Damaso
JF-Expert Member
- Jul 18, 2018
- 6,236
- 10,774
Kumekuwa na wimbi jipya katika mitandao ya kijamii wiki hii, likimhusisha binti mahiri wa soka, Vivienne Theresa Upendo Lia, ambaye baadhi ya Watanzania wameanza kudai ni “Mtanzania” kwa sababu tu jina lake lina sauti ya Kiafrika ama kibantu. Lakini ukweli ni tofauti kabisa. Vivienne ni Mwingereza halisi, mzaliwa na mkazi wa Uingereza, anayeichezea timu ya taifa ya wanawake ya Uingereza U19, baada ya kung’ara pia katika kikosi cha Uingereza U17 kati ya mwaka 2022 na 2023.
Hata hivyo, taarifa hizi potofu zinaendelea kuibua mjadala mpana kuhusu utamaduni wa watanzania “kudai” mafanikio ya watu wengine wenye asili ya mbali tu na nchi yetu. Hii tabia, kwa hakika, inaonyesha namna tunavyohangaika kutafuta fahari ya kitaifa bila kuwekeza vya kutosha katika kukuza vipaji vyetu wenyewe.
Binti Vivienne amelelewa, kusomeshwa, kufundishwa na kulelewa na mfumo wa soka wa Uingereza sio Tanzania, amepata kulelewa na Shirikisho la FA sio TFF. Kila hatua aliyopiga ni matokeo ya juhudi na uwekezaji wa taifa la Uingereza na sio Tanzania.
Ni kweli, jina lake linaweza kuwa na asili fulani ya Kiafrika, labda kupitia mababu zake, lakini hilo halitoshi kumfanya kuwa Mtanzania. Utaifa ni zaidi ya jina; ni malezi, ni uzalendo, ni mahali mtu alikulia na anapolipigania taifa lake. Vivienne mwenyewe ni mwanamke ambaye anachipukia kutoka ndani ya soka la wanawake la Uingereza, anayejivunia kuwakilisha bendera yake ya Uingereza – na anayo haki ya kufanya hivyo.
Badala ya kutumia muda kudai na kulazimisha utambulisho wa Vivienne, tunapaswa kuulizana maswali yafuatayo: tunawekeza vipi katika Vivienne wetu hapa nyumbani? Wakina Vivienne waliopo JKT Queens pamoja na timu za wadada za Simba na Yanga.
Kuna wadada wengi wenye vipaji vya soka, muziki na sanaa, lakini wanakosa fursa, vifaa, au motisha. Kama tungewekeza nguvu hizo tunazotumia kushangilia mafanikio ya wengine, labda tungekuwa tunasikia majina ya “Vivienne wa Kitanzania” yakitikisa dunia.
Vivienne ni mfano wa mafanikio kupitia mfumo thabiti wa malezi ya vipaji. Tumuachie abaki na Uingereza wake acheze mpira wake na apate mafanikio yake, na sisi tujifunze namna ya kujenga mazingira yatakayowawezesha watoto wetu kufikia kiwango kama chake – kwa jina, kwa bendera, na kwa fahari ya kweli ya Tanzania.
Hata hivyo, taarifa hizi potofu zinaendelea kuibua mjadala mpana kuhusu utamaduni wa watanzania “kudai” mafanikio ya watu wengine wenye asili ya mbali tu na nchi yetu. Hii tabia, kwa hakika, inaonyesha namna tunavyohangaika kutafuta fahari ya kitaifa bila kuwekeza vya kutosha katika kukuza vipaji vyetu wenyewe.
Binti Vivienne amelelewa, kusomeshwa, kufundishwa na kulelewa na mfumo wa soka wa Uingereza sio Tanzania, amepata kulelewa na Shirikisho la FA sio TFF. Kila hatua aliyopiga ni matokeo ya juhudi na uwekezaji wa taifa la Uingereza na sio Tanzania.
Ni kweli, jina lake linaweza kuwa na asili fulani ya Kiafrika, labda kupitia mababu zake, lakini hilo halitoshi kumfanya kuwa Mtanzania. Utaifa ni zaidi ya jina; ni malezi, ni uzalendo, ni mahali mtu alikulia na anapolipigania taifa lake. Vivienne mwenyewe ni mwanamke ambaye anachipukia kutoka ndani ya soka la wanawake la Uingereza, anayejivunia kuwakilisha bendera yake ya Uingereza – na anayo haki ya kufanya hivyo.
Badala ya kutumia muda kudai na kulazimisha utambulisho wa Vivienne, tunapaswa kuulizana maswali yafuatayo: tunawekeza vipi katika Vivienne wetu hapa nyumbani? Wakina Vivienne waliopo JKT Queens pamoja na timu za wadada za Simba na Yanga.
Kuna wadada wengi wenye vipaji vya soka, muziki na sanaa, lakini wanakosa fursa, vifaa, au motisha. Kama tungewekeza nguvu hizo tunazotumia kushangilia mafanikio ya wengine, labda tungekuwa tunasikia majina ya “Vivienne wa Kitanzania” yakitikisa dunia.
Vivienne ni mfano wa mafanikio kupitia mfumo thabiti wa malezi ya vipaji. Tumuachie abaki na Uingereza wake acheze mpira wake na apate mafanikio yake, na sisi tujifunze namna ya kujenga mazingira yatakayowawezesha watoto wetu kufikia kiwango kama chake – kwa jina, kwa bendera, na kwa fahari ya kweli ya Tanzania.