YESU ni jina la uzima, uponyaji, na ushindi juu ya giza

Meneja Wa Makampuni

JF-Expert Member
Joined
Jul 7, 2020
Posts
9,397
Reaction score
12,415
JINA LA YESU LITUKUZWE WATOTO WA MUNGU!

Watu wa Mungu walio okoka na ambao bado hawajaokoka! Leo ngoja tuzungumze juu ya Habari Njema ya Yesu Kristo, Mwana wa Mungu aliye hai! Leo natangaza habari za wokovu! Leo natangaza jina lipitalo majina yote jina la YESU KRISTO!

JINA LA YESU LINA NGUVU!
Maana maandiko yasema katika Matendo 4:12:
“Wala hakuna wokovu kwa mwingine awaye yote; kwa maana hapana jina jingine chini ya mbingu walilopewa wanadamu litupasalo kuokolewa kwalo, ila jina la Yesu!”

YESU ni jina la uzima. YESU ni jina la uponyaji. YESU ni jina la rehema. YESU ni jina la ushindi juu ya dhambi, juu ya giza, juu ya kifo!

Yesu Alikuja kwa Ajili Yako!
Yohana 3:16 yasema:
"Kwa maana Mungu aliupenda ulimwengu, hata akamtoa Mwana wake wa pekee, ili kila mtu amwaminiye asipotee, bali awe na uzima wa milele."
Yesu hakutumwa kwa matajiri tu, wala kwa watakatifu tu, wala kwa viongozi wa dini tu, alikuja kwa ajili ya mkulima, mfanya biashara, kijana wa mtaani, kahaba, mlevi, mchawi, na kila mtu! Hii ndiyo neema ya Mungu!

Yesu Alikufa Lakini Akafufuka!
Wengine walikufa wakabaki kaburini. Yesu peke yake alifufuka! Maandiko yanasema katika Luka 24:5-6:
"Mbona mnamtafuta aliye hai miongoni mwa wafu? Hayupo hapa, amefufuka!"
Yesu yu hai! Yesu si historia, YESU ni HALISI! Yuko leo kuokoa, kuponya, na kuweka huru!

Rudi kwa Yesu Leo Kabla Haijachelewa!
Ndugu yangu, dunia hii inapita. Anasa, pesa, cheo, uzinzi, bangi, pombe vyote vitakoma. Lakini roho yako ni ya thamani. Usiiuze kwa dhambi. Usicheze na wokovu. Yesu anasema katika Ufunuo 3:20:
"Tazama, nasimama mlangoni nabisha; mtu akisikia sauti yangu na kuufungua mlango, nitaingia kwake."

Leo ni siku ya wokovu. Leo ni siku ya kumfungulia Yesu mlango wa moyo wako.

Tubu na Mkabidhi Maisha Yako Leo!
Piga magoti kama unavyojisikia. Funga macho. Sema:

“Ee Bwana Yesu, najua nimekosa. Najua nimekataa sauti yako mara nyingi. Lakini leo, nimerudi. Nisamehe dhambi zangu. Nioshe kwa damu yako. Ingia moyoni mwangu. Andika jina langu katika Kitabu cha Uzima. Na kuanzia leo, nitakutumikia. Wewe ni Bwana na Mwokozi wa maisha yangu. Amina!”
 
Hakuna ushahidi wa kufufuka kwa huyo mtu.
Alihubiri hadharani
Alikamatwa hadharani
Alichapwa viboko hadharani
Alitundikwa msalaba hadharani
Alikufa hadharani

Sasa iweje walisema amefufuka ni wanafunzi na wafuasi wake tu?

Hizi ni ngano za mashariki ya kati
 
Yesu baada ya kufufuka alitoka kwenye hali ya mwili wa nyama na kuingia kwenye mwili mtakatifu wa kiroho.
Katika utukufu huo, wanadamu wadhambi wa Israel wasingeweza kumuona hadharani kwa sababu mwili na Roho yake ilikuwa imeshaunganishwa na utukufu wa mbinguni ndio maana ni wachache walioweza kumwona hasa mitume wake na baadhi ya WANAWAKE wachache waliojitaka mioyo Yao kwa ajili ya kumfuata na kumsiliza Yesu.
Hata Sasa na wewe ukifanya toba na kuamua kumfuata Yesu, utamuona ungali hapa hapa duniani. Tofauti na hapo utaendelea kusema habari za Yesu ni za kutunga.
 
Mtu akifa huwa anabaki na mwili wake?
Si wote wanaupoteza.

Lete ushahidi kuwa alifufuka , hizi ngonjera zenu hazina maana
 
Ndugu yangu, nakushukuru kwa kuandika kwa ujasiri. Lakini ukweli ni kwamba Yesu Kristo alifufuka, na hii si hadithi wala ngano, bali ni tukio lililoshuhudiwa na watu wengi. Si wanafunzi wake tu waliona, bali zaidi ya watu 500 walimwona Yesu akiwa hai baada ya kufa, kama ilivyoandikwa katika 1 Wakorintho 15:6. Hawa walikuwa watu wa kawaida, wengine walikuwa na mashaka, lakini baada ya kumwona, waliamini na hata wakakubali kuuawa kwa ajili ya ushuhuda wao.

Kaburi lililokuwa likilindwa na askari wa Kirumi lilipatikana tupu. Kama mwili wa Yesu ungeibwa, maadui wa injili wangeutoa hadharani kuondoa hoja ya ufufuko, lakini hawakupata mwili kwa sababu Yesu hakuwa kaburini tena.

Wanafunzi wake hawakufa kwa uongo waliouunda, bali walikufa kwa sababu waliona na walishuhudia kweli. Kifo cha Yesu kilikuwa hadharani, lakini ufufuko wake ulishuhudiwa na waliomwona akiwa hai tena na kuzungumza nao. Na hadi leo, Yesu anaendelea kubadilisha maisha ya watu wengi, ikiwa ni ushuhuda kwamba yuko hai.

Hii si ngano ya Mashariki ya Kati, bali ni habari njema ya wokovu kwa kila mtu. Yesu alikufa kwa ajili ya dhambi zetu, akazikwa, na siku ya tatu akafufuka kwa nguvu ya Mungu. Na atarudi tena. Tafakari.
 
MWANAHARAMU said:
Mtu akifa huwa anabaki na mwili wake?
Si wote wanaupoteza.

Lete ushahidi kuwa alifufuka , hizi ngonjera zenu hazina maana
Click to expand...
Ndugu yangu, naomba nikujibu kwa upendo na kwa ushahidi. Ni kweli mtu akifa mwili hubaki, lakini Yesu hakusalia kaburini. Alifufuka kwa mwili wake wa utukufu, na hili halikuwa ngonjera bali tukio halisi lililoshuhudiwa.

Yohana 20:27 Yesu alimtokea Tomaso na kumwambia: “Leta hapa kidole chako; uvitazame mikono yangu. Leta mkono wako uutie ubavuni mwangu; wala usiwe asiyeamini, bali mwenye kuamini.” Hii inaonesha kwamba mwili wa Yesu baada ya kufufuka ulikuwa halisi ulikuwa na alama za misumari na jeraha ubavuni.

Luka 24:39 Yesu aliwaambia wanafunzi: “Tazameni mikono yangu na miguu yangu, ya kuwa ni mimi mwenyewe; niguseni, mkajue; kwa kuwa roho haina nyama na mifupa kama mnayoniona nayo.” Hapa Yesu anathibitisha kwamba alifufuka kwa mwili, si kivuli, si ndoto.

Kaburi lake lilikuwa tupu Mathayo 28:5-6. Malaika akawaambia wanawake: “Ninyi msiogope; kwa maana najua mnatafuta Yesu aliyesulubiwa. Hayupo hapa, kwa kuwa amefufuka kama alivyosema. Njooni mtazame mahali alipokuwa amelala.”

Na mwisho, zaidi ya watu 500 walimwona akiwa hai baada ya kufufuka (1 Wakorintho 15:6), na hakuna ushuhuda hata mmoja wa kihistoria ulioonyesha kuwa walikuwa waongo. Wengi walikubali kuuawa wakishikilia kuwa walimwona Yesu akiwa hai.

Huu si ushabiki wala ngonjera. Ni ushuhuda wa historia, wa maandiko, na wa maisha ya watu waliobadilishwa hadi leo. Tafakari kwa moyo ulio wazi. Yesu yu hai.
 
Alimtokea kama mzimu au?
Kutokea ni from no where.
Kama alihubiri masokoni, njiani , kwenye masinagogi ila iweje mseme alijitokeza kwa wanafunzi na wafuasi wake, hii ni ishara hili ni tukio la kutungwa lisilo na ushahidi.

Halafu neno kumtokea ni ghafra, bin vuu. , from no where.
Unadhani bado alikuwa na sifa za mtu aliye hai?

Hizi ngano za mashariki ya kati hazina consistent.
 
Ndugu yangu, nakushukuru kwa kuuliza tena kwa nia ya kujua mambo ya ndani.

Yesu hakutokea kama mzimu. Mzimu ni roho isiyo na mwili wala mifupa. Lakini Yesu alijitokeza akiwa na mwili wa kipekee baada ya kufufuka mwili wa utukufu, ambao ni tofauti na huu wa kawaida, lakini bado ni halisi. Alionekana, alizungumza, aliguswa, na hata alikula chakula mbele ya mashuhuda.

Katika Luka 24:36-43, wanafunzi walidhani wamemuona mzimu, lakini Yesu aliwaambia wazi: “Tazameni mikono yangu na miguu yangu, ya kuwa ni mimi mwenyewe; niguseni, mkajue; kwa kuwa roho haina nyama na mifupa kama mnayoniona nayo.” Kisha aliomba chakula na akala samaki mbele yao. Hii inaonesha hakutokea kama mzimu, bali kama mtu aliye hai kwa mwili wa utukufu.

Ni kweli alijitokeza kwa wanafunzi wake na wafuasi wake wa karibu. Lakini si kwa siri au kwa nia ya kuwahadaa. Alijitokeza kwao kwa sababu hao ndio walikuwa mashahidi waliopaswa kupeleka injili duniani. Na tena, si wao tu waliomwona, bali watu zaidi ya 500 walimwona akiwa hai baada ya kufa, kama inavyoelezwa katika 1 Wakorintho 15:6. Huo ni ushuhuda mpana zaidi ya kundi dogo la waaminifu.

Kuhusu yeye kutokea ghafla ni kweli. Mwili wa utukufu hauzuiliwi na milango wala ukuta, lakini bado ni halisi. Hii ni sehemu ya sifa ya mwili wa ufufuo, ambao hata waumini wataupokea siku ya mwisho (1 Wakorintho 15:42-44). Kutokea kwake “from nowhere” hakumaanishi kuwa hakuwa hai, bali alikuwa na sifa za mwili wa kiroho na wa utukufu.

Kwa hiyo, tunachosema si ngano wala hadithi, bali ni ushuhuda wa maandiko, historia, na maisha halisi ya watu waliomwona na kumgusa. Tangu karne ya kwanza hadi leo, maisha ya watu mamilioni yamebadilika kwa nguvu ya ufufuo wa Yesu. Hiyo si hadithi hiyo ni ushuhuda unaoendelea.

Nakuomba ufungue moyo, usikie kwa ndani, kwa sababu Yesu yuko hai na anaweza kujifunua kwako pia, si kwa ngano bali kwa ukweli. Tafakari.
 
Mwili halisi halafu hauna makovu?
Hizi ni propaganda zisizo na mashiko.

Hii ilitengenezwa na wafuasi wake Wala haikuwa na uhalisia.
Kama kweli alikuwa na mwili na anaishi, kwa nini hakuendelea kuhubiri?
 
MWANAHARAMU said:
Mwili halisi halafu hauna makovu?
Hizi ni propaganda zisizo na mashiko.

Hii ilitengenezwa na wafuasi wake Wala haikuwa na uhalisia.
Kama kweli alikuwa na mwili na anaishi, kwa nini hakuendelea kuhubiri?
Click to expand...
Ndugu yangu, inaonesha uko makini na unapenda kuelewa mambo, hilo ni jambo jema sana.

Kama ulikua hujui, Yesu alifufuka na makovu yalikuwepo. Maandiko hayafichi. Tomaso mwenyewe alihitaji kuona alama za misumari ndipo akaamini.

Yohana 20:27 inasema:
Yesu alimwambia Tomaso: "Leta hapa kidole chako; utazame mikono yangu. Leta mkono wako uutie ubavuni mwangu..."
Hii inaonesha wazi kwamba makovu yalikuwepo. Alikuwa na mwili wa utukufu, lakini makovu ya msalaba yalibaki kama ushuhuda wa kile alichopitia kwa ajili ya mwanadamu.

Sasa kuhusu hoja ya kwamba hii, "ilitengenezwa na wafuasi wake" fikiria hivi, Je, watu huchukua uongo, kuufanya kuwa sababu ya mateso yao, halafu wafe kwa ajili yake bila kurudi nyuma? Wanafunzi wa Yesu walikuwa wamekimbia kwa woga. Baada ya kumwona Yesu akiwa hai, wakabadilika, wakawa jasiri, wakahubiri bila woga, na wengi wao wakauawa wakishuhudia kwamba walimwona Yesu akiwa hai. Hii haiwezi kuwa uongo wa kupangwa. Hakuna mtu anayekubali kufa kwa uongo aliojitengenezea.

Kuhusu kama Yesu alikuwa na mwili na alikuwa hai, kwa nini hakuendelea kuhubiri?
Tambua kwamba kazi yake ya ukombozi ilikamilika msalabani na kufufuka kwake. Baada ya kufufuka, alikaa duniani siku 40 akiwaonyesha watu ushahidi wa kuwa yu hai, na akawapa maagizo ya mwisho (Matendo 1:3). Kisha alipaa mbinguni mbele ya mashahidi (Matendo 1:9-11), akaketi upande wa kulia wa Baba.

Hii ilikuwa ni kutimiza mpango wa Mungu. Kwa sababu sasa injili inapaswa kuhubiriwa na watu waliomwamini. Yesu alituachia kazi hiyo sisi (Mathayo 28:19-20) na akatuma Roho Mtakatifu kutuongoza.

Kwa hiyo, ujumbe ni huu, Yesu hakubaki duniani kwa mwili kwa sababu kazi yake ya kifo na ufufuo ilikuwa imekamilika. Lakini ameahidi kurudi tena katika utukufu, kuhukumu walio hai na waliokufa.

Nakupongeza kwa kuuliza. Tafakari kwa kina. Yesu yu hai na yuko tayari kukujibu ukiwa na moyo wa kweli wa kutafuta.
 
Thomaso alikuwa nani?
Mwanafunzi wake au mtu Baki kutoka sokoni?

Kama haikuwa kadamnasi basi, ni zao la utengenezaji wa stori kama zile hekaya nyingine.

Alikufa hakika ilionekana
Alizikwa hakika
Ila hili la mwisho ni tengeneo la watu
 
Mzee Una uhakika na unachoongea?

You are very ignorant, kama hujui kitu ni kheri kukaa kimya.

Ushahidi kuhusu maisha ya Yesu kristo upo na ni wa kutosha, hapa nazungumzia ushahidi ambao ni outside of the bible, ushahidi kutoka kwa watu ambao walikuwa wanauchukua ukristo na watu ambao hawana interest kabisa na dini ya kikristo, wana historia wa zamani kama Tacitus (from Annals of Tacitus) kazungumzia uwepo wa mtu ambaye tunayemwita Yesu Kristo kipindi cha uhai wake, meaning AD 14-68.

Wapo wanahistoria wa kirumi wengine waliomzungumzia Yesu kweny maandiko yao na sio tu huyo Tacitus, tatizo lako ni ignorance tu, umeshikilia uongo na kuukumbatia without kuwa na chachu ya kujifunza zaidi, upo kweny jela la kifikra.

Ni bora tu useme simwamini mtu aitwaye Yesu kristo na sio kusema hakuwahi kuwepo, that's PURE STUPIDITY AND IGNORANCE.

min -me umejionea?? Atheism is not built around intelligence or critical thinking, it's built around ignorance.
 
Yesu ni jina la Mungu mmoja.

Mungu ni mmoja tu, na Jina lake huyo Mungu mmoja ni Yesu Kristo/Yeshua Hamashiach.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…