Juventus na Paris St-Germain wameanzisha mazungumzo yanayohusu kumnunua mshambuliaji wa Brazil Neymar, 30, ambaye pia anahusishwa na Chelsea. (AS - kwa Kihispania)
Mkufunzi wa Chelsea Thomas Tuchel amewasilianq na mshambuliaji wa Manchester City na Muingereza Raheem Sterling, 27, huku kukiwa na nia ya klabu hiyo ya London.(Telegraph - usajili unahitajika)
Chelsea inawataka Sterling na winga Barcelona Mfaransa Ousmane Dembele, 25, ambaye anapatikana kwa uhamisho wa bure, huku klabu hiyo ikiwa tayari kutumia zaidi ya £150m msimu wa joto. (Mail)
Nottingham Forest wanakaribia kufikia makubaliano ya kumnunua beki wa kulia wa Liverpool Neco Williams, 21, ambaye thamani yake ni pauni milioni 15, na kiungo wa kati wa Wolves Muingereza Morgan Gibbs-White, huku mchezaji huyo mwenye umri wa miaka 22 akitarajiwa kugharimu pauni milioni 20. (Sun)
Winga wa Uingereza Malcolm Ebiowei, 18, alikataa nafasi ya kujiunga na Manchester United akipendelea kuhamia Crystal Palace kwa uhamisho wa bure kutoka Derby. (Sun)
Kiungo wa kati wa zamani wa Everton James Rodriguez, 30, ana nia ya kucheza tena Ulaya wakati Mcolombia huyo akiondoka Al-Rayyan ya Qatar. (Fabrizio Romano)
Beki Samuel Umtiti, 28, ataondoka Barcelona msimu huu wa joto, huku Girona na timu nyingine kadhaa za Serie A zikimhitaji mchezaji huyo wa kimataifa wa Ufaransa. (Ekrem Konur)
Mshambulizi wa Real Madrid na Uhispania Marco Asensio, 26, na kiungo wa kati Dani Ceballos, 25, wanatarajiwa kuondoka katika klabu hiyo msimu huu wa joto. (Marca kwa Kihispania)
Arsenal wamefikia makubaliano ya kumnunua mshambuliaji wa Manchester City na Brazil Gabriel Jesus, huku The Gunners wakipanga kulipa pauni milioni 45 kwa mchezaji huyo mwenye umri wa miaka 25. (Fabrizio Romano)
Kiungo wa kati wa Uholanzi Georginio Wijnaldum ataruhusiwa kuondoka Paris St-Germain msimu huu wa joto. Leicester City wanamtaka mchezaji huyo mwenye umri wa miaka 31, wakati Everton, Wolves na West Ham pia wanafuatilia kwa karibu hali hiyo. (90min)
Meneja wa Chelsea Thomas Tuchel ameahidiwa kusajiliwa kama wachezaji sita msimu huu na wamiliki wapya wa klabu hiyo. (Telegraph - subscription required)
Mkurugenzi wa Bayern Munich Hasan Salihamidzic anasema hakuna ukweli katika uvumi kwamba klabu hiyo ya Bundesliga inataka kumsajili mshambuliaji wa Manchester United na Ureno Cristiano Ronaldo, 37. (Sky Germany - in German)
Leeds na winga wa Brazil Raphinha, 25, amekataa ofa kutoka kwa vilabu vingine vya Premier League kwa sababu anataka kujiunga na Barcelona. (Sport - in Spanish)
Chelsea itasikiliza ofa kwa mlinda mlango wa Uhispania Kepa Arrizabalaga baada ya mchezaji huyo mwenye umri wa miaka 27 kuiambia Marca kwamba ‘’lengo lake wazi ni kucheza.’’ (Mirror)
Manchester United na Ralf Rangnick walikubali kukata uhusiano mwishoni mwa msimu uliopita kwa kiasi fulani kwa sababu ya meneja mpya Erik ten Hag kusita kufanya kazi na Mjerumani huyo katika jukumu lake la ushauri lililopendekezwa. (ESPN)
Barcelona wanatumai Tottenham inaweza kumshawishi mlinzi wa kati wa Ufaransa Clement Lenglet, 27, kuhamia Ligi ya Premia ili timu hiyo ya La Liga ianze kuwaondoa wachezaji wakati wa msimu. (ESPN)
Tottenham na Middlesbrough bado hawajaafikiana kuhusu ada ya uhamisho wa beki wa kulia wa timu ya taifa ya Uingereza chini ya umri wa miaka 21 Djed Spence, kwa kuwa timu hiyo inayoshiriki Ligi ya Mabingwa inataka takriban pauni milioni 15 pamoja na nyongeza kwa mchezaji huyo mwenye umri wa miaka 21. (Sun)
Winga wa Brazil Anthony, 22 - ambaye ana nia ya kuungana na meneja wa zamani Erik ten Hag katika Manchester United - alikosekana wakati Ajax iliporejelea mazoezi ya kujiandaa na msimu Ijumaa. (Mirror)