Lakini ukweli ni kwamba njegere ni chakula muhimu mwilini hasa kwa wagonjwa wa moyo na sukari,” alisema Dk Mateljan na kuungwa mkono mtaalamu mwingine Dk Rafael Nyampiga wa jijini Dar es Salaam
Katika hali ya kawaida watu wengi wamezoea kusikia na kuambiwa kuwa Chocolate si kitu kizuri na kuna sababu nyingi za kukufanya uamini kuwa chocolate si nzuri.
Watu husema inaharibu meno, wengine hudai kuwa inasababisha kisukari na wengine huenda mbali zaidi wakidhani kuwa inaharibu ngozi kutokana na wingi wa mafuta iliyo nayo.
Ukweli ni kwamba Chocolate si mbaya kwa afya yako na hii inatokana na matokeo ya utafiti rasmi (research) ambayo yamekuja na faida hizi nne ambazo zitakufanya ule chocolate mara nyingi zaidi uwezavyo.
Chocolate nyeusi zimethibitika kuwa na uwezo wa kusaidia moyo ambao umeanza kuathirika na matatizo ambayo yanaweza kukuletea ugonjwa wa kiungo hicho muhimu kwenye mwili wa binadamu.
Watu ambao wamekuwa na kawaida ya kula chocolate walau kipande kidogo mara moja kwa siku kwa muda wa siku tano wanakuwa na uwezo wa kuwa na kinga dhidi ya kisukari kuliko wale ambao hawali chocolate kabisa.
Flavonoids ambazo zinatumika kutengeneza chocolate zina chembechembe ya vimelea (microorganisms) vinavyoweza kusaidia ngozi na kuikinga dhidi ya miale ya jua