Dr Adam Francis
JF-Expert Member
- Aug 12, 2011
- 790
- 1,316
Tarehe Mei 28 hadi Juni 2, 1982 itakumbukwa kwa Papa John Poul II, kuwa Papa wa kwanza wa Kanisa Katoliki kutembelea taifa la Uingereza tangu mgawanyiko wa Reformation 1530, uliosababisha kuundwa kwa Kanisa la Anglikana, yaani Church of England.
Mojawapo ya matukio muhimu katika ziara hiyo ilikuwa ni mkutano wa kihistoria kati ya Papa John Poul II, mkuu wa kanisa katoliki duniani na Robert Runcie Askofu mkuu wa kanisa kuu la Canterbury, ambalo ndilo kitovu cha Kanisa la Anglikana duniani, ambapo kwa pamoja walitembelea na kufanya sala mbele ya kaburi la Thomas Becket aliyeuliwa Disemba 29, 1170 na askari wa mfalme Henry II.
Kwanini Papa na Askofu Robert Runcie, walitembelea na kusali mbele ya kaburi hilo? Thomas Becket alikuwa Askofu Mkuu wa Canterbury mwaka 1164-1170, kipindi ambacho Uingereza ilikuwa bado ikifuata imani ya Kikatoliki na ilikuwa chini ya utawala wa Henry II (1154–1189). Mwaka 1163, wawili hawa waliingia kwenye mgogoro mkali wa kisiasa, kisheria, na kidini ulioishia kwa mauaji ya Becket mwaka 1170. Kiini cha mgogoro huu ilikuwa ni kama ifuatavyo:
MOJA: Mfalme Henry alitaka kanisa liwe chini ya sheria za kifalme, kuzuia rufaa kwa Papa, na kudhibiti uteuzi wa maafisa wa kanisa kupitia Katiba ya Clarendon (1164). Becket alikataa, akisimamia "uhuru wa kanisa".
MBILI; Henry alitaka makasisi waliotuhumiwa kwa uhalifu wa kiraia kuhukumiwa na korti za kifalme kupitia sheria ya Criminous Clerks. Becket alipinga, akisema kanisa pekee ndilo lililokuwa na mamlaka ya kuwahukumu.
TATU: Becket alipinga kodi za kifalme kwa makasisi
Baada ya kuona Askofu Thomas Becket amekuwa kero kwake, Mfalme II aliwaambia askari wake "Will no one rid me of this turbulent priest?" Desemba 29, 1170, askari wanne walikwenda Canterbury na kumuua Becket kwa upanga ndani ya kanisa wakati ibada ya jioni inafanyika. Thomas Becket Alitangazwa mtakatifu na Papa Alexander III mwaka 1173.
Mwaka 1174 baada shinikizo kubwa kutoka kwa Papa Alexander III na umma wa Kikristo, Henry II alisafiri hadi Canterbury Cathedral, mahali ambapo Becket aliuawa, akiwa mguu peku, akiwa na mavazi ya toba ya kanzu ya kitawa, na alikubali kupigwa mijeledi na watawa kama ishara ya kutubu. Aidha Henry alikubali kuachana na baadhi ya mamlaka yake dhidi ya Kanisa, na kuruhusu baadhi ya haki za kanisa ambazo alikuwa akizizuia kabla ya mauaji ya Becket.
Msimamo wa Injili juu ya uhusiano wa kanisa na serikali ni "Mlipeni Kaisari yaliyo ya Kaisari, na Mungu yaliyo ya Mungu" (Mathayo 22:21). Katika Napoleonic Code 1804 tunasoma "Faith is beyond the reach of the law. It is the most personal possession of man, and no one has the right to demand an account for it."
Mojawapo ya matukio muhimu katika ziara hiyo ilikuwa ni mkutano wa kihistoria kati ya Papa John Poul II, mkuu wa kanisa katoliki duniani na Robert Runcie Askofu mkuu wa kanisa kuu la Canterbury, ambalo ndilo kitovu cha Kanisa la Anglikana duniani, ambapo kwa pamoja walitembelea na kufanya sala mbele ya kaburi la Thomas Becket aliyeuliwa Disemba 29, 1170 na askari wa mfalme Henry II.
Kwanini Papa na Askofu Robert Runcie, walitembelea na kusali mbele ya kaburi hilo? Thomas Becket alikuwa Askofu Mkuu wa Canterbury mwaka 1164-1170, kipindi ambacho Uingereza ilikuwa bado ikifuata imani ya Kikatoliki na ilikuwa chini ya utawala wa Henry II (1154–1189). Mwaka 1163, wawili hawa waliingia kwenye mgogoro mkali wa kisiasa, kisheria, na kidini ulioishia kwa mauaji ya Becket mwaka 1170. Kiini cha mgogoro huu ilikuwa ni kama ifuatavyo:
MOJA: Mfalme Henry alitaka kanisa liwe chini ya sheria za kifalme, kuzuia rufaa kwa Papa, na kudhibiti uteuzi wa maafisa wa kanisa kupitia Katiba ya Clarendon (1164). Becket alikataa, akisimamia "uhuru wa kanisa".
MBILI; Henry alitaka makasisi waliotuhumiwa kwa uhalifu wa kiraia kuhukumiwa na korti za kifalme kupitia sheria ya Criminous Clerks. Becket alipinga, akisema kanisa pekee ndilo lililokuwa na mamlaka ya kuwahukumu.
TATU: Becket alipinga kodi za kifalme kwa makasisi
Baada ya kuona Askofu Thomas Becket amekuwa kero kwake, Mfalme II aliwaambia askari wake "Will no one rid me of this turbulent priest?" Desemba 29, 1170, askari wanne walikwenda Canterbury na kumuua Becket kwa upanga ndani ya kanisa wakati ibada ya jioni inafanyika. Thomas Becket Alitangazwa mtakatifu na Papa Alexander III mwaka 1173.
Mwaka 1174 baada shinikizo kubwa kutoka kwa Papa Alexander III na umma wa Kikristo, Henry II alisafiri hadi Canterbury Cathedral, mahali ambapo Becket aliuawa, akiwa mguu peku, akiwa na mavazi ya toba ya kanzu ya kitawa, na alikubali kupigwa mijeledi na watawa kama ishara ya kutubu. Aidha Henry alikubali kuachana na baadhi ya mamlaka yake dhidi ya Kanisa, na kuruhusu baadhi ya haki za kanisa ambazo alikuwa akizizuia kabla ya mauaji ya Becket.
Msimamo wa Injili juu ya uhusiano wa kanisa na serikali ni "Mlipeni Kaisari yaliyo ya Kaisari, na Mungu yaliyo ya Mungu" (Mathayo 22:21). Katika Napoleonic Code 1804 tunasoma "Faith is beyond the reach of the law. It is the most personal possession of man, and no one has the right to demand an account for it."