Nimejaribu kufuatilia huu uzi tokea jana, kwa kweli hali halisi inaonyesha jinsi gani tulivyo na ushirikiano wetu ulipofikia. Hii hali haikuja kwa bahati mbaya japo mnataka watu wajifanye kuonyesha heshima ya kinafiki kwa marehemu. Ni kweli sisi kama watanzania tunapaswa kuheshimiana na kupendana, lakini upendo gani unaojengwa siku ya msiba tu? Chama cha mapinduzi baada ya kukaa madarakani kwa muda mrefu imefikia mahali imejisahau, na imefikia mahali watu wengine wanataka kukitoa. Kwa bahati mbaya wanaccm hawakuikubali hali hii kama sehemu ya ushindani, walichofanya ni kupandikiza chuki kwenye jamii dhidi ya wapinzani kama sehemu ya kuhakikisha wanabaki madarakani. Mifano ni mingi sana, ukiwa mpinzani nchi hii unafanyia vitendo vya hujuma za waziwazi, utatukanwa na kubezwa kwa kila aina. Wanaccm wengi walio madarakani wamegeuka ni miungu watu kiasi cha kujibu na kutenda wapendavyo, hali hii imesababisha watu wa upinzani kuamua kujibu mapigo na matokeo yake ndio haya unayaona. Kwa taarifa yako huyo marehemu Mungu amlaze mahali pema peponi alikuwa ni mmojawapo ya watu waliolewa madaraka kiasi cha kujisahau. Sina tabia ya kumsema marehemu vibaya lakini hiyo hainizuii kusema ukweli. Mfano mwingine nadhani unauona kwenye majukwaa ya kampeni za ccm, tena mbele ya mgombea urais mtu anadiriki kusema mgombea mwingine alijinyea tena mbele ya watoto na watu wa jinsia na rika tofauti, hapo utalazimisha kuwe na kuheshimiana na upendo wakati wa kifo? Kuna uwezekano wa kunenepeshea ng'ombe mnadani kweli?
Kwa hiyo niwaombe ndugu zangu, badala ya kulazimisha upendo wa kinafiki wakati wa msiba ni vyema tukarebisha tabia zetu, na kuanza kuheshimiana tukiwa hai ili ikitokea msiba tuwe kitu kimoja. Tutofautiane bila kukashifiana na kudharauliana. Na ni vyema pia tukatenda haki kwa kila mmoja iwe mwanaccm au mpinzani hapo upendo utarejea. Lakini kinyume na hapo hizo huruma tunazozililia sasa hazitokaa zitokee pindi mtu mwenye mtazamo tofauti na wewe anapofariki.
