Kwani mzee wangu wazee wa TANU na ASP wewe unajua wapo wangapi Tanzania nzima mzee wangu???Wewe ukija utatambulishwa na wanakufahamu utawaona na usiowafahamu utawaona!!!Nimekuomba uwe na haiba ya mwanafunzi mwema ambayo ni subira
😝😝😝😝😝😆😆
Waalikwa wengine wa darasa letu watatoka vyama vya ACT wazalendo na CUF mzee wangu!!!Darasa letu ni kwa minajili ya kujifunza sio mizaha ya kisiasa mzee wangu!!!Natumaini umenielewa
Darasa sio hapa kuna sehemu inaandaliwa na ninaalika pia wanazuoni wa kidini na wazee wa ASP na TANU na ACT Wazalendo na CUF!!!!Usiwe na haraka nimekwambia uwe radhi kufundishika usijali!!
😜😜😜😜😜😜😜
Hanga aliuliwa na nani mzee wangu ebu tujuze????
Gavana,
Gavana,
Nimefanya uchambuzi kidogo kuhusu waandishi wa historia ya Zanzibar.
Hayo hao chini ni maneno niliyoandika katika uchambuzi wa kitabu cha Khamis Abdulla Ameir, ''Maisha Yangu.'':
''Waandishi wa historia ya mapinduzi ya Zanzibar wamegawanyika katika makundi manne.
Kundi la kwanza ni kundi la waandishi wasomi kutoka nje, Ulaya na Marekani. Kwa muda mrefu uandishi wa historia ya mapinduzi ya Zanzibar ulitawaliwa na waandishi wageni wakiandika historia ambayo hawakupata kuishi ndani yake wakiandika kwa kutegemea utafiti.
Waandishi hawa wameandika historia za watu ambao hawakupata kuwaona wala kuwajua si kwa mbali wala kwa karibu.
Kipindi hiki kilianza mara tu baada ya mapinduzi.
Kundi la pili ni la waandishi Wazanzibari wenyewe ambao nimewapa jina, ‘’Waandishi Mapinduzi Daima’’ na nimewaongezea jina lingine la Kiingereza nawaita ‘’Waandishi ‘’Pick and Choose,’’ yaani kalamu zao zinachagua kuandika yale yanayowapendeza wao na viongozi wa serikali inayoongozwa na Baraza la Mapinduzi.
Waandishi hawa wanaweza kuandika historia ya muungano wa Tanganyika na Zanzibar kwa sentensi mbili ikawa kamaliza kila kitu.
Bahati mbaya sana historia ya waandishi hawa ndiyo kwa miaka mingi imekuwa historia rasmi ya mapinduzi ya Zanzibar.
Baada ya waandishi hawa na baada ya kipindi kirefu kupita likaja kundi la tatu kundi la ‘’Waandishi Mavamazi,’’ ikiwa na maana kuwa wao msimamo wao ni kuwa hapakuwa na mapinduzi bali mavamizi ya Tanganyika kuivamia Zanzibar kwa silaha wakitumia mamluki wa Kimakonde kutoka Kipumbwi, shamba la mkonge la Sakura Tanga kuongoza na kuongeza nguvu ya wanamapinduzi wa Zanzibar kupindua serikali halali.
Waandishi hawa wameandika historia ya mapinduzi wakiwa wamehama Zanzibar miaka mingi iliyopita baada ya mapinduzi na ikiwa unapenda, ‘’mavamizi.’’
Waandishi hawa wamejitahidi sana kuondoa pazia la usiri uliokuwa umegubika mengi yaliyopitika katika mapinduzi.
Hawa wameeleza jela za mateso na mauaji kuwa sehemu ya uendeshaji na utawala wa serikali ya Baraza la Mapinduzi.
Hawa ‘’Waandishi Mavamizi,’’ wamekwenda hatua moja mbele kwa kuongeza simulizi juu ya uandishi wa vitabu.
Simulizi hizi zimeweka wazi mengi katika mapinduzi kupita vitabu vyote vilivyoandikwa kabla.
Kwa kuhitimisha nukta hii ningependa kuchomekeza hapa kuwa Khamis Abdulla Ameir juu ya kuwa na mengi katika historia ya mapinduzi katika kitabu chake anasema hana taarifa ya Wamakonde walioingia Zanzibar kusaidia kupindua serikali ya ZNP/ZPPP.
Mwisho kwa sasa ni kundi la nne la waandishi niliowapa jina, ‘’Waandishi Wasahihishaji,’’ ambao hawa wamejaribu kuweka wazi kila kitu katika historia ya mapinduzi ya Zanzibar ili yaeleweke yote yaliyopitika ambayo waandishi waliotangulia hawakuyaandika ama kwa kutoyajua au kwa kuyaficha.
Mlango wa staili ya uandishi huu ulifunguliwa mwaka wa 2010 na Dr. Harith Ghassany kupitia kitabu chake, ‘’Kwaheri Ukoloni Kwaheri Uhuru.’’
Baada ya kitabu cha Dr. Harith Ghassany pakapiga ukimya kwa ‘’Waandishi Wasahihishaji,’’ hadi alipotokea Hashil Seif na kitabu chake, ‘’Mimi Umma Party na Mapinduzi ya Zanzibar.’’
Baada ya kitabu hiki ndiyo ameingia Khamis Abdulla Ameir na kitabu hiki ‘’Maisha Yangu.’’
Nimebahatika kujuana na baadhi ya waandishi wa historia ya Zanzibar na nimefanyanao mazungumzo kuhusu mapinduzi.
Nimejifunza mengi kutoka kwao.
Hapa ndipo ilipo tofauti kubwa sana kati ya baadhi yetu na hawa waandishi wengine hapa ambao wao hawakujaaliwa kuwa na uhusiano wowote na historia hii.
Hii ndiyo sababu unaona hata lugha zao wanapozungumza kuhusu mapinduzi zimetoka staha kiasi wakati mwingine wanatukana khasa.
Hapo chini ni baadhi ya vitabu ambavyo viko katika Maktaba yangu:
View attachment 2507203
View attachment 2507210
Michael Lofchie
University of Iowa 2011
(Zanzibar: Background to Revolution (1965)
View attachment 2507214
Kushoto Sheikh Ali Muhsin
Muscat
Conflicts and Harmony in Zanzibar (1997)
Khamis Abdulla Ameir
Zanzibar 2021
(Maisha Yangu (2020)
View attachment 2507220
Dr. Harith Ghassany
Muscat 2015
(Kwaheri Ukoloni Kwaheri Uhuru 2010)
Gavana,
Nelson...
Nelson...
Nelson...
mohamedsaidsalum.blogspot.com
Basi tufanye utaratibu na kwenye darasa bibi yetu mama maria audhurie kidogo!!!!Ngoja nione tunafanyaje kuhusu yeye!!!!Lakini kuna vingi tuu unapaswa kujua kuhusu TANU ya enzi hizo!!!!!Bas ngoja niendeele na utaratibu wa kuandaa darasa letu na kuomba vibali na itafaki za kiserikali na sheria za nchi tuzingatie!!!Kua na subira mzee wanguNelson...
Nelson...
BAADA YA KIFO CHA BILAL WAIKELA WANACHAMA WA TANU ILE YA 1954 WAMEBAKIA WANGAPI?
Mimi nina hesabu yangu ya wanachama wa TANU ile ya New Street mwaka wa 1954.
Hadi leo sasa ni miaka 68 imetimia toka kuundwa kwa TANU.
Fikra hii ya kutaka kuwajua wanachama wa TANU wa 1954 imenijia baada ya kila mtafiti anaekuja kunihoji na wakati wengine watu wa vyombo vya habari huwa wananipa maswali ambayo huwaambia kuwa watapata historia ya uhakika sana endapo watapata kuzungumza na Mama Maria Nyerere.
Huwaeleza hawa hivyo kwa sababu wao wanavutiwa sana na zile ziku za mwanzo a kuunda TANU wakati Julius Nyerere kafika Dar es Salaam na kakutana na Abdul Sykes.
Mama Maria na mumewe wote walikuwa karibu mno na Abdul Sykes mkewe Bi. Mwamvua Mrisho kwa hiyo wana mengi katika siku zile za mwanzo za kuunda TANU.
Historia hii ya Nyerere na Abdul Sykes imewavutia watu wengi sana.
Bahati mbaya mwaka wa 1952 ndiyo mwaka niliozaliwa mimi na huwaeleza wanaonihoji ukweli huu na huwaambia mwaka huo ndiyo mwaka baba yangu anamtia Nyerere machoni kamkuta nyumbani kwa Abdul Sykes Mtaa wa Stanley na Sikukuu.
Huwaambia ikiwa nyie mnataka historia hii kwa ukamilifu kabisa kwa nini hamuombi kuonana na Mama Maria?
Siku hizi Abbas Sykes alikuwa hai lakini mengi aliyoona Abbas Sykes nilikuwa nayajua kwa yeye na nimeyaeleza yanafahamika.
Ndipo siku moja nikajiuliza kwani hawa wanachama wa TANU ya 1954 wamebakia wangapi?
Nikawa najisemeza mwenyewe na kuanza kuwahesabu wale ambao mimi nawajua.
Mwalimu Nyerere alikuwa keshafariki mwaka wa 1999 na hapa ikanijia siku nilipokwenda kumpa pole Balozi Abbas Sykes nyumbani kwale alipotoka London kuchukua mwili wa Mwalimu Nyerere baada ya kifo chake.
Abbas Sykes alimjua Nyerere toka siku ya kwanza alipofika nyumbani kwao na wamekuwa pamoja uhai wao wote.
Katika ndege ile ATC iliyobeba mwili wa Baba wa Taifa, Mwalimu Julius Kambarage Nyerere walikuwa wanachama watatu wa TANU ile ya 1954; Julius Nyerere ambae alikuwa keshaaga dunia, Mama Maria na Abbas Sykes.
Abbas Sykes ndiye aliyekuwa Mwenyekiti wa ATC.
Nikawa naendelea kujisemeza lazima watakuwapo wana TANU wa 1954 walio hai ambao mimi siwajui wako Dar es Salaam na kwengineko mikoani.
Lakini hawa unawapataje?
Historia a TANU yote haipo na CCM warithi wa TANU haielekei kama wanaithamini sana historia ya TANU na waasisi wake.
Kingunge Ngombale Mwiru alikuwa hai na kwa kauli yake mwenyewe anasema yeye aliingizwa TANU na Ally Sykes miaka hiyo ya mwanzo.
Akili inagota simpati mwana TANU mwingine katika wale niliopata kuwajua.
Anakuja Bilal Rehani Waikela kichwani mwangu kutoka Tabora.
Najiambia na kujiuliza kuwa hawa wanachama wa TANU 1954 sasa wanahesabika kiganjani?
Ina maana wote wameshakufa?
Wamebakia Mama Maria Nyerere, Abbas Sykes na Rehani Bilal Waikela?
Usilojua usiku wa kiza.
Kumbe hapa jirani ya nyumbani kwangu Magomeni Mapipa kuna mwana TANU 1954 jina lake Athmani Matenga.
Nilipokwenda kumuona akaniambia kuwa yeye kadi yake ya TANU kauziwa na Ali Msham kwenye tawi alilofungua nyumbani kwake Mtaa wa Jaribu.
Na haya ndiyo katika maajabu ya Allah si tu kuwa Othman Matenga yu hai hadi leo hii bali yupo pia kwenye picha ya tawi la TANU la Ali Msham ya mwaka wa 1955.
Mzee Athmani Matenga akanieleza kuwa alikwenda kumpokea Nyerere alipotoka UNO safari ya kwanza 1955 na kushiriki katika yale maandamano makubwa akiwa anaendesha pikipiki yake.
Nikawa sasa nina wanachama wa TANU 1954 wanne walio hai - Mama Maria Nyerere, Abbas Sykes, Bilal Rehani Waikela na Athmani Matenga.
Kisha siku moja ghafla nikatembelewa na Rajabu Matimbwa muasisi wa kwaya ya kwanza ya TANU New Street mwaka wa 1954.
Leo hivi ninavyoandika wana TANU 1954 baada ya kifo cha Bilal Rehani Waikela wamebakia watatu - Mama Maria Nyerere, Athmani Matenga na Rajabu Matimbwa.
Allah katuwekea wazalendo hawa ili waje kuwa mashahidi wa historia ya kweli ya chama cha TANU na harakati za kupigania uhuru wa Tanganyika.
Picha ya kwanza ni Abbas Sykes, Bilal Rehani Waikela, kulia Bi. Titi Mohamed, Maria Nyerere, Julius Nyerere, Rashid Kawawa na nyuma ya Nyerere ni Tewa Said Tewa, Othman Matenga kama alivyo hivi sasa na picha ya mwisho wa pili kushoto aiyevaa tarbush ni Othman Matenga katika ujana wake yuko katika sherehe ya TANU Tawi la Ali Msham, Magomeni Mapipa.
Hata mzee wangu Lipumba nafikiria kumwalika na Mungu angempa afya njema mzee wangu Salmin Amour ningefikiria kumwalika pia!!!Kua na amani mzee wanguNelson...
Lakini kuna historia ya upande wa pili pia!!!Bahati mbaya msimulizi wetu mzee Aman Abeid Karume hayupo hai!!!!!Simulizi waga ni za pande zaidi ya moja ili kupata ukweli mzee wanguNelson...
KUULIWA KWA ABDALLAH KASSIM HANGA
Kushoto: Abdallah Kassim Hanga, Julius Nyerere na Rais Pompidou wa Ufaransa Waliokaa Kushoto Kwenda Kulia: Abdallah Kassim Hanga na A...
Nelson...
Nelson...
Nelson...
