Wananchi Kondoa Watoa Madai Kuhusu Kutokuwepo Kwa Mbunge Jimboni

[DodomaTZ]

Baadhi ya wananchi wa Jimbo la Kondoa Mjini, Dodoma wameeleza hisia na madai mbalimbali kuhusu kutokuwepo kwa Mbunge wao katika shughuli za jimbo, huku taarifa zisizothibitishwa zikisambaa katika baadhi ya makundi ya mitandao ya kijamii

Mjadala huo umeibuka katika baadhi ya makundi ya WhatsApp yanayohusisha wakazi wa Kondoa na maeneo ya jirani, ambapo baadhi ya washiriki wameeleza kufurahishwa na kutokuwepo kwa mbunge huyo jimboni.

Hata hivyo, hadi sasa madai kwamba mbunge huyo yuko wapi haijabainika

Baadhi ya wananchi waliozungumza katika mijadala hiyo wameeleza kuwa kutokuwepo kwa mbunge huyo kumewafanya kuibua maswali kuhusu mwenendo wake wa kisiasa na uhusiano wake na wananchi wa jimbo hilo.

Wananchi hao pia wamekosoa kauli wanazodai kuwa mbunge huyo amekuwa akizitoa katika mikutano yake ya hadhara, ikiwemo kutumia majina ambayo wameyaona kuwa ya kudhalilisha wananchi. Wamedai kuwa baadhi ya kauli hizo ziliwahi kutolewa wakati wa ziara ya Waziri Mkuu mjini Kondoa.

Katika mijadala hiyo, baadhi ya wananchi pia wameomba chama husika kufanya uchunguzi kuhusu mwenendo wa mbunge huyo na namna alivyopatikana katika nafasi hiyo, wakidai kuwa kulikuwa na malalamiko na mvutano wakati wa mchakato wa uchaguzi.

Wakati huo huo, baadhi ya madai mengine yanayosambaa katika mitandao ya kijamii yanahusisha mbunge huyo na matukio yanayodaiwa kuhusisha watoto wa wananchi. Madai hayo hayajawekwa wazi kwa ushahidi unaoweza kuthibitishwa, hivyo hayawezi kuchukuliwa kuwa ni ukweli bila uchunguzi na taarifa rasmi kutoka mamlaka zinazohusika.

Hadi wakati wa kuandaa habari hii, haijathibitishwa rasmi ikiwa mbunge huyo yuko wapi.

 

[kawombe]

Hii ndio CCM ninayo ijua mm.
Kazi ni kipimo cha utu

 

[Boss la DP World]

Mbunge yupi? Wao walifanya uchaguzi?