Nyuma ya UN
Waombee tu viongozi, si kwamba nao wanapenda uchafu
Shida ni umoja huu unaoitwa "UN" ukijiunga nao tambua unaziweka sheria zako (za nchi) kibindoni. Ni kwamba sheria za kimataifa zipo juu ya sheria za nchi husika. Sharti kila mwanachama ale kiapo cha kulinda haki za binadamu, hali kadhalika elimu ya kimataifa, afya ya kimataifa nk.
Ndio maana viongozi wanapata kigugumizi linapokuja suala la LGBTQ, utaona kana kwamba wanalipinga hivi kwa mdomo huku wakitumia tafsida nyingi. Jua hapo wanafanya siasa lakini wakiwa huko wanapiga kimya na kuonesha ni watii wa sheria za kimataifa. Karibu nchi zote duniani zinasheria kali dhidi ya ushoga, kwa Tanzania ni jinai kabisa lakini kamwe huwezi sikia shoga/msagaji kakamatwa. Tunawaona humu wakijiachia na kujiuza kabisa bila wasiwasi, ni kwasababu wanalindwa na sheria za kimataifa.
Nikukumbushe, miaka kadhaa iliyopita, wakati wa utawala wa Magufuli ambaye si tu kwa kauli alionesha kwa matendo kupinga ushoga, bali kupitia mkuu wa Mkoa wa Dar es salaam wa wakati huo naam bwana Makonda alitangaza msako wa mashoga. Wengi hasa wananchi walimuunga mkono kwa jitihada hizo nzuri. Lakini matokeo yake, ni UN ikawaka moto kwamba TZ inakanyaga haki za binadamu, hapo hapo Marekani na nchi za magharibi zikatangaza kuwa Tanzania si salama kwa makundi maalum, na zaidi wakaamuru watu wao (mashoga) waondoke Tanzania.
Msukumo (pressure) ukawa mkali kiasi cha wahisani wa uchumi kutishia kujiondoa. Serikali ikafanya jambo la ajabu, ikamtoa kafara Makonda kwa madai ni jambo lake binafsi na si msimamo wa serikali. Kauli hiyo ilitolewa bungeni na waziri wa mambo ya nje bwana Maige, pia waziri wa mambo ya ndani bwana Kangi Lugoe naye akatoa tamko kuwa mashoga wapo salama kabisa na wanalindwa. Mchezo ukabakia kwa Makonda ambaye aliwekewa vikwazo vya kuingia USA na baadhi ya nchi za Ulaya. Na game likawa over hadi leo hivi.
Hivyo basi jaribu kutofautisha siasa na mambo halisi. Marais hasa wa nchi za ulimwengu wa pili na watatu hawana nguvu ya kwenda tofauti na sheria za kimataifa. Kumbuka UN ndio ilitoa kibali cha kuingilia mambo ya ndani ya Libya kwa kivuli cha haki za binadamu. Leo elewa kuwa UN ni zaidi ya umoja ni chombo chenye nguvu kinachoendeshwa na watu wenye nguvu wasiojulikana. Kujiunga ni rahisi lakini kujitoa ni mtihani. Trump alijaribu kujitoa WHO (shirika la afya la UN) alikutwa na mabaya ya kutosha. Ingawa inaonekana kana kwamba UN ni chombo cha west hususani USA lakini kiukweli si chombo rafiki kwa katiba ya Marekani wala kwa Wamarekani. Ni kweli mataifa makubwa kama Marekani, Urusi, China, Uingereza na Ufaransa yanaonekana kama yana msimamo binafsi fulani fulani juu ya mambo yao ya ndani lakini pia yanaathirika kwa namna moja ama nyingine kwa sheria za UN. Maana mataikuni wa UN ni wenye nguvu nyingi (more powerful) wasiofungwa na mipaka, na lengo lao ni kuunda super power ya ulimwengu (global goverment) ikitawaliwa na wao. Na kama hujui basi leo tambua kuwa,
Lengo kuu la UN ni kufikia serikali moja ya dunia. Uchumi mmoja wa dunia. Dini moja ya dunia. Na WEF ndio chombo mkakati cha UN cha kutimiza malengo hayo, na mataifa yote yamekipokea chombo hicho na kutimiza matakwa yake.