kuhatarisha mno afya ya wahusika hao.

 

[Numbisa]

Hivyo, ni vyema sasa ambaye umesoma maarifa haya, ukaanza kuwa na tabia ya kunywa maji ya uvuguvugu ili kujiepusha na maradhi mbalimbali.

 

[Numbisa]

Washauri wa kiafya hushauri kutumia maji ya uvuguvugu yaliyotiwa limao au ndimu, ili kupunguza 'radicals' ndani ya mwili na pia kuleta ladha katika maji yenyewe.

 

[Numbisa]

FAIDA ZA KUNYWA MAJI YA UVUGUVUGU
1.Yanasaidia kupunguza uzito.
Kama unasumbuliwa na uzito wa mwili wako na ungependa kuupunguza, unashauriwa kunywa maji ya uvuguvugu, kwani huweza kuongeza joto la mwili na kuupatia mwili uwezo wa kuchoma 'calories' kwa siku nzima.

 

[Numbisa]

2. Yanaboresha mzunguko wa damu mwilini.
Mwili unapokuwa na limbikizo kubwa la mafuta (ambayo pia husababishwa na unywaji wa maji baridi), kinachotokea ni madhara mbalimbali katika afya yako.

 

[Numbisa]

Lakini unapotumia maji ya uvuguvugu, yanaenda kuyeyusha na kuondoa mwilini hiyo migando ya mafuta.

 

[Numbisa]

Hatua hii pia husaidia kuondoa sumu yote ndani ya mwili, na kuufanya mzunguko wa damu kuwa mzuri, ikiwemo kuwezesha misuli kupumzika.

 

[Numbisa]

3. Yanasaidia kuondoa mikunjo mwilini.
Hakuna mtu anayependa kuzeeka mapema kabla ya wakati wake, hali ambayo mara nyingi husababishwa na uwepo wa "sumu" mbalimbali katika miili yetu.

 

[Numbisa]

Hata hivyo, unapokunywa maji ya uvuguvugu, husaidia kuondoa sumu hizo na kuusafisha kabisa mwili wako kwa ndani.

 

[Numbisa]

Ndio maana hapo awali nimetaja kuwa, unywaji wa maji ya vuguvugu utakufanya kuagana na mgonjwa.

 

[Numbisa]

Zaidi sana yatasaidia kurejesha seli za ngozi yako, ili iwe na muonekano wa kuvutia na kuwa nyororo.

 

[Numbisa]

4. kuondoa sumu mwilini
Faida nyingine ya kunywa maji ya uvuguvugu ni kutoa sumu zilizopo kwenye mishipa yako ya fahamu, na pia kuisadia figo yako kufanya kazi yake kikamilifu.