Habari zenu,
Juzi nilikuwa salon nikijipendezesha nywele zangu na kucha. Aliingia mdada mmoja yuko smart tu, kapendeza kisha akaulizia huduma za kusuka, then akaanzwa kwa kukwanguliwa mba, akaoshwa nywele kisha akachagua nywele ya kusuka na kuanzwa kusukwa.
Akaomba aende msalani so akaonywesha toi akaenda, hapa wengi mtadhania alitokomea but no! no! Alikwenda msalani na kisha kurudi kusukwa kuliendelea ikabakia mikia ya rasta kuwekwa maji ya moto but akasema anaenda msalani mara moja, dakika zikapita mara masaa, kwenda kumwangalia kumbe alishatokea kwa mlango wa nyuma na kusepa.
Mwenye salon kurudi ndani kuangalia kama aliacha chochote akaiona handbag ya rangi nyeupe na nyekundu, pochi yenyewe ilikuwa imechoka kuiangalia ndani hakuna kitu yani peupe ndani, Mwenye salon mbona alichoka.
Yani mtu ukwanguliwe mba, uoshe nywele kisha usukwe halafu ukimbie na pesa ya watu. Haikuishia hapo kumbe alikunywa na juice akisema, “nichukulieni na mimi juice tutakatana kwenye kusukana” Wadada jamani wacheni wizi, watu wanatafuta rizki nyinyi mnakuja mnawakatisha tamaa.
Zote hizi ni tamaa za maisha, mtu unataka kupendeza huna hela unaanza kuwa Jambazi.
Mtaumizwa…
